د پوځ د خبرپاڼې له مخې، د خیبرپښتونخواپه خیبر سیمه کې د دوشنبې په ماښام د ډزو په ترڅ کې د وسله والو یو قومندان هم وژل شوی دی. دغې سیمې کې پخوا پاکستاني طالبانو فعالیت درلود.

د پاکستان پوځ په دې اړه ډېر جزئیات نه دي ورکړي؛ خو ویلي یې دي وژل شویو وسله والو پخوا د پاکستان پر امنیتي ځواکونو بریدونه کړي وو. د پاکستاني طالبانو تحریک د ټي ټي پي په نوم هم یادېږي، یوه ځانګړې ډله ده خو د افغان طالبانو متحده ډله ګڼل کېږي.

د څارونکیو په باور، پر افغانستان د طالبانو بیا واکمنېدو پاکستاني طالبان پیاوړي کړي او دغې ډلې پر پاکستاني امنیتي ځواکونو خپلو بریدونو ته زور ورکړی.

Hs/OD/af (AP)