د پاکستان د پوځ د مشر جنرال عاصم منیر دا څرګندونې وروسته له هغې وشوې چې په روانه اونۍ کې د پاکستان په جنوب لوېدیځ بلوچستان ایالت کې چې له افغانستان سره پر پوله پروت دی، په  دوو وسله والو بریدونو کې ۱۲ پاکستاني پوځیان ووژل شول.

«افغان طالبانو د تحریک طالبانو د ډلي د "شنډولو" بهیر پیل کړی»

منیر د جمعې په ورځ د بلوچستان په مرکز کوټه کې د یوې پوځي غونډې په ترڅ کې وژل شویو سرتېرو ته درناوی وړاندې کړ.

خو په ورته وخت کې بیا د چهارشنبه په ورځ د بریدونو په ترڅ کې اوه بریدګر د ځواکونو په ځوابي ډزو کې ووژل شول.

تحريک طالبان پاکستان کومه چې يوه جلا ډله ده، د افغان طالبانو سره اړيکې لري. د دې ترڅنگ په بلوچستان ايالت کې د اسلامي دولت داعش ډله هم فعاليت لري.طالبانو او پاکستان د سوداګرۍ او امنیتي همکاریو پر پراختيا توافق وکړ

خو د دې هرڅه ترڅنګ د تحریک جهاد پاکستان یوې نوې جوړې شوې وسله والې ډلې بیا د چهارشنبې د ورځې د یوه برید مسوولیت منلی دی.

په ژوب کې تر سره شوي دغه بريد کې نهه عسکر وژل شوي وو. خو د دويم بريد مسؤليت چې په سويي کې ترسره شو، تر اوسه چا په غاړه نه دی اخيستې.

په کابل کې د طالبانو په مشرۍ ادارې لا تر اوسه د پاکستاني جنرال څرګندونو ته غبرګون نه دی ښودلی.

د پاکستان د دفاع وزیر او د استخباراتو رئیس کابل ته سفر کړی

د منیر له قوله ویل شوي چې د پاکستان وسله وال ځواکونه په افغانستان کې د پاکستاني طالبانو د "خوندي پټنځایونو " په اړه جدي اندېښمن دي.

د پاکستان د پوځ مشر زیاته کړې چې تمه لري چې افغان طالبان به د واشنګټن سره د ۲۰۲۰ شوي موافقې پر بنسټ په خپلو ژمنو عمل وکړي او د افغانستان له خاورې څخه دي د ترهګري بریدونو مخه ونیسي.

هغه وویل، که دوی په دې کار کې پاتې راشي، نو دا "د نه زغملو وړ بریدونه به اغیزمن ځواب ولري."

د پاکستاني طالبانو او داعش وسله والو تر څنګ ځايي بلوڅ بېلتون غوښتونکي هم په ګازو بډایه بلوچستان کې په پراخه کچه حضور لري. دا ايالت له دوو لسیزو راهیسې د ټيټې کچې قومي پاڅونونو ډګر هم و.

پاکستاني طالبان له حکومت سره د سولې د خبرو په موخه اوربند غځوي

د بلوڅ بېلتون غوښتونکو ترڅنګ، پاکستاني طالبانو یا ټي ټي پي په صوبه بلوچستان کې په پاکستاني پوځیانو او پولیسو د ډیری بریدونو مسؤلیت په غاړه اخیستی دی.

د پاکستان تحریک طالبان د ۲۰۲۱ کال د اګست په میاشت کې په افغانستان کې د افغان طالبانو د واک له ترلاسه کولو سره سم لا پسې پیاوړې شوې دي. دا ځکه چې د امریکا او ناټو ځواکونه له ۲۰ کلنې جګړې وروسته له دغه هیواد څخه د وتلو په وروستي پړاو کې وو.