اروپايي کمیسیون د المان حکومت د پلانونو د ملاتړ سګنال ورکړی دی. د المان حکومت ویلي وو چې د پناهندګۍ دوسیې دې په بیړه د اروپا په باندنیو سرحدونو کې و ارزول شي.
آلمان او اتریش د اروپا د اتحادیې د بهرنیو سرحدونو د لا زیاتو ټینگلو غوښتنه کوي
د اروپایې اتحادیې د کورنیو چارو کمیسارې یلوا جوهنسن د «ولټ ام زونټاګ» ورځپاڼې ته وویل: «مهمه ده چې الزامي سرحدي تګلاره ولرو. دا اړينه ده چې غیر قانوني مهاجرت کنترول او د عملي کیدو وړ او چټک، خو انساني بیرته ستنونه یا اخراج تضمین کړای شي.»
اغلې جوهنسن زیاته کړه: «سرحدي تګلارې به دا خبره هم یقیني کړي چې په اروپا کې دننه به هم د دویم ځلي یا ثانوي مهاجرت په کچه کې د پام وړ کمښت رامنځته شي.»
د نورو موضوعاتو له پاره زمونږ یوټیوب شبکې ته سر ورښکاره کړئ:
د نورو موضوعاتو له پاره زمونږ فیسبوک شبکې ته سر ورښکاره کړئ:
د اروپایي کمیسیون دغې چارواکې د رد شوو پناه غوښتونکو د اخراجولو پروسې د لا زیات اغیزمنولو غوښتنه هم وکړه. جوهنسن یادې ورځپاڼې ته وویل: «د دې له پاره چې د اخراجولو پروسه آسانه او ګړندۍ شي، باید اروپایي هیوادونه ټول هغه تصمیمونه په رسمیت وپيژني چې د اروپایي اتحادیې یوه بل غړي هیواد لا دمخه د اړونده کس په هکله نیولې وي.»
د المان د کورنیو چارو وزیره نانسي فایزر او د اروپايي کمیسیون د داخلي چارو مشره یلوا جوهنسنانځور: Bernd von Jutrczenka/dpa/picture alliance د المان د کورنیو چارو وزیرې نانسي فایزر بیا له «بيلډ ام زونټاګ» ورځپاڼې سره په خبرو کې د اروپا په باندنیو سرحدونو کې د پناهندګۍ د مرکزونو ایجادولو په اړه پر خپل وړاندیز ټینګار وکړ. فایزر وویل: «د هغو کسانو د پناهندګۍ د غوښتنلیک په هکله چې په اروپایي هیوادونو کې د حفاظت ترلاسه کولو ډیر لږ چانس لري، باید په راتلونکي کې هم هلته په باندنیو سرحدونو کې لا تصمیم ونیول شي.»
جوهنسن د اروپایې اتحادیې د مهاجرت د ګډ سیاست په هکله خوشبینې ښکاره کړه: «وزیره فایزر او زه دواړه د پناهندګۍ او مهاجرت د تړون په برخه کې د هغو پرمختګونو په هکله چې کوو یې، متمرکز او هیله مند یو.»
اروپا پر خپلو بهرنيو سرحدونو کنترول زياتوي
په ۲۰۱۵م کال کې د مهاجرت د بحران راهیسې اروپایي اتحادیه پر دې نه ده توانیدلې چې د مهاجرت د هر اړخیزو اصلاحاتو په برخه کې پر یوه ګډ سیستم موافقې ته ورسیږي.
فایزر د مارچ میاشتې په لومړیو کې د اروپايي اتحادیې د کورنیو چارو وزیرانو په شورا کې د چټګې حل لارې غوښتنه کړې وه.
رد شويو مهاجرو ته تر اروپايي ټولني دباندي کمپ جوړيږي
د المان د کورنیو چارو د وزیرې هدف دا دی چې په ۲۰۲۴م کال کې د اروپا له ټاکنو مخکې دې د پناهندګۍ او مهاجرت په سیاست کې د اصلاحاتو عملي کیدل پيل شي.
آژانسونه: ش.ن/ ن.ص
له بوسنيا څخه اروپايي ټولنې ته د مهاجرت له خطرونه ډکه لاره
د پسرلي له پېل راهيسې نه يوازې د مهاجرو شمير چې د بالکان له لارې اروپا ته راځي، د ډېريدو په حال کې دی، بلکې تاوتريخوالي او په کروشيا کې د اروپايي اتحادیې له سرحده د مهاجرو غيرقانوني ستنولو لړۍ هم يو ځل بيا چټکه شوې ده.
انځور: Dirk Planertد بوسنيا د لوېديځ د بېهاج ښار په شا او خوا کې په کنډوالو او خيمو کې په زرونه مهاجر اروپايي اتحادیې ته د اخليدو په انتظار دي. دې ځوانانو نارينه وو خپل سفر څو کاله پخوا له پاکستانه پېل کړی دی. اوس څو مياشتې کیږي چې له بوسنيا څخه د وتلو لاره نه لري. د دغه ځوان مهاجر [په انځور کې] د زامي غاښ التهابي شوی. اروپا ترې يوازې د څو کيلومترو په واټن کې ده.
انځور: Dirk Planert/DWله سرحده د تیريدو فصل ته انتظار
د پسرلي په شروع کيدو سره هوا ګرمه شوې ده او په ورته وخت کې له سرحده د تیريدو هڅې هم پيلیږي. دغه ځوان تر اوسه تر شلو ډېر ځله اروپايي اتحادیې ته د داخليدو هڅه کړې ده. خو هغه هر ځل د اروپايي ټولنې د پوليسو له خوا نيول شوی او په غير قانوني توګه بيرته بوسنيا ته استول شوی دی. جامې او د شا بکس یې د يوې مرستندويه ټولنې له خوا ترلاسه کړې دي.
انځور: Dirk Planert/DWدمګړۍ د ليپا په مهاجر کمپ کې چې د استوګنې له سيمې شل کيلومتره لېرې پروت دی، د ۲۰۰ او ۳۰۰ په منځ کې نارينه ژوند کوي. زياترو مهاجرو د دې دوو نارينو په څېر، د ځان له پاره پخپله د ښار په شا او خوا يا ځنګله کې سرپناه برابره کړې ده. دا ځای سرحد ته ډېر نزدې دی. د ښځو، ماشومانو او کورنيو له پاره په ښار کې دننه يو کوچنی کمپ شتون لري.
انځور: Dirk Planert/DWد بوسنیا په لوېدیځ کې انساني بحران تر اوسه لا پای ته نه دی رسیدلی خو کنترول شوی دی. ډېر مهاجرو اوس ځانونه خپلو هدفونو يعني آلمان، فرانیسې او يا ايټاليا ته رسولي دي. په تيرو مياشتو کې د ژمي سړی هوا له پولې څخه تيريدل ناشوني کړي ول. ډېرو مهاجرو د سارايوو او صربستان په کمپونو کې د پسرلي انتظار کړی دی.
انځور: Dirk Planert/DWد مرستندويه ټولنو او رضاکارانو مرسته
له کلونو راهيسې په دې سيمو کې مهاجرو ته د رسېدګۍ او د هغوی د اړتيا د پوره کولو مسئوليت سيمه ایزو مرستندويه ټولنو او همدا راز له آلمان، اتریش، سويس او ايتاليا څخه رضاکارانو پر غاړه اخيستي دی. د «اس او اس – بیهاج» سازمان په ۲۰۱۵م کال کې د مهاجرو د بحران د اوج پر وخت جوړ شوی. دا ټولنه د مرستې رسولو له پاره بودجه د « Aachener Netzwerk» سازمان له خوا ترلاسه کوي.
انځور: Dirk Planert/DWمهاجرو ته د اړينو توکو رسول
اندي جهيک د «اس او اس بېهاج» د مرستندويه ټولنې غړی دی. نوموړی هغه کنډوالې او کورونه چې مهاجر ترې د اروپا د سرحد پر لور د سفر په ترڅ کې په ځنګلونو کې د سرپناو په توګه کار اخلي، ښې پيژنی. هغه د خپل جيپ موټر سره سفر کوي او مهاجرو ته خواړه، جامې، اوبه او د رڼا وسایل رسوي.
انځور: Dirk Planert/DWاندي ۲۲ کلن دی او د «اس او اس بېهاج» ټولنې يو روزل شوی مرسته کوونکی دی. دی او نور همکاران یې د بوسنیا په لوېديځ کې د مهاجرو د ټپونو درملنه او د هغوی نورو روغتيايي ستونزو ته رسېدګي کوي. د بيړنيو پېښو له پاره هغوی يو امبولانس هم لري چې د آلمان د « Lautlos» په نوم خيريه موسسې له خوا یې ترلاسه کړی دی.
انځور: Dirk Planert/DWد سهار پر څلورو بجو لومړۍ بيړنۍ پېښه
د کرواشيا سرحد ته څېرمه د ليپا د کمپ کارکوونکو تماس نيولی دی چې دوه نارينه د چړو په بريد کې ټپيان شوي دي چې د يوه حالت د اندیښنې وړ دی. دوې دقيقې وروسته د اس او اس بېهاج ټولنې ډله د پېښې ځای ته روانيږي. د يوه ټپي ژوند چې د بدن په پاسنۍ برخه کې یې د چړې ضربه ليدلې، په خطر کې دی.
انځور: Dirk Planert/DWد روغتون عاجله برخه مرسته کوي
د دويم ټپي زخمونه روغتون ته پر لاره تداوي کيږي. خو د سخت ټپي شوي کس ژوند يوازې په روغتون کې تر بيړنۍ ترملنې وورسته ژغورل کيدای شي. ډېر مهاجرين د تاوتريخوالي له ويرې نه غواړي د ليپا کمپ ته ولاړ شي. هغوی وایي چې د دغه کمپ د کټارو تر شا وهل ټکول د ورځني ژوند برخه ده.
انځور: Dirk Planert/DWد بوسنيا پوليس د دیپورت شويو کسانو اسناد ثبتوي
په کرواشيا کې د اروپا د خارجي پولې څخه په څو کيلومترۍ کې، د مهاجرو د پښو نخښې. د بوسنيا سرحدي پولیس هم د خپلو ګزمو پر وخت په منظم ډول د مهاجرو د پلونو د نخښو سره مخ کیږي. هغوی د کروشيا د پوليسو له خوا په غير قانوني توګه د شړل شويو کسانو اسناد ثبتوي او چارواکو ته یې سپاري. دا چې بيا له دغو معلوماتو سره څه کيږي، دوی نه پوهیږي.
انځور: Dirk Planert/DW«زما تراوما، ما نور هم قوي کوي»
د بوسنيا پوليس د مريضو يا ټپي مهاجرو د موندنې په صورت کې د اس او اس بېهاج ټولنې ته خبر ور کوي. دا کار په ځانګړي توګه په ژمي کې د مهاجرو ژوند ژغوري. د دې ټولنې مشر زلاتان کواچویچ پخپله هم د جګړې يو قرباني دی. نوموړي د ۱۵ کلنې په عمر د بوسنيا په جګړه کې د يوه لاسي بم په چاودنه کې خپله کيڼه پښه بایللې وه. زلاتان وايي: «زما تراوما ما نور هم قوي کوي.»
انځور: Dirk Planert/DWکوواچويچ ځيني وخت په مهاجرو پسې د لټون له پاره بې پېلوټه الوتکه کاروي. دا په دې معنا ده چې د غرونو په منځ کې په لا ډېره پراخه ساحه کې لټون وکړي. هغه وايي: «موږ هره ورځ په داسې خلکو پسې لټه کوو چې مرستو او رسېدګۍ ته اړتیا لري. د پسرلي په رسېدو سره هغوی يو ځل له سرحده د اوښتو هڅه کوي. ډېری یې نه پوهيږي چې له سرحد څخه د تېريدو هڅه د مرګ او ژوند لوبه کیدلی شي.»
انځور: Dirk Planert/DW