د پنجشنبې په ماښام (د اپریل میاشتي ۱۳) اف بي ای د ماساچوست په شمال کي یو کس په انټرنیټ کې د متحده ایالاتو د پټو معلوماتو د افشا کولو په شک ونیول شو.
سي بي ایس نیوز دغه ځوان د جیک تیشیرا په نوم ياد کړی دی. واشنګټن پوسټ مخکې په سوشل ميديا کي د یوه ګروپ د دوو غړو د څرګندونو په اړه راپور ورکړی و، چې د "او جي" په نوم یادیږي او د نظامي اډې کارکونکي دي.

د پنتاګون «محرم اسناد» او د اوکراین پر ملاتړ د بلینکین ټینګار

د سي ان ان په وینا، د هوايي ملي ګارد غړو د «ډیسکورد پلیټ فارم» په نوم یو کوچنی پیغام ګروپ پیل کړی و، دا هغه ټولنیزه رسنۍ ده چې د کمپیوټري لوبو مینوال یې ډیر خوښوي.

د امریکا قضايي سیسټم جیک تیشیرا د ۱۹۱۷ د جاسوسۍ قانون تر نوم لاندي ونیوه او ښایې محکمه یې د لسو کالو په بند محکوم کړي. خو امریکایي رسنۍ ټینګار کوي چې هغه د ډیرو محرمو اسنادو د افشا کولو یوازینی مسؤل نه ګڼل کیږي.

زموږ له آرشیف څخه:

پر اوکراین د روسیې د جګړې په اړه د امریکا د استخباراتو او پوځي سازمانونو، سي آی اې او پنټاګون پټ اسناد د مارچ له لومړیو راهیسې په انټرنیټ کې لاس په لاس کیدل؛ چې دغو معلوماتو کې د جبهو د حالت په ګډون د وسلو او تجهیزاتو رسولو اطلاعات هم شامل ول.

اړونده موضوع:پنتاګون: د امريکا په فضا کې د چين يو «جاسوسي بالون» ليدل شوی

دا لا هم څرګنده نه ده چې په افشا شویو اسنادو کې کوم معلومات مستند دي او کومو برخو کې یې لاسوهنه شوې ده.

د ایران او نیکاراګوا اړوند یو سند

نیویارک ټایمز لیکلي دي چې د ایران او نیکاراګوا ترمنځ د پوځي همکارۍ په اړه د خبرو اترو پټ سند هم په یاد افشا شوي معلوماتو کې شته چې ظاهراً د بریښنايي وسیلو له لارې ترلاسه شوي.

نیویارک ټایمز وايي چې دا سند په «ډیسکورډ سرور» کې د پوسټ شوي معلوماتو پراساس ترلاسه کړی. دا سند د فبرورۍ مياشتي په پای کې د نیکاراګوا له لوړ پوړو پوځي قوماندانانو سره د ایران د بهرنیو چارو د وزیر امیر عبداللهیان او د هغه د ملګري پلاوي له کتنې سره تړاو لري. او دغو دواړو اړخونو «په لاتين امريکا کي د امريکا د نفوذ» په اړه مخالفت کې دواړه په يوه نظر دي.

اړونده موضوع: پنټاگون د محرمو اسنادو خپریدل لوی امنیتي خطر بولي

تهران او مناګوا دواړه د واشنګټن تر بندیزونو لاندې دي. د نیویارک ټایمز په راپور کې په لاتین امریکا کې د ایران د مرستو یادونه شوې ده. خو امریکايي چارواکو لا د دغو معلوماتو د کره والي يا نه کروالي په اړه څه نه دي ويلي.

د ورځپاڼې له خوا په یاد شوي سند کې د افشا شویو پټو اسنادو شمېر د ۵۰ او ۱۰۰ تر منځ دی. امریکايي رسنیو د دغو اسنادو په اړه څو ورځي مخکي خبر ورکړ. په داسې حال کې چې یاد معلومات د څو اونیو راهيسي په انترنيټ کي خپاره شوي ول. د امريکا متحده ایالاتو د دفاع وزیر لويد آستین بیا ویلي دي چې هغه یوه اونۍ دمخه د اطلاعاتو له افشا کیدو څخه خبر شوی و.

د دې معلوماتو د سرغړونې په اړه ډېري پوښتنې شته. د پنټاګون او سي آی اې اسناد څنګه د دوی تر حلقې دباندي وتلي او څه ډول د ملي ګارد يوه ۲۱ کلتن غړي ته رسېدلي دي؟ دا هغه پوښتنې دي چې د ځواب له پاره وخت او نورو جزیئاتو ته اړتیا لري.

تر ټولو مرکزي ټکی دا دی چې ولې باید داسې مهم او محرمو اسنادو ته هغه لاسرسی ولري؟

تیشیره په ۱۷ کلنۍ کې په ۲۰۱۹م کال کې د امریکا متحده ایالاتو هوايي ملي ګارد سره یوځای شو او د معلوماتي ټیکنالوژۍ متخصص په توګه یې کار کاوه.
دا لومړی ځل نه دی چې د امریکا د حکومت محرم معلومات افشا کیږي. مګر اوسنۍ قضیه بیا ځانګړې ده، دا ځکه چې سرچینه نه جاسوس دی او نه هم د اډوارډ سنوډن په څیر سپکاوی کوونکی. په دې اساس په رسنیو کې دا پوښتنه راپورته شوې چې دغه استخباراتي دسیسه جاسوسي وه او که يا هم په ښکاره ول؟