د څو تنو شکمنو کسانو له نیولو سره سره، د آلمان د پولیسو د ویاند په حواله تر اوسه پوري د څو میلیون یورو ارزښت لرونکې غلا شوې سکې کوم څرک نه دی معلوم. دغه سکه د برلین له یوه موزیم څخه غلا شوې ده.
د تیري چهار شنبې په ورځ (جولای پر ۱۲) د دې سکې د غلا په تړاو د درو کسانو د نیولو خبر خپور شو. د پولیسو په وینا دغه نیول شوي کسان هغو کسانو ته ډیر ورته والی لري چې سکه یې د برلین له موزیم څخه غلا کړې ده.
تر دې وړاندي، پولیسو د دې سکې د غلو ځيني داسې عکسونه خپاره کړي ول چې پکښې دغو کسانو تور کالي اغوستي ول. پولیسو له خلکو غوښتي چې د دې کسانو په هکله هر راز معلومات ولري، نو سمدلاسه دي يې له پولیس سره شریک کړي.
له معلوماتو سره سم، پولیسو ته داسې معلومات ورکړل شوي چې د دې کسانو د پیژندنې په هکله یې مرسته کړې ده. د چهارشنبې په ورځ د دغو درو کسانو تر نیولو وروسته، کابو ۳۰۰ ځانګړو پولیسو د برلین د «نویه کلن» په سیمه کې د ډيرو شکمنو کسانو کورونه او د طلا پلورونکو څو دوکانونه هم پلټلي دي.
د پولیسو د ویاند په حواله، تر اوسه پوري د غلا شوې طلايي سکې او یا د هغې د ویلي کیدو هیڅ څرک نه دی معلوم.
د دې غلا شوې سکې قطر ۵۳ سانتي متره، ډبلوالی یې ۳ سانتي او وزن یې شاوخوا ۱۰۰ کیلوګرامه دی. پر دې سکې باندې د بریتانیا د ملکې الیزابت دوهمي پر انځور سربیره د دې سکې ارزښت چې یو میلیون یورو دی، رسم شوي دي. دا په داسې حال کې ده چې د دې سکې د خالصې طلا ارزښت شاوخوا ۳ میلیونه او ۷۰۰ زره یورو اټکل شوی دی.
زموږ له ارشيف څخه:
تر ټولو لوی د سرو زرو کان د غربت په منځ کي
د نړۍ د سرو زرو تر ټولو لوی کان په اندونیزیا کې دی. د ګراس برګ له دغه کان څخه د سرو زرو تر ایستلو وروسته پاتې شونې په دریاب کې غورځول کیږي. د کامور قبیلي غریب خلک بیا له دغو پاتې شونو څخه د سرو زرو د را ایستلو کوښښ کوي. انځور: Getty Images/U. Ifansasti د اندونیزیا حکومت هر کال په اوسط ډول ۷۰ میلیارده ډالره د «ګراس برګ» د کان له درکه عایدات لري. خو د دغه کان بل لور ته اوسیدونکي د «ایکوا» له سیند څخه د کبانو پر نیولو او یا هم د کان له هغه پاتې شونو څخه چې په سیند کې غورځول کیږي، د سرو زرو دراتو د پيدا کولو له لارې خپله روزي برابروي.
انځور: Getty Images/U. Ifansasti د ایکوا، له سیند څخه د سرو زرو د را ایستلو په فکر کې له لرو لرو ځایونو څخه هم خلک راغلي او دلته میشت شوي دي. خو له دې کان څخه په ترلاسه کیدونکي ۷۰ میلیارده ډالره عاید کې دوی ته د نشت، برابر برخه ورکول کیږي.
انځور: Getty Images/U. Ifansasti د کان کیندنې د ساحې د پراخیدو له امله د سیمي یو شمیر خلک بې کوره شوي دي. د کان کیندونکي کمپنۍ «فري پورټ» په حواله دوی ۳۰۰۰۰ کسانو ته د کار زمينه مساعده کړی ده، خو په دې ځای کې د اوسیدونکو فیصدي په کښې یوازې ۳۰ سلنه ده.
انځور: Getty Images/AFP/O. Rondonuwu د سرو زرو د لوی کان درلودلو سربیره انډونیزیا د مسو د معدن یا تولید له کبله هم د نړۍ دریم لوی هیواد دی. د ګراس برګ کان د دغه هیواد په پاپوا ایالت کې واقع دی.
انځور: Getty Images/AFP د ګراس برګ له معدن څخه نږدې هره ورځ شاوخوا ۲۰۰ زره ټنه پاتې شوني د ایکوا دریاب ته غورځول کیږي، چې له امله تر ټولو زیات زیان هغه په زرګونه زره هکټاره ځنګل او څړ ځایونو ته رسیږي چې له دغه دریاب څخه اوبه کیږي.
انځور: Getty Images/U. Ifansasti د سيند په خټو کې پټ سره زر
د ایکوا سیند ته نږدې اوسیدونکي بې وزله خلک په سیند د کان له غورځول شویو پاتې شونو څخه د سرو زرو د ذراتو را ایستلو کوښښ کوي. په اوسط ډول دوی په ورځ کې نږدې یو ګرام سره زر ترلاسه کوي.
انځور: Getty Images/U. Ifansasti په ۲۰۱۵ م کال کې د هغو ۱۲۰۰۰ کسانو پر ضد قانوني اجرائت شوي دي چې په غیرقانوني توګه یې پر کان کیندنې لاس پورې کړی وو.
انځور: Getty Images/U. Ifansasti د کان کيندنې پر مهال استعمالیدونکو خامو موادو په چاپیریال هم ناوړه اغیزې پریښې دي.
انځور: Getty Images/U. Ifansasti د سرو زرو کارو بار له امله په غیرقانوني خرڅلاو یا تور بازارونه هم ډیر شوی دي. د ګراس برګ په شاوخوا سیمه کې غیر قانوني اقتصاد د ودی په حال کې دی چې له امله یې د جرایمو کچه هم مخ پر لوړیدو ده.
انځور: Getty Images/U. Ifansasti