د چک جمهوريتپولیسو د جمعې په ورځ په یوه کوچنۍ لارۍ کې د انسانانو د قاچاق په تور یو کس ونیوه چې د موټر د بار وړلو په ځای کې یې ۳۳ سوریایي کډوال ځای پر ځای کړي وو.

د چک جمهوريت چارواکو د جمعې په ورځ په خپرو شوو اعلامیو کې ویلي، چې د دې موټر ۱۰ مسافر ماشومان وو. په انساني قاچاق تورن کس د چک د هدنین ښار ته څېرمه د پولیسو د پلټنو پر مهال نیول شوی دی.

د پولیسو په وینا، هغه باید له سلواکیا څخه چک جمهوریت ته په غير قانوني توګه د تیریدو په برخه کې د جرمي عمل لپاره محکمې ته ځواب ووايي. ویل شوي چې دغه مهاجر به د یوې موافقې له مخې بيرته سلواکیا ته وسپارل شي.

دا په نږدې وخت کې د خپل ډول دويمه پېښه ده. دوه اونۍ وړاندې د چک پولیسو په هادنین ښار کې یوه بار وړونکې لارۍ تعقیب کړه او له لارۍ یې شاوخوا ۲۷ سوريایي کډوال ونیول. موټر چلوونکی او احتمالي قاچاقبر نیول شوي دي.
هادنین شاوخوا ۲۴ زره نفوس لري او د سلواکیا پولې ته نږدې موقعیت لري چې د پراګ سویل ختیځ شاوخوا ۲۴۰ کیلومترۍ کې پروت دی.