د پروازونو د رادار شبکې د معلوماتو له مخې په ساحه کې د ډرونونو د لیدلو له کبله، د ډنمارک له تر ټولو مهم هوايي ډګر څخه شاوخوا ۳۵ پروازونه منحرف کړل شول.
د ريتزاو خبري آژانس رپوټ ورکړی چې د ډنمارک صدراعظمې ميته فردریکسن د سه شنبې په ورځ وویل چې د کوپنهاګن په هوايي ډګر کې د سترو ډرونونو پېښه چې له کبله ېې فعاليتونه مختل شول، «تر اوسه پورې پر ډنمارکي تاسیساتو یوه تر ټولو جدي حمله ده» چې ترسره کيږي.
هغې زیاته کړې: «دا د اوسني عصر چې موږ په کې ژوند کوو په تړاو هغه څه بیانوي چې موږ ېې له پاره باید د ېوې ټولنې په توګه چمتو واوسو.»
د ډنمارک صدراعظمې وویل: «په یقین سره موږ هېڅ ډول ممکنه احتمال نه ردوو چې د دې تر شا څوک دي.» د ډنمارک پوليسو ويلي چې د دوشنبې په ورځ د کوپنهاګن هوايي ډګر په ساحه کې ډرونونو ولیدل شول چې تر هغه وروسته دغه هوايي ډګر د پروازونو عملیات ودرول.
د کوپنهاګن هوايي ډګر پر خپلې رسمي اکس پاڼه ولیکل چې دغه هوايي ډګر د «فعالیتونو» له کبله پروازونه ودرول. که څه هم هوايي ډګر څو ساعته وروسته بېرته پرانیستل شو، خو شکونه لا هم پر خپل ځای پاته دي چې کېدای شي ځینې «پروازونه وځنډول یا لغوه کړل شي.»
د ډنمارک د صدراعظمې ميته فردریکسن د سه شنبې په ورځ وویل دا «تر اوسه پورې پر ډنمارکي تاسیساتو یوه تر ټولو جدي حمله ده» چې ترسره کيږي.انځور: Pascal Bastien/picture alliance/AP پولیس څه وايي؟ د کوپنهاګن پولیسو مخکې پر ټولنیزو رسنیو لیکلي ول وروسته له هغې چې په ساحه کې ۲ – ۳ لوی ډرونونه ولیدل شول، «هوايي ډګر د الوتکو د پروازونو او ناستو له پاره وتړل شو.»
د کوپنهاګن د پولیسو ارشد سرپرست، ینس جسپرېسن، د سه شنبې په ورځ خبریالانو ته وویل: «موږ دې نتېجه ته رسېدلي یو چې دا یو داسې څه وو چې موږ ورته د يوه «قابليت لرونکي نقش لوبونکي» فعاليت ویلی شو.»
جسپرېسن زیاته کړه چې «دا داسې یو ممثل دی چې خپله توانايي، اراده او لازم ابزار په دا ډول سره ښيي.»
د پولیسو مشر دغه راز وویل چې دغه ډرونونه چې له مختلفو استقامتونو راغلي ول او څراغونه ېې ګل او روښانه کیدل، څو ساعته وروسته لادرکه شول.
د پروازونو د رادار خدماتو شبکې د معلوماتو پر اساس، د کوپنهاګن له هوايي ډګر څخه د ماښام په ۸ بجو او ۲۶ دقیقو هوايي ترافیک ودرول شول او له دغه ډګره شاوخوا ۳۵ پروازونه منحرف کړل شول.
اوسلو په هوايي ډګرونو کې هم د ډرون ورته پېښه رپوټونه وايي په همدې ماښام د ناروې په اوسلو هوايي ډګر کې هم د ډرون ورته پېښه لېدل شوې ده. د ناروېجي رسنۍ ان آر کې د رپوټ پر اساس، دغه پېښې ټولې الوتکې دې ته اړې کړې چې له ېوې ځغاست لیکې استفاده وکړي.
په دې وروستیو کې د روسیې د سبوتاژکونکو فعالیتونو له وجې په شمالي اروپا کې امنيتی اندېښنې زیاتې شوي دي. دا په داسې حال کې ده چې د وروستیو اونیو په جریان کې د ناټو په هوایی حریم کې د ګڼو ډرونونو او د جنګي جیت الوتکو د تهاجم رپوټونه هم ورکړل شوي دي.
د نړۍ ستر هوایي ډګرونه په انځورونو کي
په استانبول کې نوی هوایي ډګر پرانیستل کیږي. دا به د نړۍ تر ټولو ستر هوایي ډګر شي. د نړۍ نسبتا سترو هوایي ډګرونو ته کتنه. انځور: Presseabteilung Igairport هارتسفیلد جکسن هوایي ډګر، اتلانتا امریکا په نړۍ کي تر اوسه تر ټولو زیات مصروفه هوایي ډګر د اتلانتا د هارتسفیلد جکسن هوایي ډګر ګڼل کیږي. د هوایي ډګرونو عمومي سازمان اې سي آی، په ۲۰۱۷م کال کې د ۱۰۴ میلیونه مسافرو تګ راتګ شمیرلی دی. له بل کوم هوایي ډګر څخه تر سلو میلیونو زیاتو مسافرو تګ راتګ نه دی کړی. له دې کبله د هارتسفیلد جکسن هوایي ډګر لومړی مقام لري.
انځور: picture alliance/AP Photo/D. Goldman د پیکینګ نړیوال هوایي ډګر په اوسنۍ درجه بندۍ کې د پيکینګ نړیوال هوایي ډګر دوهم ځای لري. په ۲۰۱۷م کال کې له دغه هوایي ډګره ۹۵،۸ میلیونه کسانو تګ راتګ کړی دی. د ۲۰۰۸م کال د اولمپیک سیالۍ د دې سبب شوې چې د پيکینګ هوایي ترافیک ډیر شي. د دغو سیالیو له پاره وتلي مهندس نورمان فوستر، یو نوی ستر ترمینل طرح کړ.
انځور: picture-alliance/dpa/M. Reynolds د دوبۍ په هوایي ډګر کې په ۲۰۱۷م کال کې تر ۸۸ میلیونو زیاتو کسانو تګ راتګ شمیرل شوی دی. په دې کې د پام وړ خبره دا وه چې له عربي نظره زیاتره دغه کسان چې ۸۷،۷۲ میلیونه کسان کیږي بهرنیان ول. د مسافرینو په منځ کې دغه هوایي ډګر د سودا رانیولو له پاره ځانګړی شهرت لري.
انځور: Reuters/A. Mohammad د جاپان د پلازمینې دغه هوایي ډګر په اوسنۍ درجه بندۍ کې څلورم ځای لري. له دغه هوایي ډګره ۸۵،۴ میلیونه کسانو تګ راتګ تر سره کړی دی.
انځور: AFP/Getty Images/K. Nogi د لاس اینجلس نړیوال هوایي ډګر، امریکا دغه الوتکه په څو شیبو کې د کلفورنیا د میلیوني ښار لاس اینجلس په هوايي ډګر کې کښیني او د مسافرو د پام وړ سهم کې برخه اخلي. په ۲۰۱۷م کال کې له دغه هوایي ډګره ۸۴،۵۶ میلیونه کسانو تګ راتګ کړی دی او په دې ترتیب په دغه درجه بندۍ کې پنځم ځای لري.
انځور: picture alliance/Markus Mainka اوهر هوایي ډګر، شیکاګو، امریکا د شیکاګو له ۷۹،۸۱ میلیونه مسافرو څخه یو تن د آلمان وتلی فوټبالر باستیان شواین شتایګر دی، چې په سږني منې کې د «شیکاګو فایر» کلب له پاره لوبیږي. دغه هوایي ډګر د آیرلنډ د فوټبال د لوبغاړي په نوم نه دی نوم نه دی نومول شوی، بلکې د دوهمې نړیوالې جګړې د یوه پیلوټ په نوم نومول شوی دی.
انځور: picture-alliance/dpa/T. Shen د لندن هیترو هوایي ډګر، بریتانیا دغه هوایي ډګر په درجه بندۍ کې اووم ځای خپل کړی دی او په تیر کال کې ۷۸،۰۱ میلیونه کسان دغه هوايي ډګر ته رارسیدلي او یا يي تر پرواز کړی دی. د پام وړ خبره دا ده چې دغه هوایي ډګر دوه ځغاست لیکي لري.
انځور: Getty Images/D. Kitwood د هانګ کانګ نړیوال هوایي ډګر، چین په ۲۰۱۷م کال کې د هانګ کانګ له هوايي ډګره ۷۲،۶۷ میلیونه کسانو تګ راتګ کړی دی. په دې ترتیب دغه هوایي ډګر د اوسنۍ درجه بندۍ له مخې اتم مقام لري.
انځور: picture-alliance/dpa/X. Yun د شانګهای د پودونګ نړیوال هوایي ډګر، چین د نورو هوایي سفرونو په څیر د خوندیتوب لومړی! د شانګهای د پودونګ د نړیوال هوایي ډګر په هکله هم صدق کوي. په ۲۰۱۷م کال کې له دغه هوایي ډګره ۷۰ میلیونه کسانو تګ راتګ کړی دی. د اې سي آی د معلوماتو له مخې په تیر کال کې د مسافرو په تګ کې یو څه کموالی راغلی خو د مال وړونکو الوتکو په پروازونو کې بیا تر یوولس سلنه ډیر زیاتوالی راغلی دی.
انځور: picture-alliance/Imaginechina د پاریس شارل دوګل هوایي ډګر، فرانسه د سترو نړیوالو هوایي ډګرونو په اوسنۍ درجه بندۍ کې د شارل دوګل، هوایي ډګر لس ځای خپل کړی دی. دغه هوایي ډګر چې د ایر فرانس، هوایي شرکت د الوتنو د شبکې مرکز دی په تیر کال کې ورته ۶۹،۴۷ میلیونه مسافر تللي او یا راغلي دي. د سترې درجه بندۍ له پاره نور معیارونه هم شته چې اوس هغه په پام کې نه دي نیول شوي، لکه د بار حجم، په څومره ساحه کې هوایي ډګر جوړ شوی، د ترمینلونو شمیر او دې ورته نور معیارونه.
انځور: AP
آرشیف (29.10.2018 )
