هغه نن یکشنبه په ماینڅ کي د سوسیال ډیموکراټانو په یوه غونډه کي وویل، چي «ځیني وختونه ماته د سر درد راپیدا کیږي، کله چي زه وینم، چي بحثونه یوازي پر وسلو باندي راڅرخي». هغه اضافه کړه چي « زه د شوک سره مخامخ کیږم، کله چي وینم په دې ورځو کي د ډیپلوماسۍ اصطلاح تقریبأ تر پښو لاندي کیږي او تحقیریږي».  
په خبره یې هغه سل په سله کي د دې ملاتړ کوي، چي جرمني اوکراین ته دفاعي ټانکونه ولیږي. ځکه اوکراین باید د نظامي لحاظه تقویه سي، ترڅو «په قوت سره د روسي طرف سره معاملې او مذاکراتو ته ورداخل سي»، خو سوسیال ډیموکراټان لکه پخوا د سولي د نوبل جایزې گټونکی ویلي برانت غوندي، «د یوه طرفه د نظامي لحاظه تقویه کیدل او د بله طرفه پر ډيپلوماسۍ باندي اتکأ کول» هم غواړي.