انترفکس خبري آژانس لیکلي چي د ايټاليا پارلمان ۱۱۸ غړو تيره ورځ د سولي په برخه کي د نوبل جايزې د کانديدانو په ليست کي د بايسکل ځغلوني افغان لوبډلي د شاملېدو په پلوی رايه ورکړه.
د ايټالويانو په نظر دغي لوبډلي د ټولنيز عدالت دفاع کړې، او د زورزياتي او بدنامۍ پر ضد عمل کوي.
د ښځو بايسکل ځغلوني افغان لوبډلي مشري زهرا حسيني «total women`s cycling» ويبپاڼي ته ويلي دي: «ځیني خلک وايي چي بايسکل ځغلونه کيدای سي د ښځو راتلونکې خرابه کړي. خلک هر څه وايي، که موږ ئې ټولو ته غوږ ونيسو، نو هيڅکله به له کوره هم را و نه وځو.»
اوس د افغانستان د ښځو د بايسکل ځغلولو ملي لوبډله له لسو ورزشکارانو څخه جوړه ده. دوی د بايسکل ځغلولو پرمهال ځانگړي جامې اغوستي وي، او حجياب ئې هم خوندي وي.
د افغانستان دغه لوبډله په هيواد کي د بايسکل ځغلولو د تمرين له پاره یوه ځانگړې سیمه نه لري. دوی چي کله په کابل کي تر ښار دباندي وځي نو خپل بايسکلونه په موټر کي انقالوي څو پر لاري خلک تکليف ور نه کړي.
د افغانستان د ښځو بايسکل ځغلوني لوبډلي په لومړي وار په ۲۰۱۳م کال د اسيا په اتلولي کي کډون وکړ.
د بايسکل زغلولو افغان ښځينه لوبډله سياليو ته تياری نيسي
د افغانستان د بايسکل زغلولو د ښځو د تيم غړي خپل بايسکل په موټر کي تر ښار دباندي باسي او هلته تمرين کوي. دوی وايي چي په ښارونو کي تکليف ورکول کيږي.
انځور: Reuters/M. Ismailمعصومه عليزاده د ملي تيم غړې
د رويترز خبري آژانس د راپور له مخي په دې وروستيو ورځو کي د افغانستان د بايسکل زغلولو د ښځو تيم د سياليو له پاره تمرينونه کوي.
د افغانستان د بايسکل زغلونو د ملي تيم غړی د تمرين له پاره تر ښار دباندي وزي او تر هغه ځايه بايد خپل بايسکل په موتر کي ولېږدوي.
د افغانستان د بايسکل زغلولو ملي تيم
دغه پېغلاني د تمرين له پاره تر کابل ښار دباندي وزي، څو خلک تکليف ور نه کړي.
خو بیا هم د تمرين پرمهال هغه موټر چلونکي چي له دغي سيمي تيري دوی ته په لوړ آواز يو څه وايي.
دوی د تمرين له پاره کومه مشخصه سيمه نه لري.
د افغانستان د بايسکل زغلولو د ملي تيم غړې ملکه يوسفي وايي چي د دوی ترينر عبدالصديق صديقي د دوی له پاره يو سپر دئ. دا وای که هغه نه وي موږ به هيڅ تمرين ونه کولای سو.
صديقي وايي، هغه څوک چي د ښځو بايسکل چلولو ته په بده سترگه گوری، هغوی خپل اولادونه هم ښوونځيو ته نه لېږي.
د افغانستان د بايسکل چلولو د ښځو تيم د تمريمن پر مهال.
اوس په افغانستان کي د ښځو په ژوند کي ډېر بدلون راغلی، يو وخت دوی له کوره بې له نارينه د وتلو اجازه نه لرله.
د افغانستان د بايسکل زغلولو د ښځو ملي تيم اوس کرار کرار نفس اخلي.
د ملي تيم غړي کابل ته نژدې پر يوه غره باندي.
د بايسکل زغلولو ملي تيم بايد ډول ډول تمرينونه وکړي، څو بيا ستړي نه سي.
د تمرين په حالت کي کله نا کله ساتري هم ښه وي.
د ملي تيم غړې ملکه يوسفي وايي چي اميد واره ده چي د بايسکل زغلولو په «تور دي فرانس» سياليو کي به د لومړی افغاني په توگه برخه واخلي.
د افغانستان د بايسکل زغلولو د ملي تيم غړې معصومه عليزاده.
تر ۴۰ زياتي ښځي په دې ورځو کي کابل ته نژدې د بايسکل زغلولو تمرين کوي.
