د جرمني په دوو ایالتو کي تر انتخاباتو وروسته مهاجر پلوه سازمانونو د ښی اړخو پرضد د قاطعانه مبارزې او یوې ښکاره علامې ایښولو غوښتنه کړې. هغوی د نورو تر څنگ جنگ ځپلو سیمو لکه افغانستان ته د اخراجیدو بندول هم غوښتي.
اعلان
دغه خبره د مهاجرو پلوي سازمان(پرو ازول) اجرائیه رییس، گیونټر بورکهارد نن سه شنبه په زاکسن او براندینبورگ ایالتونو کي تر انتخاباتو وروسته وکړه او ویې ویل:«د زاکسن مسیحي دیمواټان باید تصمیم ونیسي چي پناه غوښتونکي بیا هم منزوي کوي او په دې ډول سره راسیستي اعمالو ته موقع ورکوي او زمینه ورته برابروي؟»
د پرو ازول او ساکسن ایالت د مهاجرو شورأ په یوه گډه اعلامیه کي راغلي دي، چي د مهاجرو څخه په تیرو کلونو کي د جامعې دغلط انکشاف پر خوا د یوې وسیلې په توگه استفاده سوې ده: «ښی اړخي به تل هغه وخت تقویه سي، چي که د هغوی موقف خپل او ومنل سي.»
د هغوی په خبره مگر لازمه ده، چي د بشر د حقوقو پر بنأ یو سیاست اختیار سي. د زاکسن ایالت د مهاجرو شورأ اجرائیه رئیسې، یولیا هارتمن اضافه کړه چي «سیاست باید د راسیزم او تبعیض پرضد مقامت وکړي او په اصطلاح ځان ښکاره کړي.»
دغه سازمان همدارنگه وویل چي په زاکسن ایالت کي له لسیزو راهیسي د ښی اړخي افراطیانو د جوړښتونو پر ضد بې تفاوتي موجوده ده، کومه چي تبعیضي اعمالو ته یې زمینه مساعده کړې ده او په دې ډول سره یې داسي انتخاباتو لکه د تیري یکشنبه انتخاباتو ته زمینه برابره کړه.
دغه سازمان زیاتوي، چي سړی اوس د دې انتظار لري، چي د پناه غوښتني او مهاجرت داسي یو سیاست اتخاذ سي، چي د «ښی اړخو له شعارونو څخه بیل او د ښی اړخو افراطیانو د فعالیتونو په مقابل کي قاطعانه مبارزه وکولای سي.» د نورو تر څنگ له هغې جملې څخه جنگ ځپلو سیمو لکه افغانستان ته د اخراجیدو ممانعت وسي.
د پرو ازول سازمان څخه بورکهارد اضافه کړه: «ټولو هغو کسانو ته چي په زاکسن کي د دیموکراسۍ او بشر حقوقو له پاره مبارزه کوي، ورته وایو چي تاسي یوازي نه یاست.» په خبره یې مرفه دولت، پناه او مهاجرت نباید یو دبل په مقابل کي وکارول سي: «موږ ددې پرضد یو، که اساسي حقوق او د بیان ازادي محدوده سي.»
همدا تیره یکشنبه(د سپټمبر اوله) د زاکسن په ایالتي انتخاباتو کي ښی اړخي عوامپاله گوند(AfD ) د یوه قوي حزب په حیث راڅرگند او ۲۷،۵ فیصده رايي یې یووړې چي تراوسه پوري یې دومره کامیابي نه درلوده.
زموږ د ارشیف څخه یو انځوریز البوم:( 28.08.2017)
په اروپا کې مسلمانان ادغام شوي او که نه؟
په اروپا کې د ښي اړخو عوامپاله غورځنګونو پراختیا داسې شکونه را ولاړ کړي چې ایا اسلام له غربي دموکراسۍ سره تطابق لري او که نه. دویچه ویله ځینو ناسمو تصورونو ته کتنه کوي.
د معلوماتو له مخې، په آلمان کې د زیږیدلو مسلمانانو له ډلې څخه ۳۶ سلنه یې په ۱۷ کلنۍ کې خپلې زده کړې پای ته رسولي دي او لوړې زده کړې یې نه دي کړي. په اتریش کې هم دې ته ورته حال دی او ۳۹ مسلمانانو لوړې زده کړې نه دي کړي. بل لوري ته بیا په فرانسه کې د ښه تعلیمي سیستم د شتون له امله مسلمان زده کوونکي ځانونه په ښوونځیو کې ډير ثبتوي چې ښې پایلې هم لري له هرو یو یې ښوونځۍ له ۱۷ کلنۍ نه مخکې ترک کړی دی.
انځور: picture-alliance/dpa/O. Berg
د مسلمانانو څومره شمیر د کار په بازار کې دي؟
له ۲۰۱۰م کال مخکې آلمان ته د راغلو مهاجرینو له ډلې څخه نږدې ۶۰ سلنه یې اوس اته ساعتونه او ۲۰ سلنه یې نیمه وخت کارلري. دغه شمیر په دې هیواد کې نامسلمانانو له شمیرو سره نږدې دي. سربیره پر دې د اروپايي هیوادونو له ډلې څخه په آلمان کې زیات شمیر مسلمانان کارونه لري. په فرانسه کې د مسلمانانو د بې کارۍ کچه ۱۴ سلنه ده او د نامسلمانو کچه بیا یوازې ۸ سلنه ده.
انځور: picture alliance/dpa/U.Baumgarten
اسلام په کومه کچه د خلکو لخوا نه قبلیږي؟
په اتریش کې له هرو څلورو څخه یو نامسلمان نه غواړي چې مسلمان یې ګاونډی وي. دغه شمیر په بریتانیا کې بیا ډیر لوړ دی او ۲۱ سلنه دی. په آلمان کې ۱۹ سلنه، په سویس کې ۱۷ او فرانسه کې ۱۴ سلنه نا مسلمان نه غواړي چې مسلمانان یې ګاونډي وي. په ټوله کې مسلمانان په اروپا کې تر ټولو ډیر رد کیدونکې ډله گڼل کیږي.
انځور: AP
په اروپا کې مسلمانان ادغام شوي خو قبول شوي نه دي
په دې انځور کې معلومات د بیرتلزمن د بنسټ له لوري چمتو شوي چې عنوان یې هم «په اروپا کې مسلمانان ادغام شوي خو قبول شوي نه دي» ورکړی دی. د دې سروې پایلې په آلمان، اتریش، سویس، فرانسه او بریتانیا کې شاوخوا ۱۰ کسان سروې شوي دي. په دې سروې کې هغه مهاجرین نه دي شامل چې له ۲۰۱۰م کال وروسته دې هیوادونه ته راغلي دي.