د یکشنبې په ورځ (د اکتوبر پر ۳مه) په پلازمینه کابل کې د عیدګاه جومات مخې ته چاودنه شوې چې تلفات هم لري. د طالبانو د کورنیو چارو وزارت ویاند سعید خوستي له دویچه ویله سره په خبرو کې د چاودنې پخلی کړی او وايي چې په پیښه کې دوه تنه وژل شوي او څلور نور ټپیان دي. د لومړنیو معلوماتو په اساس، چاودنه د یوه ځای پر ځای شوي بم له کبله رامنځ ته شوې ده.

بل لور ته ځینې سرچیني وايي چې د چاودنې پرمهال د عیدګاه په جومات کې د ذبیح الله مجاهد د مور د فاتحې مراسم هم ترسره کیدل. ذبیح الله مجاهد د طالبانو د اطلاعاتو او کلتور وزارت مرستیال او د طالبانو ویاند دی. تر اوسه پورې کومې ډلې د دې چاودنې مسوولیت نه دی منلی.