کاناډا په افغانستان کې له دوه زرو څخه زيات عسکر لري چې د سولې ساتنې او د طالبانو په وړاندې د مبارزې دنده په غاړه لري. له 2002 م کال راهيسته چې د کاناډا ځواکونو خپل ماموريت پيل کړی دی دوی لږ تر لږه 44 سرتېري د لاسه ورکړي دي. پاکستاني چارواکو وويل دوی د کاناډا ملاتړ غواړي تر څو هغه پلانونه پلي کړي چې په کې د افغانستان پولې ته د ماينونو ښخول او د کټارو لگول په نظر کې نيول شوي دي. پاکستان غواړي د دې لارې د طالبانو او القاعده ډلو د جنگياليو د اوښتو راوښتو مخه ونيسي. له مک کی سره په خبرو کې به د يو پاکستاني چارواکي د څرگندونو له مخې چې د خپل نوم له اخېستلو څخه يې ډډه کوله، هغه لاملونه راپه گوته شي چې دې »ديوال ته ولې اړتيا ده او کوم نور گامونه بايد پورته شي تر څو دغه اوږده پوله وساتل شي.«
ټاکل شوې وه چې مک کی به له خپل پاکستاني سيال خورشيد قصوري او لومړي وزير شوکت عزيز سره وگوري. هغه هم له پاکستاني هېوادمشر جنرال پرويز مشرف سره خبرو ته لېوالتيا ښکاره کړه.