کرونا د مخدره موادو د قاچاقبرانو کارونه او فعالیتونه هم ګډوډ کړي دي. تړلي سرحدونه او محدود هوايي پروازونه بیا د مخدره موادو د قیمت د لوړیدو، د رقیبو مافییاي ډلو ترمنځ د جنګو، غلاوو او چور او چپاول د ډیریدو سبب سوي دي.
انځور: Reuters/G. Graf
اعلان
مکسیکویان وايي، چي داسي شی به نه وي، چي د »تپیتو« په بازار کي دي پیدا نسي. په دغه بازار کي د مشهورو مارکو/براندونو کالي، ټلویزونونه، د ساعت تیري وسایل، عینکي، ډرون یا بې پیلوټه الوتکي، موبایل تلیفونونه او نور شیان عرضه کیږي.
په دوکانو او مغازو کي دغه ټوله شیان د مافیایي ډلو لخوا کنټرولیږي. دغه ډلې خپل ځان د تپیتو اتحاد بولي، چي په اوس وخت کي د دغه بازار ټوله اختیار لري .
اوس د کرونا د بحران پر وخت دغه بازار ته لږ مالونه رسیږي او د چین څخه ورته د دوو میاشتو راهیسي نور اموال نه دي رسېدليي. ددغه بازار یوه دوکاندار، ادسون ناوارو »تلویسا« ټلیوزون ته وویل، »څنګه چي د چین سره پروازونه متوقف سوي دي، نو موږ نور ډیرمالونه نلرو او دغه خلأ باید د داخلي تولیداتو او امریکا څخه پوره کړو. «
خو بیا هم په دغه بازار کي فروشات نیمايی ته راکښته سوي دي، ځکه چي مافیايي ډلي خپل باج اخیستلو ته ادامه ورکوي. پدې سره د دوکاندارانو له پاره فضأ ډیره تنګه سوې ده. هغه څوک چي نه غواړي باج ورکړي، دغه مافيايي ډلې یې په تښتولو باندي لاس پوري کوي.
د مکسيکو په هيواد کي د مخدره توکو قاچاق وړونکي زياتي پيسې او زور لري. په داسي حال کي چي د هغوی په لسهاؤ زره قربانيان اکثره په ډليزه قبرونو کي ښخ دي، د دوی خپل قبرونه لوی مقبرې لري. څو بېلګي يې دلته وګورئ:
انځور: Getty Images/AFP/A. Estrella
د ۲۰۱۶ کال د دسمبر په ۱۱مه نېټه په مکسيکو کي د مخدره توکو د قاچاق وړونکو پر ضد د حکومت د عملياتو د پېل لس کاله پوره سول. په داسي حال کي چي د قاچاق وړونکو په لسهاؤ زره اکثره قربانيان په ډليزه يا نا معلومو قبرونو کي ښخ دي، د قاچاق وړونکو خپلې مقبرې ډېري قيمتي او مزارونو ته ورته دي. لکه په کوليا کان کي دغه بېلګه يې.
انځور: Getty Images/AFP/A. Estrella
د مخدره توکو د مافيا مشران د مړيني وروسته هم يو د بل سره سيالي کوي. د هر دغه قاچاق وړونکي مقبره د هغه د شمتنيو په هکله يو داستان بيانوي.
انځور: Getty Images/AFP/A. Estrella
د مکسيکو په جاردينس دېل هومايا کي دغه مقبره تر ټولو قيمتي ده چي ويل کيږي ورباندي ښايي ۲۹۰ زره ډالره مصرف راغلی وي. خو اوس تر دغه څخه هم قيمتي مقبرې د جوړېدو په حال کي دي.
انځور: Getty Images/AFP/A. Estrella
په ۱۹۳۳ کال د امريکا په متحده ايالاتو کي پر الکهولي مشروباتو بنديز ولګول سو. همدا ؤ چي له مکسيکو څخه و متحده ايالاتو ته د شرابو قاچاق پېل سو. کله چي په امريکا کي ياد بنديز بېرته ليري سو نو له مکسيکو څخه و متحده ايالاتو ته وروسته د ترياکو، چرسو او هيروينو قاچاق په زياته په ۱۹۶۰ مو کلونو کي زيات سو.
انځور: Getty Images/AFP/Joe Raedle
د امريکا د متحده ايالاتو او مکسيکو تر منځ تقريبا ۳۲۰۱ کلومتره اوږد سرحد دی. پر دغه سرحد له لسيزو راهيسي له مکسيکو څخه و متحده ايالاتو ته مخدره توکي قاچاق کيږي. زيات وختونه د دغه ډول تونلونو څخه هم کار اخيستل کيږي.
انځور: picture alliance/Photoshot
مکسيکو د ۲۰۱۶ کال په سپتمبر کي دغه اندازه مخدره توکي ونيول. د امريکا و متحده ايالاتو ته هر کال د رسېدونکو کوکائينو ۹۰ فيصده د مکسيکو پر لار تيريږي.
انځور: AP
د ۲۰۱۵ کال په مارچ کي د څېټا مافياا مشر اومر ترېمينو ونيول سو. د مکسيکو حکومت وايي چي د ۲۰۰۷ او ۲۰۱۴ کالونو تر منځ د قاچاق وړونکو سره په جګړه کي تر ۱۶۰۰۰۰ څخه زيات انسانان وژل سوي دي.
انځور: Reuters/H. Romero
په مکسيکو کي اوس هم یو شمېر داسي د قاچاق وړونکو سيمي سته کومو ته چي حتی پوليس له تلو بيږيږي. په مکسيکو کي اوس هم د پوليسو او قاچاق وړونکو تر منځ خونړۍ جګړه ادامه لري.
