د کلفورنیا د اور وژني ادارې چارواکو د سه شنبې په ورځ وویل چې د دې ایالت د ځنګلونو اور د لاس انجلس ښار ځتیځې برخې ته رسیدلی دی او د استوګنې کورونو په گډون یې په لسونو ودانۍ زیانمني کړي دي.
اعلان
د کلفورنیا په ځنګلونو کې اور لګیدنې چې د کاجون له سیمې څخه پیل شوې وه، په څو اړخونو کې پرمختګ کوي. د اسوشیتد پرس خبري آژانس د سندبرنیدینو د اور وژنې ادارې په حواله ویلي دي چې اور اوس ددې سیمې تپو ته هم رسیدلی دی او د سیمې وچو برخو ته د پرمختګ په حال کې دی.
د دې رپوټ په حواله په سیمه کې د ۱۵ زره هکتاره ځمکې د خالي کولو امر هم شوی دی چې په کې ۳۴۵۰۰ استوګنیز کورونه هم شته. په دې سیمه کې ۸۲ زره کسان اوسیږي. د رایت وود ښار ځیني زراعتي برخې، وچې او صحرایي سیمې باید خالي شي.
په دې سیمه کې د اور لمبې تر ۳۰ مترو پوري ارتفاع لري. اور د کلفورنیا ۱۵ منطقې او ښارونه اغیزمن کړي دي. اور تر نورو ډیر د لاس انجلس او لاس ویګاس تر منځ پرتي سیمې اغیزمنې کړې دي. د دې سیمې اوسیدونکي د څو ساعتونو له پاره له خپلو کورونو څخه وتلو ته اړ شول.
اور لومړی د کلفورنیا په شمال کې زورور شو او ۱۷۵ کورونه، تجارتي مرکزونه او نور ساختمانونه یې زیانمن کړل. سیمه ایزو چارواکو ویلي دي چې اور ۲۰ کیلو متره مربع سیمه نیولې ده. په دې سیمه کې ۴۵ زره کسان اوسیږي چې خپل کورونه باید پریږدي.
انځورونه: په کليفورنيا کي له کنتروله وتلی اور بل دئ
د امريکا په کليفورنيا ايالت کي له سختي گرمۍ او وچکالی په سبب بل سوی اور نور هم پراخ سوی. په دغه طبيعي ناورين کي په سونو کورونه سوځېدلي او ايره سوي دي. په زرونو اوروژونکي تلاش کوي چي اور په کنترول کي کړي.
انځور: Reuters/N. Berger
په کليفورنيا ايالت کي داسي اور بل سوی چي تر اوسه ئې ساری نه وو. د دې اور سبب په تيرو څلرو کلونو کي وچکالي او سخته گرمي دئ. په زرونو اوروژونکي هڅه کوي چي اور کنترول کړي او په سيمي مېشت خلک وژغوري. د کليفورنيا د ځنگلونو ادارې په خبره تر اوسه يو کس وژل سوی دئ.
انځور: Reuters/N. Berger
د کليفورنيا والي بري براون، په هغو سيمو کي چي اور ئې اخيستی دئ، بېړنی حالت اعلان کړی دئ.
انځور: picture-alliance/AP Photo/R. Pedroncelli
د سي ان ان خبر شبکې په حواله، د «ليک کانتی» ډېري سيمي خالي سوي دي او نژدې ۱۷ وگړي له خپلو کورونو څخه په ځغاسته وتلي دي.
انځور: Reuters/N. Berger
د ABC7 خبري شبکې د محلي چارواکو په حواله ويلي دي چي د نزدې ۶۴۰۰ هستوگنځيو د سوځېدو خطر سته. د عیني شاهدانو په خبره په ځينو سيمو کي د اور لمبې ۳۰ متره لوړي ختلې. دغه کور په «ميدل تاون» کي اور اخيستی او ايرې سوی دئ.
انځور: Reuters/N. Berger
ويل کيږي چي په سونو کورونه سوځېدلي او ايرې سوي دي. ځينو محلي رسنيو حتی ويلي دي چي تر زرو کورونو پوري سوځېدلي دي.
انځور: Reuters/N. Berger
له طبيعي پيښو سره د مبارزې ادارې رئيس مارک گيلاردوچي، ويلي دي چي سخته وچکالي د اور د پراختيا سبب سوې ده. د کليفورنيا ايالت د ځنگلونو ادارې ويلي دي چي سخت باد د اور وژونکو د هڅو خنډ گرځېدلی.
انځور: Reuters/N. Berger
کليفورنيا ايالت چي ۴۲۴ کيلومتره مربع پراختيا لري، د وروستيو کلونو د اوړي په مياشتو کي په ځانگړې توگه سپتمبر مياشت کي سخت اورونه پکښې بل سوي دي. ويل کيږي چي په کليفورنيا کي اوسنی اور په تير ۳۰ کلونو کي ساری نه لري.