په داسي حال کي چي غوا او غوايي په بيلو کلتورونو او اديانو لکه هندو مذهب کي مقدس بلل کيږي، د نړۍ په نورو زياتو برخو کي بيا د غوښي د حصول لويه منبع ده. د غوايانو د غوښې د زياتي تقاضا له پاره د هغوی لوی فارمونه د مځکي د کورې د چاپيريال له پاره يو لوی ګواښ هم بلل کيږي. [د دغه انځوريز راپور معلومات د وېګن سولز ټکی کام او اداپت په نوم وېب پاڼو څخه اخيستل سوي دي. [ترتيب کوونکی: احمدولي اڅکزی] ]

د وزې غوښي په زياته بيا د نړۍ په هغو سيمو کي زياتي خوړل کيږي چيري چي د خنځير غوښه حرامه ده. بعضي هغه کلتورونه چي د غوايي يا غوا غوښه نه خوري، هلته هم د وزې غوښه يو بديل دی.

په نړۍ کي زياتي داسي سيمي سته چيري چي تر نورو ټولو غوښو د پسه غوښه زياته خوړل کيږي. پسونه د غوښو له پاره د هغوی د وړيو او پوست په خاطر هم ساتل کيږي.

د چرګانو، هيليو او فلمرغانو تر څنګ قازونه هم په لوړه اندازه په فارمونو کي روزل کيږي چي د هغوی غوښي بازار ته عرضه کړل سي.

د فلمرغ غوښي د عام استعمال تر څنګ په بعضو کلتورونو کي په ځانګړو لمانځ ورځو کي خوړل کيږي. د دغو حيواناتو د غوښتو تر څنګ د هغوی بڼکي هم په لوړه اندازه د بېلګي په توګه په بالښتونو او ناليو او جامو کي کارول کيږي.

سويان هغه حيوانات دي چي په هکله يې ويل کيږي چي ډېر ژر يې شمېر زياتيږي. د دغه حيوان غوښه په زياتو هيوادونو او کلتورونو کي د خوراک په توګه خوښيږي او د همدغه مقصد له پاره هغوی په فارمونو کي ساتل کيږي.

په نړۍ کي بعضي اديان او کلتورونه د خنځير د غوښي د خوړلو ممانعت کوي. خو د هغه برسېره د دغه حيوان غوښه يو له زياتو مستعمله خوراکي توکو څخه ده چي ورڅخه بېل ډول تيار خواړه هم جوړيږي لکه ساسجان او داسي نور.

د چرګانو تر څنګ هيلۍ د مځکني حيواناتو څخه تر ټولو زيات خوړل کېدونکی حيوان دی. په زياته بيا په بعضو آسيايي هيوادونو لکه چين، وېتنام او داسي نورو کي د هيلۍ غوښه ډېره خوښيږي.

د سمندري حيواناتو وروسته په نړۍ کي تر ټولو زياتي غوښي د چرګانو خوړل کيږي. د چرګانو د «سپيني غوښې» په هکله فکر کيږي چي تر «سرې غوښي» زيات روغتيا ته ګټه لري. د حيواناتو د حقونو سازمانونه د چرګانو د ساتنې پر طرز سختي نيوکي کوي چي دغه ژوی په غېر طبعي او کړوونکې توګه ساتل کيږي.

د بعضو اټکلونو له مخيپه نړي کي هر کال ۹۰ مليارده سمندري حيوانات د انسانانو د خوراک له پاره استعماليږي. په دغو حيواناتو کي د وړو کبانو څخه نيولې تر لوی نهنګانو پوري شامل دي. [د دغه انځوريز راپور معلومات د وېګن سولز ټکی کام او اداپت په نوم وېب پاڼو څخه اخيستل سوي دي. [ترتيب کوونکی: احمدولي اڅکزی] ]

د سپي د غوښي کلنې فیستیوال د چین په کلیوالي خپلواکمنه او فقیره سیمه گوانگ ژی ژوانگ کې جوړيږي. دغه فیستیوال هر کال د جون میاشتې پر ۲۲ جوړیږي. په دغه انځور کې یو شمیر خلک د سپي غوښې د خوړلو په حال کې لیدل کیږي.

د دغي سیمي اوسیدونکي وایې چې دوی ته د سپي او خنځیر د غوښو هیڅ توپير نشته، دواړه خوري. د سپي غوښي خوراک د دوی د دوبي کلتوري خواړه دي. خو د حیواناتو د حقونو مدافع سازمانونه وایې چې دا پروگرام هیڅ کلتوري اساس نه لري یوازی د تجارت د پیاوړتیا له پاره جوړيږي.

هغه فعالان چې فکر کوي دا یو بې رحمانه کار دی دغه ښار ته تللي ول او هلته یې مظاهرۍ کړي دي. دوی شعارونه ورکول: «د سپي غوښې غیر قانوني تجارت پای ته ورسوئ»« د سپي غوښي غیر قانوني انتقالونکي مجازات کړئ». د ناپيژندل شوو کسانو یوې ډلي پر دوی هجوم راوړه او د دوی پلاکاټونه یې ځني راټول کړل.

ځيني وختونه فعالان دغه سپي رانيسي، څو له وژلو وژغورل شي. یانگ ژیاونگ چې له سپو سره ډیره مینه لري د یولین ښار ته تللې او د ۱۵۰ ډالرو سپې یې رانیولي دي.

د یولین ښار حکومت پر دغه فیستیوال جدي بندیزونه لگولي دي. حکومت ویلي دي چې سوداگر اجازه نه لري چې سپې د خلکو په عام محضر کې ووژني، نندارې ته وړاندي کړي او یا هم تر رستورانت دباندي د سپې غوښي خواړه پر خلکو وپلوري. خو په چین کې داسې قانون وجود نه لري چې د سپې غوښې خوړل منع دي.

اټکل کیږي چې په چین کې هر کال نزدې ۱۰ میلیونه سپي وژل او خوړل کیږي. که څه هم د سپي غوښه د قانوني فارمونو له خوا پلورل کیږي، خو ډېر خصوصي شرکتونه دغه کار په پټه کوي.

چنایې ویلاگ ليکونکي او بریتانوي ریکی گیروایس(کمیديانو)هم پر سږني فیستیوال نیوکه کړې ده. دغو کمیدیانو په خپل تویتر پاڼه کې «دغه فیستیوال باید د سپي د شکنجې فیستیوال ونومول شي،ځکه د دې ماهیت همدا دی.» ليکلي دي.

د چین په یو شمیر سیمو کې د سپې غوښه خوړل کیږي، خو د سپي غوښې خوړل دود نه دی. فعالان وایې چې د سپې غوښې خوړلو د بندولو له پاره کمپاینونه گټور ول. په ۲۰۱۱م کال کې په زیجیانگ ښار کې د فعالانو د اعتراض له امله یو فیستیوال ودرول شو. همدارنگه په دې وروستیو کې د سپي غوښي یو رستورانت له ۵۱ کالو فعاليت وروسته بند کړل شو.

په ویتنام کې هم د سپو غوښه خوړل کیږي. په تیرو څو کلونو کې د سپو غوښو څو میلیوني سوداگري په دغه آسیایې هیواد کې اوج ته رسیدلې ده. نيوکه کونکي دغه کار د عامو خلکو روغتیا ته خطرناک بولي.