هغه وضاحت ورکړ چې اقليمي تغیراتو سره د مبارزې په لار کې باید د انکشاف په حال کې حکومتونو هغو هڅو ته هم پاملرنه وشي چې غواړي د خپلو بيوزلو خلکو د ژوندانه معیارونه اوچت کړي.
هند تر ایران او چین وروسته، په نړۍ کې د فوسيلي انرژیو تر ټولو لوړه سبسایډی وړاندې کوي. ایران هم د فوسیلي موادو د سوند سبسايډي د حذفولو په تړاو، د هند له مخالفت آمیزه دريځ څخه دفاع وکړه.
د لنډ واټن سفر له پاره باید هڅه وشي چې سړی پر بايسکل ولاړ شي او یا هم پیاده تګ وشي. په دې توګه نه یوازې زموږ روغتیا ته ګټه رسیږي، بلکې د کاربن دای اوکساید د تولید مخه هم نیسو. په همدې ترتیب د الوتکې پر ځای د اورګاډي کارول هم د اقلیمي تغیراتو په بدلون کې کمښت راوستلی شي.
انځور: Reuters/E. Su
چاپیریال ته د مناسبو توکو اخیستل
د توکو د رانیولو پرمهال باید ډیر پام وشي، ځکه د پخوا په پرتله نن ورځ د توکو د رانیولو پرمهال انتخابونه ډیر شوي دي. نو ښه به دا وي چې مخکې له دې چې یو شی رانیسو، باید فکر وکړو چې آیا اړتیا ورته لرو او که نه.
انځور: Imago/Westend61
د خوراکونو له اصراف څخه مخنیوی
آیا پوهیږي چې په نړۍ کې د ټولو تولید شویو خوراکي توکو یو پر دریمه برخه ضایع کیږي؟ په دې برخه کې موږ کولی شو هڅه وکړو چې د خوراکي توکو ضایعات حد اقل ته راټیټ کړو. کولی شوی چې پاتي شوي خوراکونه مصرف کړو او یا دا چې له پاتې شویو خوراکونو د نویو ابتکاراتو له لارې نوي خوراکونه چمتو کړو. سربیره پر دې کولی شوي چې نه کاریدونکي خوراکي توکي په سطل کې وساتو او په کوډ باندې یې بدل کړو.
انځور: picture-alliance/dpa/F. May
د برقي وسایلو بندول
که څه هم نن ورځ انسانان د بل هر وخت په پرتله ډیر د انترنت له لارې یو له بل سره وصل شوي دي خو بیا هم هڅه باید وشي چې څراغونه، لپ ټاپونه او نور برقي وسایل د نه کاریدو په صورت کې خاموش او یا هم بند کړل شي. په دې توګه د انرژۍ په سپما کې هم مهم نقش لوبولی شو او د بریښنا له پاره د پیسو مصرف به هم راټیټ شي. کله چې دغه کارونو یو څو ځله تکرار شي، بیا نو ډیر ژر په یوه عادت بدلیږي.
انځور: picture-alliance/blickwinkel
خپل غږ باید اوچت کړو!
د اقلیمي بدلونو د مبارزې په برخه کې هرڅوک باید خپل غږ اوچت کړي. دغه څه نه یوازې د اعتراضونو له لاري کیږي، بلکې کولی شو چې ځايي سیاستوال هم وهڅوو چې د اقليمي بدلون له ستونزې سره د مبارزې په برخه کې لاس په اقدام پورې کړي. په دې برخه کې اړ یو چې خپل معلومات ډیر کړو او له خپلو دوستانو او کورنیو سره یې په هکله خبرې وکړو. د اعتراض او خبرو ځواک ته په کمه سترګه مه ګورئ.
انځور: Reuters/K. Pempel
غذایي تنوع
موږ ټول کولی شوی چې د خپلو خوراکونو عادتونه بدل کړو او لا یې سالم کړو. د غوښې او لبنیاتو له پاره د څارویو ساتل د ځنګلونو د له منځه تلو او د کاربن دای اوکساید د ګازو د تولید یو عمده دلیل شمیرل کیږي. له نباتي تولیداتو او میوو په کارولو سره او د غوښې د تولیداتو په کم کارولو سره کولی شو چې د چاپیرال په برخه کې د خپل منفي نقش په کچه کې کمښت راولو.
انځور: Colourbox
د توکو بیا کارول
د توکو بیا کارول د اقليمي بدلون د مبارزې په برخه کې مهم دي. په سمندرونو کې د پلاستیکي توکو منفي اغیز د هرې ورځې په تیریدو سره لا ډیر واضح کیږي. د توکو بیا کارول د دې سبب ګرځي چې دغه راز تولیدات کم تولید شي. سربیره پر دې، له کارول شویو توکو کولی شو نور نوي توکي جوړ کړو. د بیلګې په توګه له پلاستیکي بوتلانو څخه ولې څراغ او یا هم د مرغانو له پارې خونې جوړې نه کړو؟
انځور: picture-alliance/ZB/S. Stache
په طبعیت کې ګرځیدل
له خپلو کورنو څخه ووځئ او د طبعیت له ښکلاګانو خوند واخلئ. که څه هم دغه کار له اقلیم سره مستقیمه اړیکه نه لري خو بیا هم د ښکلو ځایونو په لیدو سره موږ ته داسې فکر پیدا کیږي چې له دغو ځایونو ښه پالنه او ساتنه وکړو او د اقليمي بدلونو د منفي اغیزو د مخنیوي له پاره لاس په کار شو.
