د ټولنیزو رسنیو او ویدیويي تماسونو په برخه کې رقابت اوج ته رسیدلی دی. په دې لړ کې ګوګل یو نوی اپلیکشن جوړ کړی دی چې Due نومیږي. په دې اپلیکشن کې په کمزوري انترنت هم ویدیويي مکالمې کیدای شي.
انځور: picture-alliance/AP/Google
اعلان
ګوګل له یوه نوي اپلیکشن سره د ویدیويي مکالماتو بازار ته راوځي. دې شرکت د روان کال په می میاشت کې د Due په نوم اپلیکشن د جوړیدو خبر ورکړ. له دې سره به دغه شرکت د فیسبوک له مسنجر، د میاکروسافت له سکایپ او د اپل شرکت له فیس ټایم سره سیالي وکړي. فیس ټایم یوازي د اپل شرکت په محصولاتو کې کارول کیدای شي خو Due اپلیکشن به په هر ډول ګرځنده تلیفونونو کې د کاریدنې وړ وي.
د کیفیت ښه کیدل او اسانه کارونه
ګوګل اوس هم د هنګ اوتس Hangouts په نوم یو اپلیکیشن لري چې د ویدیويي مکالماتو له پاره کاریدای شي، خو دغه شرکت وایي چې له Due اپلیکیشن څخه کار اخیستنه به اسانه وي او کیفیت به یې هم ښه وي. د دې اپلیکیشن یوه ځانګړتیا دا ده چې کله يو چا ته زنګ راځي، تر دې مخکې چې هغه قبول کړي، هم کولای شي چې د زنګ وهوونکي انځور وویني.
پلان شوې ده چې دغه اپلیکیشن هم په اندرویاد او هم په ای او ایس پروګرامونو کې د کاریدنې وړ وي. خو دغه اپلیکشن اوس یوازې یوې دستګاه ته محدود دی، او یو کاروونکی نه شي کولای له یوه حساب یا اکونت څخه په څو دستګاوې کې کار واخلي.
ګوګل همداراز د لنډو پیغامونو د استونې یوه نوی اپلیکشن، الو یا Allo د خپرولو خبر هم ورکړی دی. د ګوګل مدیر نیک فوکس، ویلي دي چې په راتلونکې کې به دغه دواړه اپلیکیشنونه سره یو ځای شي.
په مسنجر کې هم لنډه پیغامونه او هم ویدیويي مکالمات کیدای شي. پر دې سربیره په راتلونکې کې وتس اپ WhatsApp اپلیکیشن به هم په راتلونکې کې د ویدیویي مکالماتو امکان ولري. دغه دواړه اپلیکیشنونونه هر یو تر یو ملیارد ډیر کاروونکي لري.
د ګوګل شرکت مدیر ویلي دي چې علاقه نه لري د Due له لارې پیسې وګټي. دغه اپلیکیشن به د تلیفون د شمېرو په مرسته فعاله شي او کیدای شي چې په کمزوري انترنت هم کار وکړي.
مینه والو د جنوبي کوریا د سمسونگ کمپنۍ نوي ماډل ته په ډیره ناکرارۍ سره انتظار لاره. سمسوگ کلیکسيS6 ،له دوو مختلفو ماډلونو سره په اپریل میاشت کې بازار ته وړاندي شو. د دغه ماډل ځانگړنه په دې کې ده چې د سکرین هنداره یې د موبايل تر څنډو پوري غځیدلې او بیا راتاوه شوې ده چې د موبایل د ښکلا تر څنگ په استعمال کې هم اسانتیا رامنځته کوي.
انځور: Getty Images/LLuis Gene
موبايل د لاسي ساعت په توگه
تر اوسه پورې له کمپیوټري ساعتونو څخه د زړه ضربان معلومولو، قدم وهلو او نورو برخو کې کار اخیستل کیده، خو اوس د جنوبي کوریا LG کمپنۍ له خوا جوړ شوی ساعت( Urbane LTE )سره تلیفون کول هم ممکن دی. د دغه ساعت کارونکې باید له گوشۍ څخه کار واخلي او یا هم ساعت ته خوله نږدې کړي او خبري وکړي. په دې ساعت کې یو سیم کارت نصب دی چې له موبایل سره ارتباط لري او کارونکې کولای شي خپل موبايل په کور کې پریږدي.
انځور: AFP/Getty Images/L. Gene
د کمپیوټري ساعتونو مود
په بارسلونا کې نورو کمپیونو هم خپل سمارټ ساعتونه نندارې ته وړاندي کړي ول. د هواوي په لومړني ځیرک ساعت کې د زړه ضربان او حرکت د فاصلې معلومولو اله موجوده ده. له دې لاری ترلاسه شوې ډاټا سړی کولای شي د طب او روغتیا په هکله ایپس سره پرتله کړي. دغه ساعت د ۵۱۲ میگابائټس ډاټا کنجایش لري په داسې حال کې چې د موسیقۍ او نورو شیانو له پاره د ۴ گیگا بائټه ځای لري.
انځور: Getty Images/JOSEP LAGO
د متناسب اندام، لاس بندونه
د«بی ټو» په نامه فټنس بینډ یا د اندام د ښکلا بندونه په طلائې او نقریې رنگونو کې موجود دي. د دغه لاسبند دسپلې د ټچ سکرین خصوصیت لري چې د وخت تر څنگ د خوب، کالوري او وهل شوي فاصلې په هکله معلومات ښکاره کوي. د هواوی کمپني وایې چې تر چارچیدو وروسته د دې لاسبند په وسیله کیدای شي تر ۷ پرله پسې ساعتونو پوری موسیقي واریدل شي او یا هم تر ۵ ورځو پوري معلومات وساتل شي.
انځور: AFP/Getty Images/J. Lago
قدم په قدم کنترول
د HTC په نامه تایواني کمپنۍ له خوا په دغه جوړ شوي لاسبند کې د(جي پي اس) سیستم او نور حساس الات نصب شوې دي. د دغه لاسبند پر سکرین کیدای شي خبرونه او د په لاس کوونکي شخص ټول حرکتونه او د جسمي فعالیتونو په هکله نور معلومات ولیدل شي.
انځور: picture-alliance/dpa/A. Sokolow
سپکه کمره
د Acumulus9 کمپنۍ له خوا جوړي شوې دغه سپکي کمرې هم د بارسیلونا په مېله کې نندارې ته وړاندي شوې. دغه کمرې د یوه زنځیر په وسیله کیدای شي سړی په غاړه کي واچوې او له ځان سره یې وگرځوي. دغه کمره په دې جریان کې د شاوخوا شیانو ویډیو او انځورونه اخلي. کله چې دغه کمره فعاله وي په هره دقیقه کې یو انځور اخلي.
