د «انلنډ ټايپين» په نوم مار د آسترالیا په شمال کې موندل کیږي چې په نړۍ کې تر ټولو زیات زهري مار دی. د ساینسپوهانو په وینا د یوه ځل چیچلو پر مهال دغه مار دومره زهر خارجوي چې ښايي تر سلو کسانو پوري ووژني. د دغه مار زهر عصبي نظام، وینه او عضلې اغیزمنې کوي.

د مارانو له لاسه مړینه تر ټولو زیات د «ایکس کاریناټس» په نوم مار له کبله رامنځ ته شوې ده. دغه مار ډير تیز وار کوي او له دې کبله دې ته تر ټولو ژر ژوند اخیستونکی مار هم وایي. د دغه مار سترګې د پیشو په څیر ځلیږي.

«ګرین اناکونډا» مار په نړۍ کې تر ټولو غټ مار بلل کيږي. د جنوبي امریکا په ځنګلونو کې موندل کیدونکی دغه مار په تورتم او ژورو اوبو کې ژوند خوښیږي. د دغه نسل ځیني ماران تر ۲۹ فوټه (څه باندې اته متره) پورې اوږدوالی لري. دغه ماران ډیرې پیاوړې عضلې لري.

د ټیټانوبوا، پر وړاندې د ګرین اناکونډا اوږدوالی بیا کم دی. دغه مار له تاریخ څخه په مخکیني دوره کې یو حقیقت وو. په کولمبیا کې د ټیټانوبوا، پاته شوي موندل شوي دي. د اټکلونو له مخې ۴۰ میلیونه کاله پخوا دغه ډول مارانو به د اوبو پر غاړه ژوند کاوه او اوږدوالی یې آن تر ۱۳ مترو رسید.

د تار په څیر د باربادوس، په نوم دغه مار یوازې لس سانتي متره اوږدوالی لري. دغه مار په ۲۰۰۸م کال کې د کرابین په باربادوس جزیره کې ومندل شوه او همدغه نوم پرې کیښودل شو.

د مارانو ښکتنۍ زامه کشیږي او د خپل اندازې دوه برابره لوی ښکار تیرولای شي. خو ځیني وختونه حرص یې د خپل مرګ لامل وګرځي. دغه انځور په ۲۰۰۵م کال کې د فلوریډا په ملي پارک کې اخیستل شوی وو. اژدها ډوله مار د یوې تمسا د تیرولو هڅه وکړه، خو خپله خیټه يې څیري شوله.

آیا دا یوه پاڼه ده؟ نه دا «ګابون وایپر» نومي مار دی. دغه مار په دې کې ماهر دی چې خپل ځان ته د وچو شوو پاڼو شکل ورکړي. په مارانو کې تر ټولو زهري غاښونه د دغه مار دي، چې تر پنځه سانتي مترو پورې اوږدوالی لري. خو دغه ماران ډیر کم وخت چا ته زیان رسوي.

«کینګ سنیک» نومې دغه مار هیڅ زهر نه لري، خو دا نورو حیواناتو ته د دې خبرې د معلومیدو وخت نه ورکوي. د خطر پر مهال دغه مار خپل ځان داسي ښيي لکه زهري ماران، تر څو هغوی دا احساس کړي چې دغه مار خطرناک دی.

دغه ډول ماران په اوبو کې اوسیدل خوښوي او ځيني یي ډیر زهرجن وي. د سمندري مارانو اوږدوالی آن تر درو مترو پورې رسیدای شي. د سمندري مارانو دغه نسل د وچې پرته ژوندی نه شي پاتیدی، ځکه د خوراک د هضمولو له پاره باید له اوبو څخه وچې ته راووځي.

دغه مار خپل ځان ښوروي او د وړاندې پر لور ټوپ وهي، چې له یوې ونې څخه بلې ته د ټوپ په حال کې لیدل کيدای شي. له دې کبله دې ته «الوتونکی ماران» هم وایي.