قرعه کشي د لسو زرو کسانو د راټولیدو په خیمه کې، د ۴۰۰۰ خبریالانو او د ډیر شمیر هیئتونو په حضور کې د نڅا او نمایشي حرکاتو په وړاندې کولو سره تر سره شوه. پر دې سربیره په دغه قرعه کشۍ کې د فوټبال یو شمیر مشهورو ستورو هم گډون درلود.

د A، په گروپ کې د برازیل، کروشیا، مکسیکو او کامرون لوبډلې شاملې دي. کوربه هیواد برازیل به د مکسیکو او کامرون سره تر مخامخ کیدو د مخه، له کروشیا سره خپله لومړنۍ لوبه تر سره کړي.

په B، گروپ کې د هسپانیې، هالنډ، چلي او آسترالیا لوبډلې شاملي دي. د دغه ډلې ترتیب د ۲۰۱۰م کال د فوټبال نړیوال جام ته ورته دی. د چلي لوبډله د سویلي امریکا تر ټولو قوي لوبډله شمیرل کیږي.

د C، په گروپ کې د کولمبیا، یونان، د عاج ساحل او جاپان لوبډلې د یو بل پر وړاندې مقابله کوي. دغه گروپ کابو تر ټولو ضعیف شمیرل کیږي خو بیا هم د عاج ساحل د افریقا له قوي ترینه ټیمونو څخه شمیرل کیږي او جاپانیان هم یو شمیر ماهره لوبغاړي لري.

د D په گروپ کې د یوروگوای، کوسټا ریکا، انگلستان او ایټالیې لوبډلې یو بل ته مخامخ دي. د دغه گروپ درې لوبډلې پخوانۍ اتله لوبډلې پاتې شوي دي. د ایټالیې او یوروگوای لوبډلو ته د خوښې وړ لوبډلو په سترگه کتل کیږي.

په دغه گروپ کې بیا سویس، ایکواډور، هندوراس او د فرانسې لوبډلې شاملې دي. د سویس د لوبډلې آلمانی روزونکی اوتمار هېتزفېلد، لوبډله به د نسبتا ضعیفو لوبډلو هوندوراس او ایکواډور سره خپل بخت و ازمایي. خو د فرانسې لوبډله بیا په ښو لوبډلو کې شمیرل کیږي.

د F، په گروپ کې به د ارجنټاین، بوسنیا هرزوگوینا، ایران او د نایجریا لوبډلې له یو بل سره خپل زور و ازمایي. داسې په نظر رسیږي چې د بوسنیا هرزوگوینا لوبډله به له نورو ډلو څخه ماتې وخوري، ځکه چې د ارجنټاین لوبډله د اتلولۍ تاریخي قهرماني لري او د نایجریا لوبډله هم ډیره پیاوړې ده خو ایران لا تر اوسه معما ده.

آلمان، پرتگال، گانا او د امریکا متحده ایالاتو ملي لوبډلې په دغه گروپ له یو بل سره مخامخ دي. د متحده ایالاتو د لوبډلې روزونکي یورگین کلینزمن احتمالا نه غوښتل چې د خپلې پخوانۍ لوبډلې سره یې لوبډله مخامخ شي. د آلمان د لوبډلې اوسنی روزونکی د کلینزمن پخوانی مرستیال یواخیم لو دی.

په دغه گروپ کې د بلجیم، الجزایر، روسیې او سویلي کوریا لوبډلې له یو بل سره خپل زور ازمایي.

په برازیل کې د قرعه کشۍ تر سره کیدل د لوبغالې د جوړیدو په کار کې د ځنډ د خبر تر سیورې لاندې تر سره شوه. پر دې سربیره د فوټبال د نړیوال جام فعالینو د ساو پاولو ستودیم د پیښې په اړه د احتجاج د تر سره کولو گواښ کړی دی.

د نړیوال جام د گروپونو د قرعه کشۍ تر مخه، په یو لړ پرتمینو مراسمو کې د «برازوکا» په نوم توپ نندارې ته وړاندې شو.

د قرعه کشۍ غونډه، د سویلي افریقا پخواني ولسمشر او د نوبل د سولې جایزې گټونکي نیلسن منډیلا ته د احترام په وړاندې کولو سره پیل شوه. منډیلا د دسمبر د میاشتې پر پنځمه نیټه ومړ.

Fuelco the armadillo د ۲۰۱۴م کال د فوټبال د نړیوال جام نښان دی.

پله، د قرعه کشۍ په مراسمو کې د فوټبال له ستورو څخه یو رابلل شوی میلمه وو. ۷۳ کلن ایدسن ارانتس دو ناسیمنتو، چې په پله باندی مشهور دی له ۱۹۵۷م کال څخه تر ۱۹۷۱م کاله پورې ۹۲ ځلې د خپل هیواد له پاره لوبیدلی دی.