روسي خبري آژانس آر آی اې د یونايتيډ رشيا یا د متحدې روسيې ګوند (يو آر) د یو لوړپوړي سناتور، اندرې تورچاک، له قوله وايي، سربېره پر دې چې پوتین د حاکم ګوند، متحدې روسيې، بشپړ ملاتړ له ځانه سره لري، خو دا ځل د دغه ګوند له خوا نه، بلکې د یو خپلواک نوماند په توګه ځان کاندیدوي.
یاد آژانس د بل ګوند، جست رشیا، یو سناتور، سرګي میرونوف، چې له پوتين څخه ملاتړ کوي له خولې هم ويلي دي چې پوتین به په انتخاباتو کې د یو خپلواک نوماند په توګه ګډون وکړي او لاسليکونه به د پوتين په ملاتړ راټول شي.
د ۷۱ کلن پوتین له پاره په انتخاباتو کې ګډون آسانه دی. دا چې پوتین د حکومت او حکومت پلوه رسنیو له ملاتړه برخمن دی او تقریباً کوم عمومي مخالف جریان هم نه لري، نو په انتخاباتو کې ېې بریا قطعي ده.
(Reuters)mks/mns
د آرشيف څخه یو انځوریز البوم:
روسيه څومره او کومې اتومي وسلې لري؟
روسيه غواړي چې په ګاونډي بلاروس کې اتومي وسلې ځای پر ځای څو د نه خپرېدو له تړون څخه سرغړونه ونه کړي. خو روسيه څومره اتومي وسلې لري او څوک يې کنترولوي؟ په دغه انځوريز رپوټ کې يې وګورئ.
انځور: Kirill Kudryavtsev/AFP/Getty Images
تر ټولو زياتې اتومي سرګلولې يا اتومي خولۍ
روسيې ته د شوروي اتحاد اتومي وسلې په ميراث پاتې دي چې تر ټولو سترې د اتومي خوليو يا سرګلولو زېرمې هم پکې شاملې دي. پوتين اوس تقريبا ۵۹۷۷ سرګلولې په اختيار کې لري.
انځور: Russian Defence Ministry/AFP
زاړه خو لا فعال اتومي سيستمونه
د روسیې تقريبا ۱۵۰۰ سرګلولې يا خولۍ زړې شوې دي، خو ښايي تر اوسه لا فعالې وي. ۲۸۸۹ سرګلولې په احتياطي توګه په زېرمو کې ساتل کيږي او تقريبا ۱۵۸۸ دغه ډول اتومي خولۍ ستراتيژيک حيثيت لري او په فعال ډول ځای پر ځای شوې دي.
انځور: AP
په الوتکو او اوبتلو کې باليستيک توغندي
روسیه تقريبا ۸۱۲ سرګلولې د ځمکې په سر پر باليستيکي توغنديو کې نصب کړل شوي لري، ۵۷۶ په اوبتلو او تقريبا ۲۰۰ د درنو بم غورځونکو الوتکو له لارې لېږدول کيږي. دغه معلومات د اتومي څېړونکو جريدې ورکړې دي.
انځور: picture alliance/dpa
د نورو هېوادونو ستراتيژيکې اتومي وسلې
د امريکا متحده آيالات تقريبا ۱۶۴۴ چمتو ستراتيژيکې اتومي خولۍ يا سرګلولې لري. چين ټول ټال ۳۵۰، فرانسه ۲۹۰ او بريتانيا د امريکايي څېړونکو د فدراسيون په حواله ۲۲۵ اتومي خولۍ يا سرګلولې لري.
انځور: U.S. Marines/ZUMA Wire/IMAGO
ساړه جنګ کې د لويديځ او شوروي اتحاد اتومي سيالي
د ساړه جنګ پرمهال شوروي اتحاد تر ټولو زياتې اتومي خولۍ لرلې چې شمېر يې ۴۰ زرو ته رسېد. د امريکا متحده آيالاتو هغه وخت ۳۰ زره اتومي سرګلولې درلودې.
انځور: Everett Collection/IMAGO
د اتومي سرګلولو د انتقال وړ روسي بالستیک توغندي
روسيه ښايي تقريبا ۴۰۰ اتومي بين القاروي بالستيک توغندي ولري چې د اتومي څېړونکو د جريدې په حواله تر ۱۱۸۵ پورې اتومي خولۍ يا سرګلولې لېږدولی شي.
