د امريکا د متحده ايالاتو د ولسمشر دونلد ترمپ او د شمالي کوريا د واکمن کيم يونګ اون تر منځ د لفظي لا توندېدونکو تبادلو وروسته اوس روسيې پر اړخونو د آرام پاته کېدو ږغ کړی دی. په دې ترڅ کي د روسيې د بهرنيو چارو وزير سرګې لاوروف د ملګرو ملتونو د عمومي غونډي پر څنډه په نيويارک کي په دې تړاو څرګندونې وکړې. هغه وويل: «موږ بايد دغه عصبانيان آرام کړو.»
لاوروف وويل چي د اړخونو له لوري لفظي بريدونه «د منلو وړ نه دي.» د روسيې د بهرنيو چارو وزير د دونلد ترمپ او د کيم يونګ اون چلن ته په اشاره سره وويل چي د هغوی چلن «په وړکتون کي د ماشومانو د لانجې» په شان دی.
روسي دپلومات لاوروف د ترمپ له لوري د شمالي کوريا پر ادرس د نظامي ګواښونو د غندلو تر څنګ د پيونيانګ د «ماجراجويي سياست» هم تر تنقيد لاندي ونيول. نوموړي زياته کړه: «نظامي وارخطايي نه يوازي دا چي څوک ديوال ته دروي بلکه د فاجعې سبب هم کيدلای سي.»
سرګې لاوروف د شمالي کوريا د لانجې د حل پر لور يو ځل بيا د روسيې او چين له لوري د وړاندي سوي وړانديز ملاتړ وکړ. د دغه وړانديز له مخي بايد شمالي کوريا خپلي تسليحاتي ازموينې او د امريکا متحده ايالاتو او سويلي کوريا خپل نظامي تمرينات ودروي او خبري اتري پېل کړي. په دې ترڅ کي بې طرفه اړخونه لکه اروپايي هيوادونه منځګړيتوب په غاړه اخيستلای سي.
دونلد ترمپ و ملګرو ملتونو ته په خپله وينا کي شمالي کوريا په «بشپړه ويجاړونې» ګواښلې وه. د شمالي کوريا واکمن کيم يونګ اون په بدل کي ترمپ «دماغ خرابی سپينږری» بللی ؤ چي په وينا يې «په اور» به کنټرول کړل سي.
پر ورته موضوع یو انځوريز البوم زموږ له آرشيف څخه (07.05.2017):
تر ټولو زياتي وسلې خرڅوونکي ۱۰ هيوادونه و پېژنئ
د SIPRI سازمان د ۲۰۱۶ کال په راپور کي هغه هيوادونه ښودل سوي چي د ۲۰۱۲ او ۲۰۱۶ کالونو تر منځ يې تر ټولو زياتي وسلې او نظامي تجهيزات صادر کړي دي. زموږ په دغه انځوريز راپور کي دغه لوی وسله خرڅوونکي هيوادونه پېژندلای سئ:
انځور: picture-alliance/dpa/dpawebد ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۲،۳ سلنه دغه هيواد لېږدولې ده. د دغه هيواد لومړی لوی خريدار هند، دويم لوی خريدار اذربايجان او دريم لوی وسله رانيونکی د امريکا متحده ايالات هيواد دی. [ترتېب کوونکی: احمدولي اڅکزی]
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۲،۶ سلنه دغه هيواد لېږدولې ده. د دغه هيواد لومړی لوی خريدار چين، دويم لوی خريدار روسيه او دريم لوی وسله رانيونکی د تايلند هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۲،۷ سلنه دغه هيواد لېږدولې ده. د دغه هيواد لومړی لوی خريدار ترکيه، دويم لوی خريدار متحده عربي امارات او دريم لوی وسله رانيونکی د الجزاير هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۲،۸ سلنه دغه هيواد لېږدولې ده. د دغه هيواد لومړی لوی خريدار استراليا، دويم لوی خريدار سعودي عربستان او دريم لوی وسله رانيونکی د ترکيې هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۴،۶ سلنه دغه هيواد لېږدولې ده. د دغه هيواد لومړی لوی خريدار سعودي عربستان، دويم لوی خريدار هند او دريم لوی وسله رانيونکی د اندونيزيا هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۶ سلنه دغه هيواد لېږدولې ده. د دغه هيواد لومړی لوی خريدار جنوبي کوريا، دويم لوی خريدار يونان او دريم لوی وسله رانيونکی د امریکا متحده ايالات هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۶ سلنه دغه هيواد لېږدولې ده. د دغه هيواد لومړی لوی خريدار مصر، دويم لوی خريدار چين او دريم لوی وسله رانيونکی د متحده عربي امارات هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۶،۲ سلنه دغه هيواد لېږدولې ده. د دغه هيواد لومړی لوی خريدار پاکستان، دويم لوی خريدار بنګله دېش او دريم لوی وسله رانيونکی د ميانمار هيواد دی.
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۲۳ سلنه دغه هيواد لېږدولې ده. د دغه هيواد لومړی لوی خريدار هند، دويم لوی خريدار وېتنام او دريم لوی وسله رانيونکی د چين هيواد دی.
۱ مقام ـ د امريکا متحده ايالات
د ۲۰۱۲ څخه تر ۲۰۱۶ پوري د نړۍ د ټولو لېږدول سوو وسلو ۳۳ سلنه دغه هيواد لېږدولې ده. د دغه هيواد لومړی لوی خريدار سعودي عربستان، دويم لوی خريدار متحده عربي امارات او دريم لوی وسله رانيونکی د ترکيې هيواد دی.
د دغه مطلب معلومات د ۲۰۱۷ کال د می مياشتي په ۷مه نېټه په ستوکهولم کي د نړيوالې سولې د انستيتيوت SIPRI له پاڼي څخه اخيستل سوي دي. د انستيتيوت په ۱۹۶۶ کال د سوېډن د حکومت له خوا د يو بنسټ په توګه جوړ کړل سو. د دغه بنسټ د کارکوونکو شمېر د ۵۰ او ۶۰ تر منځ دی چي نيم مصارف يې د سوېډن حکومت تمويلوي. [ترتېب کوونکی: احمدولي اڅکزی]
