له مسکو څخه د رويټرز خبري آژانس په حواله، د دغه هيواد د کرونا ويروس د بحران پر وړاندې د مبارزې مرکز، د شنبې په ورځ (د اپريل ۲۵مه) وويل چې يوازې په تيرو ۲۴ ساعتونو کې د نوي کرونا ويروس يا کوويډ-۱۹ د مرض ۵۹۶۶ نوې مثبتې پیښې ثبت شوي دي. د دغه مرکز په وينا، دې سره په روسيه کې د ټولو مبتلايانو شمير ۷۴ زره او ۵۸۸ تنو ته رسيدلی دی.

دغه مرکز همداراز د ۶۶ کسانو د مړينې خبره هم کړې ده. دې سره په روسيه کې د کرونا ناروغۍ له امله د مړو شوو کسانو شمير ۶۸۱ ته رسيدلی دی.

په روسيه کې د کرونا ناروغۍ مثبتو پيښو په روانه مياشت کې زور واخیست. تر دې وړاندې له روسيې څخه د لويديځې اروپا د هيوادونو په پرتله د کرونا د ډيرو لږو مثبتو پيښو رپوټونه ورکړل شوي وو.

آژانسونه/م.ک.ص/ن.ص