د روسيې هر څلورم کس ولي يا بندي سوي يا محکمې ته حاضر سوی؟
02:41
This browser does not support the video element.
په دسمبر میاشت کې د روسیې د ټاکنو کمیسيون د سولې پلوۍ سياستوالې يېکاتارينا دونتسووا، عريضه رد کړې وه او ويلي ول چې په «اسنادو کې تيروتنه» موجوده ده. سترې محکمې هم دا پريکړه تائيد کړې وه.
پوتين په اوکراين کې د جګړې له پېل راهېسې د اپوزيسيون پر غړيو فشارونه ډېر کړي دي. د نوموړي مشهور منقدين يا له هېواد تښتيدلي دي او يا هم زنداني شوي دي، لکه اليکسې ناوالني.
داسې تمه کيږي چې د روسیې برحاله ولسمشر به دا ټاکنې وګټي او په دې توګه به د ۱۸مې میلادي پيړۍ راهېسې د روسیې هغه مشر شي چې تر ټولو ډېره موده واکمن وو. د پوتين له پاره به راتلونکې ټاکنې د هغه د سياسي سفر پنځمې ټاکنې وي. نوموړی تر دې مخه څلور ځله د دولت د مشر په توګه ټاکل شوی دی (۲۰۰۰، ۲۰۱۲،۲۰۰۴ او ۲۰۱۸).
په ۲۰۰۸م کال کې پوتين د ديميتري مدويديف سره چې مخکې یې د هېواد د لومړي وزير دنده ترسره کړې وه، په اصطلاح خپل مقام بدل کړی وو. هغه وخت نوموړی د اساسي قانون پر اساس په پرله پسې دريم ځل د هېواد د ولسمشر په توګه له دندې ترسره کولو منع کړل شوی وو. په دې ترتيب هغه له ۲۰۰۸ څخه تر ۲۰۱۲م کال پورې د ديمتري مدويديف د ولسمشرۍ پر وخت د لومړي وزير دنده پر مخ يوړله.
ب. ص/ ن. ز (Reuters, Interfax, TASS)
زموږ له آرشيف څخه:
انځوریز رپوټ: د روسي الیګارشانو تفریحي کیښتۍ
په اروپا او امریکا کې پر روسي الیګارشانو بندیز سره هم مهاله د دغو بانفوذه روسي میلیاردرانو لوکسې تفریحي کښتۍ خبر جوړونکې شوي. په داسې حال کې چې پر اوکراین د روسيې بریدونه دوام لري، دوی غواړي خپلې کیښتۍ له دریدو وژغوري.
انځور: Sabri Kesen/AA/picture alliance
د "سیلینگ یات آ" په نامه کښتۍ
د سیلینګ یات ۱۴۳ متري کښتۍ چې "SY A" یي هم بولي شاوخوا ۵۳۰ میلیونه یورو ارزښت لري. وروسته له دې چې ایټالوي چارواکو د دغې کښتۍ خاوند آندري ایګورویچ ملنیچنګو تشخیص کړ چې یو روسي میلیاردر دی دغه کښتۍ یي ودروله. نوموړی د کیمیاوي کودو د لوی شرکت (EuroChem Group) او همدارنګه د ډبرو سکرو د انرژۍ شرکت (SUEK) څښتن هم دی.
انځور: Sabri Kesen/AA/picture alliance
د "لنا" کښتۍ
ایټالوي چارواکو همدارنګه د لنا ۵۲ متره کیښتۍ چې ارزښت یي ۵۰ میلیونه ډالره اټکل شوی دی په داسې حال کې درولې ده چې د دغه هیواد په شمال لویدیځ «سن رمو» کې یي لنګر اچولی و. دغه کیښتۍ د روسیې د هاکي ملي لیګ له رئیس او د «نفتو او ګازو شرکت» د سهم لرونکي ګنادي تیمچنکو پورې تعلق لري. دغه ۶۹ کلن الیګارش یا میلیاردر د امریکا او اروپا له خوا تحریم شوی دی.
انځور: Fabrizio Tenerelli/ANSA/picture alliance
په هامبورګ کې "دلبر"
"دلبر" د چورلکو د ناستې دوه ځایونه او یو ۲۵ متره د اوبو حوض لري. د دغې کیښتۍ په اړه ابهامونه شتون لري. یو شمیر الماني رسنیو د دغې کیښتۍ د درول کیدو خبر ورکړی دی. آلماني چارواکو په دې اړه له څه ویلو ډډه کړې ده او ځینې نورو دغه رپوټونه رد کړي دي او وایي چې نه دي توانیدلي د دغې کیښتۍ مالکیت تائید کړي.
