رپوټونه وايي چې روسېې دغه راکټي بريدونه سهار وختي په داسې وخت کې پیل کړل چې خلک په خوب بېده ول.
اوکراین وايي دغو توغندویزو بریدونو د زاپروږیا اټومي انرژۍ پر دستګاو برېښنا قطع کړه او دوی اړ شول چې له ډيزل کار واخلي. زاپروږیا د اروپا په سطحه تر ټولو ستره د اټومي انرژي دستګاه ده.
ورته نور ولولئ: اوکراین: ۵۰۰ کلي بې برقه شوي؛ آلمان ته د مهاجرو د نوې څپې اټکل
روسيې د اوکراين پر ملکي تاسیساتو د ډرون او توغنديو د حملو پراخ کمپاین پنځه میاشتې مخکې په اکتوبر کې پیل کړی دی. رويټرز خبري آژانس ليکی، د پنجشنبې سهار راکټې حملې، د فبروري میاشتې له نيمايي راهيسي چې د مسکو له خوا دغه حملې يو څخه ارامه شوي وې، تر ټولو لوېې حملې وې. د اوکراين ولسمشر، ولادیمیر زیلنسکي وويل چې په لسو سیمو کې زيربناوې او د هستوګنې ساختمانونه ويشتل شوي دي.
هغه وويل: «اشغالګر یوازې دومره کولی شي چې ملکيان په وحشت کې واچوي. دا هغه څه دي چې هغوی ېې کولی شي، خو ګټه ورته نه رسوي. دوی به د هر هغه څه پر وړاندې چې ېې ترسره کړي ځان له مسئوليته خلاص نه کړي.»
ورته نور ولولئ: د المان صدراعظم پر چین غږ کړی چې روسیې ته دې وسلې نه استوي
د اوکراین د بيړنیو خدماتو اداره وايي یو توغندي د لویف سیمه کې پر یو کور ویجاړ کړی چې پکې لږ تر لږه پنځه کسان وژل شوي دي. بل توغندي د دونباس سيمې په مرکز کې یو کس وژلی دی. په خیرسون سیمه کې هم د توپونو په ډزو کې د درو کسانو د وژل کېدو رپوټ ورکړل شوی دی.
روسېې د اوکراین پر زیربناوو توغندویز بریدونه په اکتوبر میاشت کې په جګړه کې د کيف د کمزوره کولو په موخه پیل کړي ديانځور: Sergei Supinsky/AFP په پلازمېنه کیف کې د چاودنو غږونو خلک له خوبه راويښ کړل او شپې د ۷ ساعتونو له پاره د خبرداری زنګ وهل کېده. دا له اکتوبر میاشتې راوروسته چې روسېې د هوايي حملو کمپاین پیل کړی، د خبرداری تر ټولو اوږد زنګ وو.
ورته نور ولولئ:کیف: روسیه په بخموت کې د ورځې ۵۰۰ عسکر له لاسه ورکوي
د لودمیلا په نوم ېوې ۵۸ کلنې ښځې چې خپل کوچنی ماشوم ېې په غيږ کې وویل: «ما ډیر نژدې د چاودنې يو لوی غږ واورید. ژر مې ځان له چپرکته لاندې راواچاوه او بیا مو یو موټر ولید چې اور ېې اخیستی، ورپسې بیا نورو موټرو هم اور واخیست.»
هغې زیاته کړه چې په چاودنو کې ېې د کور د کړکیو ښېښې ماتې شوي دي: «دا ډیره ډيره وېرونکې ده. ماشومان وډار شول او له چپرکته ېې ځانونه لاندې ګوزار کړل.» لودمیلا وويل هغه نه پوهیږي چې روسي ځواکونه ولې دا ډول کړنې تر سره کوي. هغې وویل: «وی انسانان نه دي.»
ورته نور ولولئ: چين امريکا ته د احتمالي «شخړې او ټکر» څخه خبرداری ورکړ
مسکو وايي د اوکراین د زيربناوو د په نخښه کولو کمپاین ېې په جګړه کې د کیف د کمزوري کولو په موخه پیل کړی دی.
کيف بیا وايي چې هوايي بریدونه کوم پوځي مقاصد نه دي، بلکي روسیه غواړي په دې کار سره ملکیان زیانمن او په هغوی کې بېره خپر کړي، چې دا یو جنګي جنایت بولي.
تر دغو حملو وروسته، د ملګرو ملتونو د اټومي انرژۍ سازمان مشر، رافايل ګروسي، د پنجشنبې په ورځ د زاپروږيا اټومي دستګاه د پر له پسې بریښنا قطع کېدو له خطر څخه خبرداری ورکړ.
آ/م.ک.ص./ن.ز.
دلته د اوکراین جګړې په تړاو زموږ له آرشیف څخه یو انځوریز البوم هم کتلی شئ.
په اوکراین کې جګړه، بې برقي او سوړ ژمی
روسېې د اوکراین پر ملکي زېربناو لکه د برېښنا پر تاسیساتو خپلې حملې جاري ساتلي. په ملیونونو خلک په موقتي توګه له برېښنا بې برخې شوي دي، آن اوبو او ګاز ته لاسرسی نه لري. خلک د معمول خلاف سږکال له یو سخت ژمي سره مخ دي.
انځور: Pool Philip Reynaers/dpa/Belga/picture allianceد اوکراین په دونيڅک سېمه کې يو ټانک ولاړ دی. دونیڅک ېوه له هغو سیمو ده چې تر ټولو ډیره جګړه په کې شوې ده. د ژمي پيل، ورښتونو او سړې هوا د عسکرو له پاره د جګړې ادامه او یا ېې درول ډير سخت کړي دي. له وضعيته ښکاري چې اوکراین له یو سخت ژمي سره مخ دی. په عین حال کې روسي ځواکونو خپلې حملې هم جاري ساتلي دي.
د اوکراین خیرسون ښار يو له هغو سیمو څخه ده چې اوکرایني ځواکونو بېرته له روسي ځواکونو څخه نېولې ده. په انځور کې د دغه ښار اوسیدونکي لیدل کيږي چې د مرستو ترلاسه کولو له پاره په کتار کې ولاړ دي. اوکراین خیرسون وروسته له هغې ونيو چې روسي ځواکونه ورڅخه ووتل او د دينپرو سیند هاخوا څنډې ته ولاړل.
بخموت د اوکراین په دونیڅک سیمه کې واقع دی. په انځور کې ښکاري چې د روسي ځواکونو په حملو کې یو ساختمان تخریب او بیا ېې اور اخیستی دی. اوکرایني چارواکو په وروستيو کې ويلي دي چې روسي ځواکونه هڅه کوي د بخموت ښار پر لور تللې لوی لارې بندي کړي چې په همدی موخه ېې پر شاوخوا کليو باندې بمباري او بریدونه ډير کړي دي.
د ټول هیواد په کچه د برېښنا پرچاوي
په دغه انځور کې د اوکراین مرکز اړوند د برېښنا د لوړ ولتاژ یو تخریب شوی ستيشن ښکاري. روسي ځواکونو د اوکراین د انرژۍ پر تاسیساتو خپلې حملې وروسته له هغې لاپسې ډيرې کړې چې دغه ځواکونه له ځينو سیمو ووتل او یا ېې د اوکرايني ځواکونو پر وړاندې ماتې وخوړې. پر تاسیساتو حملو، په اکتوبر میاشت کې زور واخیست.
د جګړې د قربانيانو له پاره
دا په اوکراين کې د سږني ژمي لومړنۍ واوره ده چې په اورېدو سره ېې په خلکو کې د یو سخت ژمي وېره راپېدا کړې ده. په انځور یوه ښځه د کيف ښار په خپلواکۍ میدان کې د جګړې د قربانيانو په یاد یوه شمعه بلوي.
د اوکراین د برېښنا پر تاسیساتو د روسي ځواکونو له دوامداره بریدونو سره په ټول اوکراین کې د برېښنا پرچاوۍ کيږي. د اوکراین ولسمشر ولودیمیر زیلنسکي، په وروستیو ورځو کې د پخواني شوروي اتحاد پر وخت په اوکراین کې د راغلې قحطۍ د نويمې کلیزې په مناسبت غونډه کې وويل: «هغه وخت هغوی غوښتل موږ له لوږې مړه کړي او اوس په سړې هوا او تیارو سره.»
ګرمو جامو ته ډيره اړتيا ده...
په اوکراین کې خلک له يو او بل سره د ګرمو جامو مرستې کوي. د اوکراین په لويديځ کې د ونيز د رضاکارانو مرکز وايي چې تر ټولو ډير ګرمو جامو لکه پشمي خولۍ، دستکشې او کمپلو ته اړتیا ده. حکومت په کیف کې د لا ډيرو جنراتورنو او ترانسفارمرونو د لګولو امر کړی خو دغه وسایل ډير کم عرضه کيږي.
۴۴ کلن ولادیمیر چې د لويو ښار اوسيدونکی دی د خپل کور په تهکاوۍ کې د مربا په مرتبانونو کې ساتلي خوراکي مواد چې د هغه مور تیار کړي دي کنټرولوي. ډيرو اوکراینيانو په ګرم موسم کې ځانونو ته خوراکي مواد زيرمه کړي، څو په ژمي کې ورڅخه استفاده وکړي. په وروستیو کې د کيف ښاروال هم له خلکو غوښتي ول چې د احتیاط له پاره په کورونو کې خوراکي مواد زيرمه کړي.
یو خیریه بنسټ د کیف په یوه واټ کې له خلکو سره د ګرمو خوړو او دستکشو مرسته کوي. په وروستیو کې د ناټو د بهرنيو چارو وزیران د رومانيا په بخارست کې راټول شوي ول. دوی په خپلو غونډو کې د اوکراین د انرژۍ زیربناو د بېا رغاونې په ګډون له دغه هیواد سره د لاډیرو مرستو په اړه بحثونه وکړل.
دغه انځور د ۲۰۲۲م کال د مارچ میاشتې یا د جګړې د لومړيو اوونيو دی. په انځور کې ښکاري چې د اوکراین د ايرپين ښار څخه ملکيان د روسي قواوو د بریدونو له کبله د تېښتې په حال کې دي. دغه لړۍ لا هم ادامه لري. په بريتانيا کې د آلمان سفير شاوخوا یوه اوونۍ مخکې د روسېې بریدونو ته په اشارې، په ژمي کې آلمان ته د اوکرایني مهاجرو د ېوې نوې احتمالی څپې څخه خبره کړې وه.
د اوکراین حکومت په ټول هیواد کې بې ځایه شوو خلکو له پاره له خیمو څخه موقتي سرپناوې جوړې کړي دي. په دغو خیمو کې بخارۍ او برېښنا هم شته او راغلو خلکو ته پکې ډوډۍ هم ورکول کيږي. په انځور کې دغه مهاجره جوړه په بوچا کې ېوې ګرمې خيمې ته پناه وروړې ده، خو په دغو خیمو کې انټرنيت ډیر ضعیف دی.
په آلمان کې له اوکراین سره د مرستو ټولو لړۍ په چټکۍ روانه ده. په دغه انځور کې د آلمان ولسمشر فرانک والتر شتاین ماير، د آلمان له پاره د اوکراین سفیر اولیکسي مکایوف او د المان د سره صلیب ادارې مشره ګیردا هاسیل فېلدت ليدل کيږي. د آلمان حکومت په کراتو اوکراین څخه د ملاتړ خبره کړې ده.
