د «بیلډ ام زونټاګ» المانۍ ورځپاڼې یو رپوټ خپور کړی دی چې اوسمهال هغو ۶۱ افرادو او شرکتونو چې بندیز پرې لګول شوی دی، په لوګزامبورګ کې د اروپا په عالي محکمه کې د عدالت غوښتنه کړې ده.
د اروپا د عالي محکمې په انټرنټ پاڼه کې د موجودو اسنادو په حواله، د بیلګې په توګه ګریګوري برسکین او ګنادیچ تمشینکو په نامه دوو الیګارشانو د «معنوي زیان» رنځ ګاللو له کبله د جبران خسارې غوښتنه کړې ده.
برسکین ادعا کوي چې هغې خپل شهرت ته د اوښتې زیان صدمه ګاللې ده او د اوکراین له هیڅ کومې پيښې سره ارتباط نه لري. همدارنګه هغه ویلي دي چې حکومت د روسیې فدراسیون ملاتړ نه کوي.
نوموړي په ظاهره کې په سمبولیک ډول د «۱ یورو» غیر مادي جبران خسارې غوښتنه کړې ده.
انځوریز رپوټ: د روسي الیګارشانو تفریحي کیښتۍ
په اروپا او امریکا کې پر روسي الیګارشانو بندیز سره هم مهاله د دغو بانفوذه روسي میلیاردرانو لوکسې تفریحي کښتۍ خبر جوړونکې شوي. په داسې حال کې چې پر اوکراین د روسيې بریدونه دوام لري، دوی غواړي خپلې کیښتۍ له دریدو وژغوري. انځور: Sabri Kesen/AA/picture alliance د "سیلینگ یات آ" په نامه کښتۍ د سیلینګ یات ۱۴۳ متري کښتۍ چې "SY A" یي هم بولي شاوخوا ۵۳۰ میلیونه یورو ارزښت لري. وروسته له دې چې ایټالوي چارواکو د دغې کښتۍ خاوند آندري ایګورویچ ملنیچنګو تشخیص کړ چې یو روسي میلیاردر دی دغه کښتۍ یي ودروله. نوموړی د کیمیاوي کودو د لوی شرکت (EuroChem Group) او همدارنګه د ډبرو سکرو د انرژۍ شرکت (SUEK) څښتن هم دی.
انځور: Sabri Kesen/AA/picture alliance ایټالوي چارواکو همدارنګه د لنا ۵۲ متره کیښتۍ چې ارزښت یي ۵۰ میلیونه ډالره اټکل شوی دی په داسې حال کې درولې ده چې د دغه هیواد په شمال لویدیځ «سن رمو» کې یي لنګر اچولی و. دغه کیښتۍ د روسیې د هاکي ملي لیګ له رئیس او د «نفتو او ګازو شرکت» د سهم لرونکي ګنادي تیمچنکو پورې تعلق لري. دغه ۶۹ کلن الیګارش یا میلیاردر د امریکا او اروپا له خوا تحریم شوی دی.
انځور: Fabrizio Tenerelli/ANSA/picture alliance "دلبر" د چورلکو د ناستې دوه ځایونه او یو ۲۵ متره د اوبو حوض لري. د دغې کیښتۍ په اړه ابهامونه شتون لري. یو شمیر الماني رسنیو د دغې کیښتۍ د درول کیدو خبر ورکړی دی. آلماني چارواکو په دې اړه له څه ویلو ډډه کړې ده او ځینې نورو دغه رپوټونه رد کړي دي او وایي چې نه دي توانیدلي د دغې کیښتۍ مالکیت تائید کړي.
انځور: picture alliance ویل کیږي چې د "دلبر" په نوم لوکسه کيښتۍ د روسي الیګارش علیشیر عثمانوف ده چې د هغو کسانو په فهرست کې شامل دی چې اروپايي اتحادیي پرې بندیز لګولی دی. د عثمانوف ویاند شپيګل آلمانۍ ورځپاڼې ته ویلي دي چې دغه کيښتۍ ډیر مخکې لا د عثمانوف پورې اړوندو کسانو یوه بنسټ ته سپارل شوې وه.
انځور: Imago/M. Segerer د روسي میلیاردر رومن آبراموویچ چې د چلسي فوټبال لوبډلې مالک دی د "اکلیپس" کښتۍ په ظاهره کې له اروپاي اوبو څخه تښتیدلې او د ترکیې په اوبو کې یي لنګر اچولی دی. دغه کښتۍ ۱۶۲،۵ متره اوږدوالی لري او د نړۍ یو له لوکسو تفریجي کیښتیو څخه ده. دغه کښتۍ د چورلکو د ناستې ۲ ځایونه، ۹ پوړونه، یو د اوبو حوض او توغندیو دفاعي سیستم هم لري.
انځور: Christian Charisius/dpa/picture alliance "شهرزاد"، د ولادمیر پوتین خپله کښتۍ؟ د «شهرزاد» ۱۴۰ متري کښتۍ چې شاوخوا ۷۰۰ میلیونه یورو ارزښت لري د اوس وخت یوه له بدنام ترينو کښتیو څخه ده. د نیویارک ټایمز ورځپاڼې رپوټ ورکړی چې د امریکا د اطلاعاتو په اساس ممکن دغه کښتۍ د روسیې د ولسمشر ولادیمیر پوتین پورې اړه ولري. خو ځینو نورو بیا ویلي دي چې دا خبره دقیقه نه ده. ایټالیا د دغې کښتۍ د مالکیت د معلومولو په هڅه کې ده.
انځور: Osman Uras/AA/picture alliance
تمشینکو چې په سویس کې ژوند کوي او د روسیې له ولسمشر ولادیمیر پوتین سره یې د واورو یا یخي پر مخ د هاکي لوبه کوله له اروپايي اتحادیي څخه د یوه میلیون یورو جبران خسارې غوښتنه کړې ده.
نوموړي پر اروپايي اتحادیي تور لګولی دی چې له پوتین سره يي د ده د اړیکو په هکله قضاوت کې ښکاره تیروتنه کړې ده. نوموړي پخپله اقامه دعوی کې نور دلایل هم وړاندې کړي دي.
اروپايي اتحادېې پر روسيې باندې پر نوو بنديزونو توافق وکړ
علي یشر عثمانوف، په المان کې یو مشهور الیګارش هم اقامه دعوا کړې ده. ویل کیږي نوموړی چې په موقتي ډول یې د تګرن یا تګرنزي جهيل په غاړه کې په یوې عصري ماڼۍ کې ژوند کاوه، اوس خپل هیواد ازبکستان ته تښتیدلی دی.
ویل کیږي چې د المان د بایرن ایالت په «روتاخ اګرن» کې د پلټونکو او مالیاتي چارواکو هجوم ډیره غوغا راپورته کړې ده. عثمانوف هڅه کړې ده چې په بیړنۍ پریکړې سره د اروپایي اتحادیي له بندیزونو حذف شي، خو دا مورد د اروپایي اتحادیي د اړونده محکمې د رئیس له خوا رد شوی دی.
ns, sn (dpa)
