د فرانسې خبري آژانس په حواله، دوو روسي رسنیو د پنجشنبې په ورځ (د ۲۰۲۴م کال د جولای ۲۵مه) ويلي دي چې د روسيې د پوځ دغه الوتکه د دغه هېواد په جنوب غرب کې په یوه غیر مسکوني سيمه کې رالوېدلې ده.
د روسيې تاس خبري آژانس د پېښې په هکله د روسيې د دفاع وزارت په حواله ويلي دي: «یوه مې-۲۸ ډوله الوتکه په کالوګا سیمه کې رالوېدلې ده... عمله ېې مړه شوې ده.»
انترفاکس خبري آژانس په حواله، د روسیې دفاع وزارت په دې هکله په یوه اعلامیه کې ويلي دي چې «د لومړنیو معلوماتو پر اساس دغه فاجعه د ېوې تخنيکي ستونزې له کبله رامنځ ته شوې ده.»
یوه ځایي چارواکي تاس خبري آژانس ته وويل چې الوتکه د اوکراین له سرحده شاوخوا ۱۵۰ کیلومتره ليرې، په یوه ځنګله کې رالوېدلې ده. دا چې په دغه الوتکه کې په څه شمېر کې عمله وه او ايا له هغوی علاوه نور کسان هم پکې ول که نه، په رپوټ کې څه نه دي ویل شوي.
(AFP)mks/nz
له آرشیف څخه:
په مسکو کې د برم پوځي پرېټ
روسيې په دوهمه نړیواله جګړه کې د نازي جرمني پر وړاندې د پخواني شوروي اتحاد د بریا ۷۶مه کلیزه په پوځي پرېټ ولمانځله. روسيه هرکال د می ۹ لمانځي. انځورونه يې وګورئ! انځور: Maxim Shemetov/REUTERS د پلان له مخې پوځي پرېټ د ګرينويچ پر وخت د سهار پر ۷ بجو په ځانګړو تشریفاتي مراسمو سره پیل شو.
انځور: Alexander Zemlianichenko/AP Photo/picture alliance د روسېې ولسمشر ولاديمیر پوتین هم په مسکو کې د می مياشتي د نهمې په پوځي مراسمو کې ګډون درولود او د پوځي پرېټ ننداره يې وکړه. هغه له پخوانيو پوځيانو سره د لیدنې پر مهال.
انځور: Alexei Druzhinin/AP Photo/picture alliance د روسېې دغه پوځي پرېټ په داسې وخت کي وشو چې سږکال يې له لويديځ سره اړيکې هم خړې پړې شوې دي.
انځور: Mikhail Metzel/Sputnik/REUTERS پوتین د پخوانيو جنرالونو په منځ کې په انځور کي د دوهمي نړيوالي جگړې څوتنه گډون کوونکي ښکاري. پوتين هغوی ته مبارکي ورکړله.
انځور: Mikhail Metzel/Sputnik/REUTERS دغه پوځي پرېټ د مسکو په سره میدان کې تر سره شو.
انځور: Maxim Shemetov/REUTERS همدا ډول ويل شوي ول چې د مسکو د یکشنبې ورځې په پوځي پرېټ کې د نړیوال بالیستيکي توغنديو په ګډون به ۱۹۰ ډوله وسلې وښودل شي.
انځور: Evgenia Novozhenina/REUTERS په پوځي پرېټ کې د نژدې ۸۰ پوځې الوتکو ګډون. درې جوړې الوتکې د سره میدان له سره په آسمان کې د روسې د درې رنګه بیرغ په نقش کاږولو سره تیریږي.
انځور: Shamil Zhumatov/REUTERS روسيې په دغه پوځي پرېټ کې خپل پوځي ځواک نندارې ته وړاندې کړ. روسيه د نړۍ يو قوي پوځي ځواک درولودونکی هیواد ګڼل کيږي.
انځور: Alexander Zemlianichenko/AP Photo/picture alliance زغروال روسي ټانکونه د هغو درونو وسلو له ډلې څخه ول چې د یکشنبې ورځې په پوځي پرېټ کې تیر شول.
انځور: Alexander Zemlianichenko/AP Photo/picture alliance تر پوځي پرېټ دمخه رپوټونو کې راغلي ول چې د مسکو په دغه پوځي مراسمو کې ۱۲ زره عسکر ګډون کوي.
انځور: Maxim Shemetov/REUTERS روسيې د يکشنبې ورځې په پوځې پرېټ کې د مختلفو پوځي قطعاتو سرتيري وښودل شول.
انځور: Evgenia Novozhenina/REUTERS روسيه په داسې وخت کې سږکال د نازي آلمان پر وړاندې د پخواني شوروي د بریا ۷۶مه کلیزه لمانځنه چې سږکال يې له امریکا متحده ایالات سره ديپلوماتيکي اړېکې ترینګلي شوي دي.
انځور: Sergei Karpukhin/TASS/dpa/picture alliance روسيه وايي دغه مسئله چې د لوېديځ د اندېښنې سبب شوې په اصل کې د ناټو پوځي اتحاد او اوکراين د پوځي فعالیتونو ته د ځواب په توګه د پوځي تمریناتو یوه لړۍ وه. روسيې وروسته د خپلو ځينو ځواکونو د وتلو امر وکړ.
انځور: Shamil Zhumatov/REUTERS د فرانسې خبري آژانس په حواله روسیه پلان لري چې د دوشنبې په ورځ د می ۱۰مه هم دې ته ورته پوځي پرېټونه په خپلو ځینو نورو ښارونو کې وکړي.
انځور: Yuri Smityuk/TASS/dpa/picture alliance
