المانۍ ورځپاڼي «ویلټ» د ایتلافي منابعو په حواله رپوټ ورکړی دی، چي د جرمني صدراعظمې انګيلا ميرکل د داخلي استخباراتو د ادارې د رییس هانس گیورگ-ماسن د لیري کیدو تصمیم نیولی دی. د رپوټ پراساس سبا سه شنبه په صدارت عظمی کي د لوی اییتلاف د حزبي مشرانو د پلان سوي اضطراري جلسې دمخه لا د استخباراتو د شخړه ایز رییس د راتلونکي په باب تصمیم نیول سوی دی.
ورځپاڼي همدا رنگه لیکلي دي، چي صدراعظمې د خپل دې نیت څخه، چي غواړي ماسن لیري کړي، پرون یکشنبه په تلیفون کي د اییتلاف رهبري کونکو غړو ته د هغه اشاره ورکړې ده. د رپوټ له مخي میرکل په دې عقیده ده، چي ماسن نور نه زغمول کیږي، ځکه هغه په سیاست کي مداخله کړې ده.
انځور: Reuters/H. Hanschke دا هم پداسي حال کي ده، چي د کورنیو چارو وزیر هورست زیهوفر د همدا تیري پنجشنبې په ورځ لا د ماسن شا ته دریدلی ؤ او د هغه څخه یې خپل ملاتړاعلان کړی و.
د سوسیال ډیموکراټانو له خوا فشار
د جرمني حکومت مگر ددغه رپوټ په هکله اظهارت نه دي کړي او چپه خوله پاته دی. د حکومتي منابعو څخه یوازي دومره ویل سوی دي، چي د پخوا په ډول اوس هم د میرکل د تیري جمعې د ورځي دریځ اعتبار لری.
د بلي خوا د لوي اییتلاف یو غړئ، یعنی سوسیال ډیموکراټان د ورځو ورځو راهیسي د ماسن د لیري کیدو غوښتنه کوي. ددغو بحثونو د رامنځته کیدو دلیل د ماسن هغه مرکه وه، چي ویلي یې ول:« دده سره داسي اسناد او شواهد موجود نه دي، د کوم پراساس چي په کیمنیڅ کي خارجیان تعقیب سوي، وهل ټکول سوي وي.» د هغه په خبره « ددې له پاره ډیر دلایل موجود دي، چي دغه ویدیو یوه جعلي ویدیو وی او قصدأ غلط معلومات ورکول سوي وي، تر څو عامه ذهنیت د کیمنیڅ د قتل څخه بلي خواته راوگرزول سي.»
د کورنیو چارو وزیر،هورس زېهوفر او استخباراتو رییس هانس گیورگ ماسنانځور: Getty Images/AFP/T. Schwarz د همدې عیسوي کال د اگست میاشتي پر ۲۶ نیټه په کیمنیځ کي یو ۳۵ کلن کي کیوبايي الاصله آلمانی په چاړه وهل سوی و. دهغه د قتل په تور دسوریې او عراق څخه درې پناه غوښتونکي نیول سوي دي.
پدې هکله زموږ د آرشیف څخه یو انځوریز البوم:(12.09.2018)
د مهاجرو د جرمونو پر ضد د ښی اړخو غبرګون
له یوې خوا په آلمان کې د مهاجرو د جرمونو خبره کیږي، بل لور ته په دې هیواد کې د ښي اړخو له خوا د بهرنیانو ضد احساسات هم مخ پر ډیریدو دي. نور تفصيل په انځوریز رپوت کې لوستلای شئ.
انځور: picture-alliance/dpa/J. Woitasد یوه آلماني وژل کیدل او د مظاهرو پیل
د آلمان په کيمنيڅ کې ښی اړخو ډلو هغه وخت د مظاهرو لړۍ پیل کړه، چې یو آلمانی ووژل شو. د دغه آلماني په د قتل په تور بيا دوه مهاجر ونيول شول.
کله چې د روانې میاشتې پر ۷ نیټه په ښی اړخو ډلو پوري اړوندو کسانو مظاهرې وکړې، د کيمنيڅ ښاریانو بیا د دغو مظاهره کوونکو پر ضد سړکونو ته راووتل.
د همدې مظاهرو پر مهال د آلمان د کورنیو چارو وزیر هورست زیهوفر د مهاجرو په مخالفت کې یوه تنقیدي وینا وکړه. هغه ویلي ول چې مهاجرت د ټولو ستونزو مور ده. زیهوفر په کيمنيڅ کې د ښي اړخو پر مظاهرو نیوکه هم ونه کړه.
د میا وي. قاتل ته د اعدام سزا
د سپټمبر پر دریمه نیټه د آلمان په سویل لویدیځ ښار لنداو کې محکمې عبدل (دی) په نوم یو افغان پناه غوښتونکي ته د یوې پنځلس کلنۍ آلمانۍ میا (وي) د وژنې په جرم اته نیم کاله بند سزا واوروله. د میا (وې) تر وژنې وروسته هم د هغې په ښار کانډل کې هم د مهاجرو ضد مظاهرې شوي وې.
د تیرې اونۍ په پای کې د آلمان په درام شتد کې محکمې یو بل افغان ته د ۷ کاله بند سزا واوروله. نوموړی افغان پناه غوښتونکی په دې تورن وو چې خپله ۱۷ کلنه ملګرې یې په چاقو ډیره سخته ټپي کړې وه.
کوتن کې د یوه آلماني وژنه
په کيمنيڅ کې جنجال لا پای ته نه وو رسیدلی چې د دوو افغان پناه غوښتونکو او یو ۲۲ کلن آلماني تر منځ فزیکي شخړه رامنځته شوه او په پای کې آلمانی مړ شو. دې پيښې یو وار بیا غوغا رامنځته کړه. د کورنیو چارو ایالتي وزیر هولګر شتالک نیخت، پر خلکو غږ وکړ چې آرام پاته شي.
د سیمه ایز پولیسو په حواله د «کیمنتڅ پرو» ډلې د ټولنیزو رسنیو له لارې خلک مظاهرو ته وربللي ول. د اټکلونو له مخې په دغو مظاهرو کې ۲۵ زره کسانو برخه اخیستې وه چې په دوی کې له ۴۰۰ څخه تر ۵۰۰ پورې ښی اړخو هم ګډون کړی وو.
