د يوې نظر پوښتني له مخي د آلمان زيات منځني او کوچني شرکتونه د مهاجرو مسلکي روزنې ته تيار دي. دغه نظر پوښتنه په بون کي د مسلکي زدکړو د فدرالي ادارې له خوا تر سره سوې ده.
انځور: DW/C. Röder
اعلان
د آلمان د لويو شرکتونو په پرتله کوچني او د منځني لوی شرکتونه دې ته زيات زړه ښه کوي چي مهاجر په مسلکي توګه وروزي. په دې تړاو د پنجشنبې په ورځ د مسلکي زدکړو له پاره په بون ښار کي د آلمان ځانګړي فدرالي ادارې د يوې نظر پوښتني پايلي خپرې کړې.
د دغو پايلو له مخي له پوښتل سوو شرکتونو څخه درې پر څلورمې برخي ويلي چي د پناه غوښتونکو په ادغام کي مسلکي زدکړي يو ټاکونکی عنصر دی. خو د پوښتل سوو دغو شرکتونو څخه صرف ۱۰ سلنې يې په تېر کال کي و مهاجرو ته یا د پراکتيک او يا د مسلکي زدکړو ځای وړانديز کړی دی. خو د پوښتل سوو څخه هر څلورم شرکت ويلي چي دې ته چمتو دی چي و مهاجرو ته د مسلکي زدکړو او يا پراکتيک ځای ورکړي.
مسلکي روزنه يو ښه چانس
د دغې نظر پوښتني د پايلو له مخي د پوښتل سوو څخه صرف ۳ سلنې شرکتونو تېر کال مهاجرو ته د مسلکي زدکړو ځای ورکړی دی. دا په داسي حال کي چي ۴۰ سلنه يې په دې نظر دي چي د آلمان د اقتصاد له پاره د مهاجرو په مسلکي توګه روزل يو ښه چانس دی.
خو نظر پوښتني دا هم ښودلې چي له پوښتل سوو څخه تقريبا ۴۰ سلنه يې پر دې باور نه لري چي د مهاجرو مسلکي روزنه به د آلمان اقتصاد ته ډېره ګټه ولري. له بل اړخه له پوښتل سوو څخه تقريبا نيمايي شرکت لرونکي په دې نظر دي چي د مهاجرو د مسلکي روزني له کبله به د آلمان د اقتصاد له پاره زښت زيات مصارف رامنځ ته سي چي بېله د دولتي مرستو څخه يې تر هوده وتل مشکل دي.
د مسلکي زدکړو د فدرالي ادارې رئيس فريدريش هُوبرت اېسر وويل چي دغه نظر پوښتنه ښيي چي د آلمان د منځنۍ لويوالي لرونکي شرکتونه دې ته زيات چمتو دي چي په مسلکي توګه مهاجر وروزي. د هغه په وينا خو د دې له پاره دغه شرکتونه و ملاتړ او مشورو ته اړتيا لري.
پر ورته موضوع یو انځوريز البوم زموږ له آرشيف څخه :
انځورونه: په آلمان کې د جالبو مسلکونو زده کړې
کډوال په آلمان کې هر ډول مسلک زده کولای شي. کله نا کله غيرعادي او استثنايي مسلکونه هم سړي ته خوند ورکوي. د انځورونو په دغه ګالرۍ کې د جالبو او نادرو کسبونو ننداره وکړئ.
انځور: picture-alliance/dpa/P. Steffen
بيلر جوړونکی
د بيلر جوړونه يو پخوانی او عنعنوي مسلک دی چې يوازې لږو ځوانانو ورته په آلمان کې مخه کړې ده. له لرګو څخه هر ډول بيلر جوړېدلای شي، که هغه واړه دي که غټ.
که د مجسمو ترميمول يا د مرمرو توږل وي، د دغو کارونو له پاره متخصصين د تيږو توږونکي بلل کيږي. هغوی له طبيعي يا مصنوعي تيږو او موادو څخه کار اخلي.
انځور: picture-alliance/dpa/H. von Heydenaber
ښکاري
د وحشي ژوو ښکار، عوامو ته د ځنګل او ښکار په هکله معلومات ورکول او داسې نور کارونه د ښکاري پر دندې پورې اړه لري. دغه مسلک که هر څومره مهم دی، خو هغه داسې يو کسب دی چې په آلمان کې تر ټولو لږ تدريس او زده کيږي.
