د رويترز په حواله، زيلنسکي د جمعې په ورځ وويل چې د کریميا پله په سر د موټرو لار او د اورګاډو پټلۍ چې د روسيې له خوا جوړه او په ۲۰۱۸م کال کې ګټې اخېستنې ته وسپارل شوې، «یوازې یوه لوژستيکي لار نه ده.» هغه دغه مطلب په امريکا متحده ایالاتو کې د اسپين امنيتي کنفرانس ته د وېډيو له لارې د خبرو پر مهال بیان کړ.
د يکشنبې په ورځ د کریميا پله کې چاودنو دوه ملکیان ووژل او د پله یوه برخه ېې له کاره وغورځوله. دغه چاودنې داسې وخت وشوې چې په تېر اکتوبر کې هم پر دغه پله ورته چاودنې وشوې چې د تخریب شوو برخو تر بيارغونې وروسته تازه ګټې اخیستنې ته چمتو شوی وو.
ورته نور ولولئ: روسیې د کريميا پر پله بريد غندلی او پړه یې پر کيف ور اچولې
اوکرایني چارواکو د يکشنبې ورځې له بریدونو هرکلی کړی، خو په رسمي توګه ېې د هغه مسئولیت په غاړه نه دی اخیستی، اما مسکو ېې پړه پر اوکراین وراچوي. د روسيې تاس خبري آژانس د شنبې ورځې رپوټ په حواله، پر کريميا پله د ترافيکو تګ راتګ په موقتي توګه درول شوی دی.
زیلنسکي چې وینا ېې ژباړل کېده وويل: «دا یوه داسې لار ده چې جګړې ته پرې د مهماتو اکمالات کيږي او دا کار هره ورځ ترسره کيږي. دا د کریميا نيمه ټاپو پر یوه پوځي سيمه بدلوي.»
ورته نور ولولئ: روسيه له اوکراينه د غله جاتو صادرات متوقف کوي
زيلنسکې د کریميا پله په هکله زیاته کړه: «دا زموږ له پاره په درک سره د دښمن یوه داسې وسيله ده چې د ټولو نړېوالو قوانیو او منل شوو نورمونو خلاف جوړه شوې ده. له همدې کبله دا زموږ له پاره د درک وړ یو هدف دی. او داسې یو هدف چې هغه جګړه راوړي نه سوله، باید له منځه وې وړل شي.»
روسیې په ۲۰۱۴م کال کې د کریميا نيمه ټاپو له اوکراين څخه په خپله خاوره کې الحاق کړه او اوکراین په داسې حال کې چې له ۱۷ مياشتو راهیسې د روسي قواوو حملو پر وړاندې مقابله کوي، غواړي دغه نيمه ټاپو بېرته په لاس راوړي.
آ/م.ک.ص./ا.ا.
دلته زموږ له آرشیفه یو انځوريز البوم هم کتلی شئ (24.03.2014 ):
روسیې په رسمي ډول کریمیا ونیوله
په وروستیو وختونو کې په کریمیا کې یوه ټول پوښتنه وشوه چې په پایله کې یې کریمیا په رسمي ډول روسیې پورې مربوطه شوه. د روسیې وروستیو اقداماتو پر نړیوالو سیاسي اقداماتو باندې ډیره اغیزه اچولې ده. انځور: Reuters اوکراین د اروپايي مشرانو د بحث مهمه موضوع د اروپايي ټولنې په سپرلنۍ غونډه کې د دغې ټولنې مشرانو د روسیې پر وړاندې پر لا نورو بندیزونو باندې خبرې وکړې. پر دې سربیره اروپايی مشرانو اعلان وکړ چې د روسیې او اروپايي ټولنې راتلونکې غونډه یې د کریمیا په اړه د مسکو د دریځ له کبله لغوه کړې ده.
انځور: REUTERS روسیه په تور سمندر کې خپل پوځي کنترول لا پراخوي. د تیرې اوونۍ په چهارشنبې ورځ (۱۹.۰۳.۲۰۱۴) یو شمیر روسي پلوو ځواکونو په دې سیمې کې د اوکرایني ځواکونو ځینې اډې تر خپل کنترول لاندې راوستې.
انځور: Reuters د اساسي قانون له مخې اقدامات د روسیې د اساسي قانون محکمې حکم کړی دی چې کریمیا دې له روسیې سره یوځای شي. د دغه هیواد ولسمشر ولادیمير پوتین هم د سه شنبې په ورځ دغه سند لاسلیک کړ او په دې ترتیب سره کریمیا د روسیې له نظره په رسمي ډول د روسیې یوه برخه شوه.
انځور: Dan Kitwood/Getty Images د اوکراین د پوځ یوه چارواکي ویلي دي چې روسي پوځیان هغوی ته ورغلل او ویې ویل چې دغه اډه هغوی پورې مربوطه ده. په دې انځور کې د اوکراین د سمندري ځواکونو یو غړی خپله اډه پریږدي.
انځور: FILIPPO MONTEFORTE/AFP/Getty Images د روسیې نه بیلیدونکې برخه؟ پوتین د فدرالې روسیې شورا ته په خپله وینا کې کریمیا د خپل هیواد یوه نه بیلیدونکې برخه وبلله او پر لویدیځ باندې یې تور ولگاوه چې د اوکراین په موضوع کې له سرې کرښې تیر شوي دي.
انځور: Reuters د روسیې او کریمیا چارواکي په دې انځور کې د روسیې او کریمیا چارواکي په داسې حال کې ښوول کیږي چې له روسیې سره د کریمیا د یوځای کیدو سند لاسلیکوي.
انځور: Reuters په داسې حال کې چې د اوکراین پوځیان له کریمیا څخه د وتلو په حال کې دي، د دې ځای روسي پلوه اوسیدونکي د خپل ژوند د ښه کیدو له پاره خوشبینه دي.
انځور: Reuters په کریمیا کې په سلهاو کسانو د ولادیمیر پوتین د هغو څرگندونو هر کلی وکړ چې هغه په کې له روسیې سره د کریمیا یوځای کیدل اعلان کړل. د کریمیا له ۹۰ سلنه څخه ډیرو اوسیدونکو دې ته مثبه رایه ورکړه چې کریمیا دې له روسیې سره یوځای شي.
انځور: picture-alliance/dpa کریمیا د پوتین شهرت لا ډیر کړی دی په کریمیا کې د ولسمشر پوتین اقدامات د هغه شهرت د یو شمیر روسانو په منځ کې لا پسې ډیر کړی دی. د کریمیا په اړه د هغه تر وینا وروسته یو شمیر روسان د دغه هیواد په بیلابیلو ښارونو کې راټول شول او د خپل ولسمشر د اقداماتو ستاینه یې وکړه.
انځور: DMITRY SEREBRYAKOV/AFP/Getty Images له بلې خوا اوس هم فعالان د اوکراین په پلازمینه کې سره راټولیږي، هغوی غواړي چې کریمیا د روسیې په یوې برخې باندې بدله نه شي.
انځور: Spencer Platt/Getty Images په اوکراین کې هغه وخت وضعیت ناآرامه شو چې یو شمیر مظاهره کوونکو له اروپا سره د خپل هیواد د نزدیوالي غوښتنه وکړه. اوس د اروپايي ټولنې په غونډو کې پر دې باندې خبرې کیږي چې څرنگه اوکراین نور هم دغې ټولنې ته نزدې شي.
انځور: AFP/Getty Images
