د اوکراين ولسمشر ولوديمير زيلنسکي وويل چې روسي ځواکونو د سويلي ستراتيژيکي سېمې خیرسون او شاوخوا څخه ېې تر وتلو مخکې «عین جنایتونه ترسره کړي څرنګه ېې چې زموږ د هیواد په نورو سیمو» کې ترسره کړي دي.
زيلنسکي د یکشنبې ورځې په ماښام خپلې ويډيويي وينا کې په دې هکله د جزئياتو له ورکړې پرته وويل چې «څيړونکو د مخه د روسېې د جنګي جنایتونو ۴۰۰ موارد مستند کړي، همدارنګه د ملکیانو او پوځي پرسونل مړي موندل شوي دي.»
زيلنسکي د خيرسون ښار د نيولو اعلان وکړ
زيلنسکي زیاته کړه: «روسي ځواکونو زموږ د هیواد د نورو سیمو په څير په خیرسون سیمه کې هم عين جنایات تر شا پريښي دي.» هغه ټينګار وکړ: «موږ به له شک پرته هر قاتل پيدا او محکمې ته به ېې راوکاږو.»
راتلونکی سوړ ژمی او په خيرسون کې د جګړې شدت
د روسانو له خوا د خیرسون ښار د اته میاشتني اشغال له پای څخه په خوشاليو هرکلی او لمانځنه وشوه، خو تر څنګ ېې په دغه ښار کې د بيړني بشري وضعیت څخه هم پرده پورته کړه. همدا راز د دغه ښار اوسیدونکي له برېښنا او اوبو پرته ژوند کوي او د خوراکي موادو او درملو له کمښت سره مخ دي. په داسې حال کې چې روسيه لا هم د خېرسون د پراخې سېمې په شاوخوا ۷۰ سلنه برخه باندې کنټرول لري.
اوکراين له اشغال شويو سيمو څخه «ډله ایز جبري انتقال» غندلی
زيلنسکي زیاته کړه هغه روسي عسکر په توقیف کې دي چې قوماندانانو یې دلته پريښې ول او خپله یې ښار ترک کړی وو خو ډير جزئیات ېې ورنکړل.
زيلنسکي وويل چې «څيړونکو د مخه د روسېې د جنګي جنایتونو ۴۰۰ موارد مستند کړي، همدارنګه د ملکیانو او پوځي پرسونل مړي موندل شوي دي.»انځور: Wolfgang Schwan/AA/picture alliance اوکرايني پولیسو له ځايي خلکو غوښتي چې د هغو افرادو په شناخت کې ورسره مرسته وکړي چې روسي قواوو سره ېې همکاري کړې ده. زيلنسکي له خلکو وغوښتل چې د ځای پر ځای شوو ماينونو سره احتیاط وکړي. هغه وويل: «لطفاً دا مه هيروئ چې په خيرسون کې لا هم وضعیت ډير خطرناک دی. له بده مرغه تر ټولو مخکې دا چې هلته ماینونه شتون لري. د ماين شنډولو پر مهال زموږ یو استحکامچي ووژل او څلور نور ټپيان شول.»
پر بريښنايي زيربناوو د روسي حملو ادامه؛ له خیرسون ښاره د ملکيانو د فوري وتلو امر
د اوکراین ولسمشر په خپلو خبرو کې ژمنه وکړه چې په خيرسون ښار کې به اساسی خدمات بېرته احیا شي. هغه په دې هکله وويل: «موږ د نورماله تخنيکي وړتیاو د بېارغونې له پاره خپلې نهايی هڅې پيل کړي تر څو د امکان تر حده ژر اوبه او برېښنا تامين کړو.» زیلنسکي همدارنګه خیرسون ته د ترانسپورت، پُستي خدماتو او درملو ژمنه هم وکړه چې پر وینا ېې په دې برخه کې چارواکي، پولیس او ځينې شخصي شرکتونه کار کوي.
اوکرایني ځواکونو د خيرسون ښار په تیرو دوو میاشتو کې د پوځي پرمختګونو په ادامه بېرته ونیوه.
آیا په خيرسون کي د روسیې مقاومت مات سوی؟
اوکراین تر دې مخکې هم د شاوخوا اته میاشتنۍ جګړې پر مهال روسیه باندې د بشري جنایتونو تورنه لګولي او دغه راز ېې په کراتو ويلي چې روسي ځواکوانه په خپلو توغندویزو او ډرون حملو کې ملکيان په نخښه کوي، خو مسکو بيا د ملکيانو په نخښه کول ردوي.
روسي ځواکونه وروسته له هغې له خیرسون څخه ووتل او دغه ښار بېرته اوکرایني ځواکونو ونيوه، چې د روسېې ولسمشر، ولاديمیر پوتين، شاوخوا شپږ اوونۍ مخکې دا او د اوکراین په سويل او ختيځ کې درې نورې سیمې په غیرقانوني توګه په خپله خاوره کې الحاق او هغه ېې د نړیوالو قوانينو خلاف د خپل قلمرو برخه اعلان کړه.
د اوکراین پر موضوع يو انځوريز البوم هم کتلی شئ - آرشیف:
د اوکراين په جګړه کې د ناهيليو او ویجاړۍ شيبې
د انځورونو ګالري: په داسې حال کې چې پر اوکراین د روسیې بریدونه دوام لري، د اوکراین اوسیدونکي د ورځني ژوند شيبې په اضطراب او ناهیلیو کې تيروي.
انځور: Vadim Ghirda/AP Photo/picture alliance په کيف کې يوه سپين سرې ښځه د خپل کور له ماتې کړکۍ څخه بهر ته ګوري. د ملګرو ملتونو د اټکل له مخې که جګړه ۱۲ میاشتې دوام وکړي د دغه هېواد ۹۰ سلنه وګړي ښایي له فقر سره مخامخ شي. که داسې وشي، اوکراين له اقتصادي پلوه کابو دوه لسيزې شاته ځي.
د لوږې له کبله له مرګ څخه تيښته
د اوکراين دويم ستر ښار خارکيف، کې لوږي ځپلي خلک د سالتيوکا په سیمه کې پر يوه پلورنځي هجوم وروړی دی. د خارکيف، چرنيهيف، سومي او د اوکراين په شمال شرق کې اوختیرکا وضعيت متزلزل دی. د دغه ښار خلک په پرله پسې ډول د توغندیو او هوايي بریدونو لاندې ژوند کوي.
د ویجاړیو په ترڅ کې د آرامۍ يوه شيبه
په کيف کې د اطفايې کارکونکې، يوې ښځې ته چې د روسي ځواکونو په بمبارۍ کې يې اپارتمان ويجاړ شوي تسلي ورکوي. دغه ښځه د نورو ډيرو کسانو په څير له یوه نامعلوم برخلیک سره مخامخ شوې، چې کورونه یې د روسيې د ادعا برخلاف چې ويلي وو پر غير نظامي خلکو بريدونه نه کوي، په پرله پسې ډول تر بریدونو لاندې راځي. هره ورځ يو شيمر ملکي وګړي وژل کيږي، ټپيان کيږي او کورونه يې پر کنډوالو اوړي.
په خارکيف کې تر ځمکې لاندې زيږنتون کې يوه مور خپل ماشوم په غيږ کي نيسي. ښایي ډیر وخت میندواره میرمنې په دغه ډول سرپناوو کې ماشومان وزیږوي. ډیری روغتونونه د روسي بمباریو په ترڅ کې په نښه شوي دي. حتی په ماریوپول کې د ماشومانو یو روغتون بمبار شوی چې د نړۍ په کچه سخت غبرګونونه راپارولي.
په دهلیز کې د ټپیانو درملنه
د اوکراین په ماریوپول ښار کې ټپیان د یوه روغتون په دهلیزونو کې بستر شوي دي. د دې بندري ښار وضعیت، چې روسیه یې د کنټرول ادعا کوي، ویجاړونکی دی. د اوکراین په شمال ختیځ کې د ایزیوم په محاصره شوي ښار کې هم وضعیت همداسې دی. د اوکراین حکومت په دې لټه کې دی چې د محاصره شویو ښارونو اوسیدونکو ته خواړه او درمل ورسوي.
د دونیڅک په سیمه کې د وولنوواخا ښار چې د روسي پلوه بېلتون غوښتونکو تر کنترول لاندې دی، اوسیدونکي یې له څه مودې راهیسې بشري مرستې ترلاسه کوي. د اوکراین په ختیځ کې دونیڅک او لوهانسک سیمې د سختو جګړو ډګر دی. د روسیې او د اوکراین د بېلتون غوښتونکو له خوا ورکول کیدونکي خبرونه کې ادعا کیږي چې روسي ځواکونو په سیمه کې نور ځایونه نیولې دي.
د اوکراین په لوېدیځ ښار لویف کې د یوې کورنۍ غړي په خاموشۍ سره د وژل شویو سرتېرو له پاره د ماتم مراسم تر سره کوي. په دغه ښار کې د روسیې په بریدونو کې ګڼ شمېر ملکي وګړي وژل شوي دي. د ملګرو ملتونو د بشري حقونو د عالي کمیسارۍ په وینا د فبرورۍ له ۲۴مه د روسیې د یرغل له پیل راهیسې د مستند شوو ملکي وګړو شمېر له ۷۰۰ څخه زیات دی. په دغه ډله کې ۴۲ ماشومان او تنکي ځوانان شامل دي.
په کیف کې يو تن کارکونکې له یوه پلورنځي څخه کثافات لرې کوي چې، د روسیې د توپچي برید وروسته یوازې کنډوالې پاتې دي. د ودانيو ترڅنګ داسې بريښي چې له کییف څخه هیلې هم کوچیدلي دي. کله به بیا دا پلورنځی پرانستل شي؟ آیا کیف ته به بیا ورځنی ژورند راوګرځي؟ دا هغه پوښتنه ده چې ټول اوسیدونکي له ځانه کوي.
