په سربيا کې له سلو څخه زياتو مهاجرو مرکزي اروپايي هیوادونو پر لور د هغو د تلو د مخنيوي په خلاف مظاهره وکړه. دغه مهاجر غواړي چې دوی ته دې د اروپايې اتحاديې غړو هيوادونو ته د تلو لارې خوشي کړل شي.
له سلو څخه زياتو مهاجرو، د جمعې په ورځ (نوامبر ۱۱مه) د سربيا هيواد پلازمينه بلګراد ښار په يوه پارک کې سره راټول شول. دغو مهاجرو له ځانه سره پلاکاټونه ليږدول چې پر هغو « سرحدونه خوشي کړي»، « نور جنګ بس دی» او داسې نور شعارونه ليکل شوي وو.
د بالکان هيوادونو لخوا د سرحدونو له تړل کيدو وروسته په سربيا کې ډیر شمير هغه مهاجر چې غوښتل یې مرکزي اروپا ته ولاړ شي، بند پاتي دي. دغه مهاجر خپلو اړوندو مرکزو او يا هم د پلازمينې بلګراد ښار په پارکونو یا خالي ګدامونو کې په ناوړه حالت کې ژوند کوي. دوي غواړي چې له هرې ممکنې لارې، حتی که غیرقانوني هم وي له سربيا او هنګري څخه ووځي.په ورته وخت کې د سربيا حکومت، مرستندويو سازمانو ته سپارښتنه کړې، چې هغو مهاجرو سره دې خپلې مرستې بندې کړي چې له مرکزونو بهر په واټونو او ميدانونو کې ژوند کوي. اروپا کې د مهاجرت موجوده کرکيچ ته په کتو، په بالکان هيوادونو په ځانکړې توګه د سربيا په بندري سرحدونو کې بشري ستونزې زياتې دي.
د سربيا هيواد، اوس مرکزي اروپا ته د تلونکو مهاجرو لپاره پر يوې اساسي لارې بدل شوی دی. په حاضر وخت کې د سربيا تر څنګ، په هنګري او کرواسي کې هم ګڼ شمير هغه مهاجر چې غواړي مرکزي اروپا ته خپل ځانونه ورسوي بند پاتې دي.
پر ورته موضوع یو انځوريز البوم زموږ له آرشيف څخه (30.09.2015):
انځورونه: د بالکان له خنډونو ډکي لاري تیریدل
د مهاجرت په موخه د یونان، مقدونیا، سربستان، کرويشيا او هنگري له لاري سفر ډېر ستومانه دی. هیڅ هیواد نه غواړي چې د مهاجرو مسئولیت پر غاړه واخلي. دوی په اصطلاح له یوه سرحده بل ته شړل کیږي.
انځور: DW/L. Scholtyssykهره ورځ په زرونه انسانان د سربستان چارواکو له خوا د کرويشیا سرحد ته استول کیږي او هلته په تش ډاگ پرېښوول کيږي.
انځور: DW/L. Scholtyssykروښانه رنگونه او غمجن وضعیت
رضاکاران پر کډوالو باراني چپني ویشي. له څو ورځو راهیسي هلته بارانونه دي او مهاجر له يوه سرحده بل ته شړل کيږي.
انځور: DW/L. Scholtyssykله دې ځای وروسته د پښو مزل
اوس نو تر کرويشيا پوري ډیره لنډ واټن پاته دی. سربستان په رسمي ډول له دې خبري انکار کوي چې دوی د کرويشيا سرحد ته کډوال لیږدوي.
انځور: DW/L. Scholtyssykکډوال د زراعتي مځکو له لاري د کرويشيا سرحد ته ځان رسوي. دوی په غیر قانوني توگه دغه هیواد ته داخلیږي.
انځور: DW/L. Scholtyssykسربستان له مهاجرو سره ډیره ښه خدای پاماني کوي، خو په هیڅ صورت د دوی بیرته ستنیدل نه غواړي.
انځور: DW/L. Scholtyssykسارا او یوسف له خپلو ماشومانو سره له درو اونیو راهیسې له سوریې څخه تښتیدلي دي. تر سربستان پوري نهه ساعته سفر دوی ته انتظار باسي. اوس دوی په کرويشيا کې راتلونکي بس ته په تمه ناست دي.
انځور: DW/L. Scholtyssykپه مهاجرو کي کوچنيان هم سته چي په دغه اوږده سفر کي داسي هم پېښيږي چي له خپل مور او پلار څخه جلا شي.
انځور: DW/L. Scholtyssykپه راتلونکو څو دقیقو کې به دغه مهاجر په یو بل بس کې سپاره شي، خو دا وار د کرويشيا پر لور.
انځور: DW/L. Scholtyssykد کرويشيا پوځ سرحد ته نږدې په یوه کوچني ځای کې د خیمو یو کمپ جوړ کړی دی. دلته مهاجر کولای شي چې لنډه دمه وکړي او طبي مرستې ترلاسه کړي.
انځور: DW/L. Scholtyssykمخکې تر دې چې ۲۴ ساعته وروسته دوی په یو بل بس کې سپاره شي، دوی د هنگري سرحد د ځان له پاره هدف ټاکلی دی.
انځور: DW/L. Scholtyssyk