سعودي عربستان د پاکستان د دفاعي ځواکونو مشر فیلډ مارشل عاصم منیر د اسلام آباد او ریاض ترمنځ د دوه اړخیزو اړیکو د مستحکم کولو په برخه کې د هغه د اغیزمن رول له کبله د «شاه عبدالعزیز په اعلی درجه مډال» نازولی دی.
د سعودي خبري آژانس د رپوټ په حواله د سعودي د دفاع وزیر شهزاده خالد بن سلمان بن عبدالعزیز، په ریاض کې د یوه ملاقات پر مهال نوموړي ته دا ویاړ وربخښلی دی.
شهزاده خالد بن سلمان، په دې اړه په یوه اعلامیه کې وویل چې دغه مډال د دواړو پخوانیو شریکانو ترمنځ د ستراتیژیکو همکاریو د تقویه کولو په برخه کې د فیلډ مارشل عاصم منیر د پام وړ هڅو څرګندویې کوي. عاصم منیر دغه مډال د یکشنبې په ماښام په ریاض کې له شهزاده خالد سره د ملاقات پر مهال ترلاسه کړ.
په ملاقات کې پر کومو موضوعاتو خبرې شوي؟ د سعودي خبري آژانس په حواله د خبرو اترو په جریان کې د دواړو هیوادونو ترمنځ د اوږدمهاله اړیکو، دفاعي همکاریو او د نړیوال امنیت او ثبات ملاتړ پر هڅو بحث وشو.
په اعلامیه کې زیاته شوې ده چې «دواړو خواو د سعودي عربستان او پاکستان د تاریخي اړیکو او په دفاعي برخه کې د ستراتیژیکو همکاریو ارزونه وکړه او د دې ترڅنګ یې د نړیوالې سولې او امنیت د بنسټونو د مستحکمه کولو له پاره پر هڅو سربیره، د ګډو ګټو پر مسایلو خپل نظرونه تبادله کړل.»
This browser does not support the video element.
د سعودي دفاع وزیر د ټولنیزو رسنیو په ایکس شبکه کې په یوه پوسټ کې ویلي: «د حرمین شریفین د متولي په لارښوونه ما د پاکستان د پوځ مشر فیلډ مارشل عاصم منیر د شاه عبدالعزیز په اعلی درجه میډان ونازوه.»
د پاکستاني پوځ اعلامیه د پاکستاني پوځ د عامه اړیکو څانګې (آي ای اس پي آر) په یوه اعلامیه کې ویلي دي چې د ملاقات پر مهال دواړو خواو د ګډو ګټو چارو ترڅنګ، د سیمه ایز امنیت پر وضعیت، پوځي، دفاعي او ستراتیژیکو همکاریو او نوو را پورته کیدونکو جیو پولیتیکو ننګونو خپل نظرونه تبادله کړل.
په اعلامیه کې زیاته شوې ده: «دغه خبرې اترې د سعودي عربستان او پاکستان ترمنځ ژورې تاریخي او د ورورولۍ اړیکې تاییدوي.»
د پاکستاني پوځ د عامه اړیکو څانګې زیاته کړې ده: «له ترهګرۍ سره د مبارزې او امنیت د پرله پسې هڅو ترڅنګ، دا د سیمه ایز امنیت او ثبات له پاره د همکاریو ښکارندویي هم کوي.»
په نومبر میاشت کې د سعودي عربستان د وسله والو ځواکونو مشر له پاکستان سره د دفاعي او ستراتیژیک مشارکت د پراخولو هیله څرګنده کړې وه.
بیا د دسمبر پر دریمه نیټه فیلډ مارشل عاصم منیر هم په یوه اعلامیه کې د پاکستان او سعودي عربستان ترمنځ پر روانو «مستحکمو دفاعي همکاریو» ډاډ څرګند کړی و.
هغه هیوادونه چې د خپلو ملي عوایدو ډیره برخه پر پوځي موخو مصرفوي
د سولې نړیوال څیړنیز انیستیتوت د نوي رپوټ پر بنسټ تیرکال په پوځي لګښتونو کې زیاتوالی راغلی. هند، چین، امریکا، روسیه او سعودي، د هغو هیوادونو په کتار کې شامل دي چې خپل نظامي لګښتونه یي ډیر لوړ کړي دي. انځور: picture-alliance/dpa/Xinhua News Agency/L. Ziheng عمان د هغو هيوادنو په سر کي راځي چي د خپلو ملي عوايدو ډيره برخه ئې پر پوځي مصارفو لگولې ده. عمان تیر کال ۶،۷ میلیارده ډالره پر پوځي مصارفو لګولي دي چې دا یي د جي ډي پي یا ملي ناخالص تولید ۸،۸ سلنه برخه ده. د مجموعي لګښت پر اساس عمان په نړۍ کې ۳۱ ځای لري.
انځور: picture-alliance/dpa سعودي عربستان د خپل ملي ناخالص تولید ۸ سلنه پر دفاعي بودیجې لګوي. دغه هیواد په ۲۰۱۹م کال کې پر پوځي او دفاعي وسایلو ۶۱،۹ میلیارده ډالره مصرف کړي دي چې د پوځي مصارفو له پلوه سعودي عربستان په نړۍ کې پنځم مقام ترلاسه کړی دی.
انځور: Reuters/J. Ernst شمالي افریقایي هیواد الجزایر تیرکال ۱۰،۳۰ میلیارده ډالره پر پوځ او وسلو مصرف کړي دي چې دا د دې هیواد ملي ناخالص تولید یا جي ډي پي ۶ سلنه کیږي. د پوځي مصارفو له پلوه الجزایر په نړۍ کې ۲۳ ځای نیولی.
انځور: picture-alliance/AP کویت په دریم مقام کې مقام کې ځای نیولی دغه هیواد د خپل ملي ناخالص تولید ۵،۶ سلنه پر پوځي او دفاعي برخه مصرفوي. کویت تیرکال ۷،۷ میلیارده ډالره په پوځي برخه لګولي دي او په دې ترتیب سره يې په نړیواله کچه ۲۶ ځای ترلاسه کړی دی.
انځور: picture-alliance/ZumaPress/U.S. Marines تیرکال د اسرائیل پوځي مصارف ۲۰،۵ میلیارده ډالره ول، او په دې برخه کې د ډیرو پيسو مصرفونکو هیوادونو په کتار کې يي ۱۵ مقام ترلاسه کړی دی. اسرائیل د خپل ملي ناخالص تولید ۵،۳ سلنه پر پوځ مصرف کړي دي او په دې حساب یي پنځم مقام ترلاسه کړی دی.
انځور: AFP/H. Bader د ترکیي د ګاونډي هیواد ارمنستان پوځي مصارف د دغه هیواد د جي ډي پي ۴،۹ سلنه برخه ده. خو د دې هیواد مجموعي پوځي لګښت ۶۷۳ میلیارده ډالره کیږي.
انځور: Imago/Itar-Tass اُردن د خپل ملي ناخالص تولید ۴،۹ سلنه برخه پر پوځي مصارفو لګوي چې په دې اساس د نړۍ ۷ نمبر هیواد دی. اردن په نظامي برخه کې د تر ټولو ډیرو پيسو مصرفونکو هیوادونو په کتار کې ۵۷ ځای لري.
انځور: Getty Images/J. Pix لبنان د خپل ملي ناخالص تولید ۴،۲۰ سلنه برخه پر پوځي مصارفو لګوي. دغه هیواد تیرکال ۲،۵ میلیارده ډالره په نظامي برخه کې مصرف کړي دي.
انځور: AP اذربایجان هم ۱،۸ میلیارده ډالره پوځي مصارف درلودل، خو د جي ډي پي د کموالي له امله دغه لګښتونه د ملي ناخالص تولید له ۴ سلنې سره مساوي کیږي.
انځور: REUTERS د سپري د رپوټ پر بنسټ پاکستان تیرکال د خپل ملي ناخالص تولید ۴ سلنه پر پوځي برخه لګولي دي. دغه هیواد په ۲۰۱۹م کال کې ۱۰،۲۶ میلیارده یورو په دې برخه کې مصرف کړي دي. په دې توګه پاکستان د پوځي مصارفو له مخې د نړۍ ۲۴ نمبر هیواد دی.
انځور: Getty Images/AFP/F. Naeem روسیي ۶۵ میلیارده ډالره پوځي مصارف درلودل چې د تر ټولو ډیرو پيسو مصرفونکو هیوادونو په کتار کې یي ۴ ځای نیولی دی. خو دغه مصارف د روسيي د جي ډي پي ۳،۹ سلنه کیږي چې په دې اعتبار د نړۍ ۱۱ نمبر هیواد دی.
انځور: picture-alliance/dpa/I. Pitalev هند د پوځي لګښتونو پر اساس د نړۍ دریم هیواد دی. تیرکال د هند پوځي مصارف ۷۱ میلیارده ډالره وو چې د دغه هیواد د ملي ناخالص تولید ۲،۴۰ سلنه کیږي او په دې حساب دغه هیواد ۳۳ مقام لري.
انځور: Reuters/S. Andrade چین د پوځي مصارفو له پلوه د نړۍ دویم لوی هیواد دی. تیر کال د بیجنګ حکومت په دې برخه کې ۲۶۱ میلیارده ډالره مصرف کړي دي. دا پيسې د چين د جي ډي پي ۱،۹۰ سلنه برخه تشکیلوي او په دې اساس دا د نړۍ ۵۰ نمبر هیواد دی.
انځور: picture-alliance/dpa/Xinhua News Agency/L. Ziheng امریکا په نړۍ کې پر پوځ تر ټولو ډیرې پيسې مصرفوي. تیرکال د امریکا پوځي لګښت ۷۳۲ میلیارده ډالره وو په داسې حال کې چې په ۲۰۱۸م کال کې يي پوځي لګښت ۶۸۲ میلیارده ډالره وو. خو پر دې زیاتوالي سربیره هم دا د امریکا د جي ډي پي ۳،۴۰ سلنه برخه تشکیلوي چې په دې اساس متحده ایالات د نړۍ ۱۴ نمبر هیواد دی.
انځور: picture-alliance/Zuma Press/Planet Pix/S. Craighead
