چارواکو ويلي دي چې د روان کال د نومبر مياشتي پر اوومه د پنجشنبې په ورځ د هند سینما وتلي ستوري سلمان خان ته د مرګ ګواښونه شوي دي. د ممبۍ ښار پولیسو چیرې چې سلمان خان ژوند کوي ویلې دي، هغه کس چې خان ته یې په تلیفوني اړیکه کې د وژلو ګواښ کړی و، نامعلوم دی.
خو داسي اټکل کیږي چې دا ګواښ د جرمي باند د مشر لارنس بیشناوي له خوا شوی دی.
زنګ وهونکي له دغه ۵۸ کلن څخه ۵۰ میلیونه هندي کلدارې چې تقریباً ۵۹۲ زره ډالره کېږي، غوښتنه کړې ده.
دغه کس د هغه سندرې د لیکونکي د وژلو ګواښ هم کړی دی چې په کې سلمان خان او بیشناوي یاد شوي دي. پولیسو په دې قضیه کې د پلټنو د پیل اعلان کړی دی.
دا په داسي حال کې ده چې د هند سینما دا وتلی ستوری د روانې میاشتې پر پنځمه نېټه هم ګواښل شوی و. د هند پولیسو د راجستان یو اوسیدونکی بهکا رام په دې تور نیولی دی.
پولیسو پي ټي آی خبري آژانس ته ویلي دي چې "تورن یو روز مزد کارګر دی او ادعا کوي چې د لارنس بیشناوي له ډلې دی. یاد کس د یوه محلي ټلویزیون د لیدلو پر مهال ناڅاپي د ممبۍ پولیسو ته ټلیفون وکړ او د سلمان خان د وژلو ګواښ یې وکړ."
بیشناوي په هند کې یو له هغو خطرناکو مجرمانو څخه دی، چې له ۲۰۱۵ کال راهيسي په زندان کي دی.
پلټونکي په دې باور دي چې هغه اوس یوه لویه ډله اداره کوي چې ډېر غړي یې په ټول هند کې په غصب، د مخدره توکو او وسلو په قاچاق او قتل کې ښکیل دي.
This browser does not support the video element.
ویل کیږې چې هغه په ممبۍ کې د یوه هندي سیاستوال بابا صدیق په وژنه کې هم لاس درلود، صدیقي د سلمان خان یو له نږدې ملګرو څخه وو چې تیره میاشت ووژل سو.
بیشناوي په ۲۰۲۲م کال کې د یوه پنجابي مشهوره سندرغاړي سیدو موسوالا په وژلو هم تورن دی.
شاهرخ خان ته هم د مرګ ګواښونه کیږي
د هند سینما بل نامتو ستوری شاهرخ خان هم د روان کال د نومبر میاشتي پر پنځمې ګواښل شوی دی. زنګ وهونکی ځان هندی معرفي کړی، او ویلې يې دي که خان پنځه میلیونه کالداري ور نه کړي هغه به ووژني.
هندوستان ټایمز راپور ورکړی دی چې زنګ وهونکي د هندي فلمونو د لوبغاړي شاهرخ خان د اړیکو شمیره نه درلوده له همدې امله یې د هغه د اوسیدو ځایې پولیسو ته زنګ وهلی او له پولیسو یې غوښتي دي چې دا پیغام تر خانه ورسوي.
د هند د سینما هغه ستوري چې په خپلو کې ېې ودونه کړي
د هند په سینما کې ډېر داسې شوي چې اکټرانو یا د فلم ستورو سره په اصلي ژوند کې واده کړی وي. په دغه انځوريز البوم کې یو شمېر پخواني او اوسني هندي اکټران او اکټرانې درپيژنو چې له یو بل سره ېې ودونه کړي دي. انځور: Sujit Jaiswal/AFP/Getty Images نرګس او سونیل دت (د سنجېدت والدین) نرګس (کيڼ لور) او سونلدت په ۱۹۵۸م کال کې واده وکړ. د دوی لومړني فلمونه د هندوستان سینما د تور او سپين فلمونو د وخت دي. دوی دواړه مړه شوي، زوی ېې سنجیدت نن ورځ د هند سینما له وتلو ستورو څخه یو دی.
انځور: Imago/United Archives International د هندوستان پخواني وتلي اداکار دلیپ کمار په ۱۹۶۶ کې له اکټرې سایره بانو سره واده وکړ. بیراګ یو له هغو فلمونو دی چې دوی په کې مرکزي رولونه لوبولي دي. دلیب کمار په ۲۰۲۱ کال کې د ۹۸ کلونو په عمر مړ شو، سایره بانو ژوندۍ ده. دوی اولاد نه لري.
انځور: Getty Images/AFP/STR دمپل کپادیا او راجیش کهنه راجش کهنه تر امیتاب بچن د مخه په اویایمه میلادي لسیزه کې د هند سینما سوپر ستار وو. هغه په ۱۹۷۳ کې له فلمي اکټرې، دمپل کپاډیا سره واده وکړ چې لس کاله وروسته بېرته جلا شول. په انځور کې د دوی زوم، د فلم وتلی اداکار اکشې کمار هم ليدل کيږي.
انځور: Getty Images/AFP/STR کهنه د فلمي اداکارانو راجش کهنه او دمپل کپاډیا لور ده. توینکل کهنې په ۲۰۰۱ کال د هندوستان د سینما له وتلي اداکار، اکشې کمار سره وادوه وکړ. دغه جوړه اوس دوه اولادونه لري.
انځور: Getty Images/AFP/STR د هندوستان پخوانی سوپر ستار امیتاب بچن له جایا بچن سره د پخوانيو، شعلې او زنجیر په ګډون يو شمېر فلمونو کې ګډ کار کړی دی. دوی په ۱۹۷۳ کې واده وکړ. زوی ېې ابهیشک بچن هم په فلمونو کې کار کوي.
انځور: Mary Evans Archive/imago images ابهیشک بچن او ايشوریا رای د امیتاب بچن زوی ابهیشک بچین هم د پلار په څېر له فلمي اکټرې ایشوریا رای بچن سره واده وکړ. د دوی واده په ۲۰۰۷ کې وشو اوس يوه لور لري. دواړو په يو شمېر فلمونو له هغې جملې «ډهوم ۲» کې ګډ کار هم کړی. اېشوریا رای په ۱۹۹۴ کې د نړۍ د ښکلا ملکې لقب وګاټه.
انځور: AP دا د هندوستان سینما تر ټولو وتلې جوړه ده چې په ډېرو فلمونو کې ېې ګډ کار کړی دی. ۷۰مه میلادي لسیزه او د ۸۰مې لسيزې پیل د دوی د شهرت وخت وو. له هیماماليني سره د دهرمندر، دوهم واده وو. دوی د ایشا دیول او اهانا دیول په نومونو دوه لوڼې لري.
انځور: Getty Images/AFP/STRDEL ریشي کپور له اکټرې نيتو سينګ سره چې اوس د ۶۵ کلونو ده، په ۱۹۸۰ کې واده وکړ. کپور په ۲۰۲۰ کې مړ شو. د کپور خاندان د هند په سینما کې د څو نسلونو هنرمندۍ سابقه لري. د دغې جوړې زوی، رنبير کپور، نن د هندوستان سینما له وتلو هنرمندانو څخه دی.
انځور: DW/J. Sehgal بوني کپور د فلمونو اداکار دی. هغه د هندوستان د ۸۰ لسیزې له نوموتې هنرمندې سري دیوي سره په ۱۹۹۶ کې واده وکړ. سريديوي چې د خپل وخت له نامتو ښایسته ښځينه اکټرانو څخه وه، په ۲۰۱۸م کال کې د ۵۴ کلونو په عمر مړه شوه.
انځور: IANS اجې دېوګن په ۱۹۹۹ کې له اداکارې کاجول سره واده وکړ. د اجې ديوګن پلار ویرو دیوګن، اکشن ډایرکټر وو او د کاجول مور، تنوجه، هم فلمي اکټره ده. اجي دیوګن د ۵۴ او میرمن ېې د ۴۹ کلونو ده، دوی دوه ماشومان لري.
انځور: Eros International کرينه کپور او سیف علي خان کپور او خان د هند سینما یوه بله مشهور جوړه ده. دوی په ۲۰۱۲ کې واده کړی. کرینه کپور د هند سینما د پخوانۍ اکټرې ببيتا او رندهر کپور لور او سیف علي خان د پخوانۍ مشهورې اداکارې شرميلاتاګور زوی دی. د خان پلار د کریکټ پخوانی لوبغاړی او د هند د نوابانو څخه دی. دواړو اوس هم په فلمونو کې کار کوي.
انځور: Getty Images/AFP/S. Jaiswal دوی په ۲۰۲۱ کې واده وکړ. دواړه اوس هم په فلمونو کې کار کوي. کترینا کیف چې اوس د ۴۰ کلونو ده له ۲۰۰۳ ېې د هند په سینما کې کار پیل کړی دی.
انځور: IANS دواړه خانداني هنرمندان دي. رنبير د ریشي کپور زوی او عالیه بټ د مشهور فلم جوړونکي، مهیش بټ لور ده. دوی د وادوه مراسم د ۲۰۲۲م کال په اپریل کې د هندوستان په ممبي ښار کې تر سره شو.
انځور: Sujit Jaiswal/AFP/Getty Images پراینکا چوپړه او نیک جانس د هندوستان سینما دغې اکټرې بیا له امریکايي اکټر او سندرغاړي نیک جونانس سره واده کړی دی.
انځور: Getty Images/AFP/D. Emmert ديپيکا پادوکونه او رنویر سینګ ديپیکا او سینګ په ۲۰۱۸ کې واده وکړ. دواړه د هند سینما له مطرح هنرمندانو په ډله کې راځي.
انځور: Rajanish Kakade/AP Photo/picture alliance
د پولیسو د څېړنو وروسته له کومې شمیرې څخه چې شاه رخ خان ته ګواښ شوی و د فیضان خان په نوم د یوه وکیل وه، چې لا دمخه یې راپور ورکړی و چې د هغه تلیفون غلا شوی دی.
په ۲۰۲۳م کال کې د شاه رخ خان د پټان او جوان فلمونو وروسته امنیتي تدابیر لا پسې ټینګ شوې دي.
