د سویډن چارواکو یوې ۱۰۶ کلني افغاني ته په دغه هیواد کي د پاتېدو موقتي حق ورکړ. څه موده مخکي د دغي افغاني مهاجري د پناه غوښتنه رد سوې وه.
انځور: picture-alliance/PIXSELL/D. Javorovic
اعلان
لکه څنگه چي د پناه غوښتني د مسایلو مسئولي محکمې په گويته بورگ ښار کي پرون چهارشنبه خبر ورکړ، دغه په بستر کي پرته او تقریبأ ړنده بي بي حال اُزبکي مخکي تر دې چي اقامت یې بیا تمدیدیږي، اوس د نورو ۱۳میاشتو له پاره په دغه هیواد کي پاتيدلای سي.
قاضیانو په خپل حکم کي ویلي دي چي «د بشري دلایلو له کبله دا د منلو نه ده چي نوموړې خپل هیواد ته په تگ باندي مکلفه سي.»محکمې د دې لوړ سن ته په کتو سره د هغې خراب صحي حالت ته هم اشاره کړې ده.
د سږکال په می میاشت کي دغه ۱۰۶ کلنه افغانه مهاجره رد سوې وه. د مهاجرو او پناه غوښتني ادارې هغه وخت سویډنۍ ورځپاڼي «سوینسکا ډاگ بلت» ته ویلي وه چي «لوړ سن د پناهندگۍ د منلو حق نه تضمینوي.» معنی داچي پر دغه سن باندي څوک له سیاسي لحاظه نه تعقیبیږي. خو دغه قضیه په سویډن کي د ډیري توجه وړ وگرځېده.
دغي زړې افغاني مهاجري هم اروپا ته د مهاجرو د ورمات بهير پرمهال خپل ځان سويډن ته رسولی او هلته ئې د پناه غوښتنه کړې وه.
له هغه راوروسته چي دغه سکانډناویايي هیواد تر ډیره وخته پوري اروپا ته د لارو تر خلاصیدو وروسته د مهاجرو په قبلیدلو کي مخکښ رول درلودئ، په ۲۰۱۴ او ۲۰۱۵ مو کلنو کي د ډیرو پناه غوښتنو په سبب سویډن عملأ خپل سرحدونه وتړل. له هغه راهیسي هم دغه هیواد ته ډیر لږ مهاجر ورغلي دي.
په ۲۰۱۵م کال کي د اروپايي اتحاديې په ۲۸ غړو هيوادونو کي تقريبا ۱،۳ ميليونه د پناه غوښتنې وسوې. کوم هيواد څو سلنه قبولي کړي؟ د ۷ هيوادونه معلومات په دغه انځوريز البوم کي وګورئ:
انځور: Reuters/Y. Herman
د پناه غوښتني د قبولۍ دوه ډوله
قبولي دوه ډوله ده. د لومړۍ درجې قبولي سياسي پناه ده چي قبول سوی مهاجر په سمدلاسه توګه په کوربه هيواد کي دايمي د پاته کېدو اقامه يا د مهاجرت پاسپورټ او د کار اجازه او نور تر لاسه کوي. د دويمي درجې قبولي په اصلي هيواد کي د موجود خطر له کبله د جنيوا کانونسيون په ړنا کي په موقته توګه د پاته کېدو اجازې ته ويل کيږي.
