د هلسنګي پوهنتون د دغي لويي پروژې محقیقینو، سپیانو ته د کرونا ویروس عامل د بوی پیژندلو په لار کي په ډیر بریالیتوب سره تعلیم ورکړی دی. يووازي تر څو اوونیو وروسته لومړنیو اموخته سپیانو په کرونا د اخته او جوړو کسانو د متيازو توپير په ډیر دقت سره وکړ.
د هلسنګي پوهنتون د کورني حیواناتو د طبي تحقیقاتو د څانګي استادي هیلم بیورکمان وویل: «موږ د مریضو کسانو د پیژندلو په برخه کي د سپیانو د اموخته کولو سره ډیري تجربې لرو. خو دا ډیر فوق العاده کاروو، چي دغو سپیانو څومره ژر زده کړه، چي نوی بوی هم وپيژني.«
سپيان کولی شي د خپل شامه حس سره د کرونا مبتلایان تشخیص کړيانځور: picture-alliance/abaca/R. Lafargue د فنلنډ دغه حیرانونکی کشف د نورو هیوادونو د محقیقینو لکه د بریتانیا او فرانسې د ټیمونو له پاره هم ډیر اهمیت لري، چي هغوی هم سپیانو ته د کرونا ویروس د مریضانو د پیژندلو تعلیم ورکوي.
د سپیانو د تعلیمي مرکز څخه الماني څیړونکي هم کولای سي د فنلنډي محقیقنو د تجربو څخه مستفید سي. ددغه مرکز څخه لوکاربارت وايي،»موږ غواړو مخکي تر دې چي په دې کار سره شروع وکړو، اول ډیر معلومات راټول کړو. ځکه چي الماني ویروس پیژندونکو موږ ته توصیه کړې ده، چي په دې کي تلوار ونکړو. دا پدې خاطر چي تر اوسه پوري د کرونا ویروس په باب ډیر معلومات په لاس کي نه سته.«
د هلسنګي پوهنتون د محقیقنو دغه تجربه تراوسه پوري د تصادفي طریقو د تحقیقاتو پراساس پرمخ وړل سوې او په نظر کي دي، چي تر دغي تجربې وروسته ددې کار کلینیکي تجربه هم تر سره سي.
دغه سپي ته د کرونا ناروغۍ د مبتلایانو د تشخيصولو روزنه ورکول کيږيانځور: picture-alliance/abaca/R. Lafargue دا لا تر اوسه پوري معلومه نه ده، چي د کرونا ویروس د مریضان متيازي څه ډول عناصر تولیدوي. ځکه چي د کرونا ویروس نه یوازي پر سږو باندي حمله کوي، بلکي د ټوله بدن پر رګونو او شریانو باندي هم، چي په نتیجه کي د مریضانو د متيازو بوی هم تغیر کوي، خو سپیان د شامې د ډیر حساس حس په درلودلو سره هغه بیا هم ژر پیژندلای سي.
اوسنیو تحقیقاتو ښکاره کړې ده، چي سپیان د سرطان مختلف اقسام په ډیر دقت سره پيژندلای سي.
له آرشيف څخه پر ورته موضوع يو انځوريز البوم:
د کرونا بحران: ایا روبوټونه د انساني قوې ځای نیسي؟
د هغه راهیسي ، چي د کرونا ویروس په ټوله نړۍ کي شیوع سوی، په ډیرو هیوادونو کي د انساني قوې په عوض د روبوټونو څخه استفاده کیږي. په دغه انځوریز البوم کي وینئ، چي روبوټونه د نڅا د معلم، نرس او حتی پولیس په حیث کار کوي. انځور: Reuters/China Daily چین، چي د کرونا ویروس د شیوع منبع بلل کیږي، په پایتخت پیکینګ کي يې د روبوټونو یو »پنځم نسل« اماده کیږي، چي احتمالأ به د نڅا د معلم ځای ونیسي.
انځور: Reuters/China Daily د جاپان په پایتخت ټوکیو کي رسنیو ته یو ربوټ ورښکاره کیږي، چي په روغتون کي په کرونا د اخته کسانو د مربوطه څانګي مسؤلیت پرغاړه لري. دغه روبوټ ، چي »پیپر« نومیږي، هغو مریضانو ته چي د کرونا لږ علایم لري، صحي توصیې هم ورکوي.
انځور: Getty Images/AFP/F. Fong په ایټالیا کي بیا دغه روبوټ حداقل د انساني قوې ځای نه دی نیولی، بلکه د نرسانو کمبود یې پوره کړی دی. دغه روبوټ د ایټالیا د یوې شفاخانې د صحي پرسونل سره کومک کوي، چي د کرونا مریضانو ته رسیدګي وکړي.
انځور: Reuters/F. Lo Scalzo دغه ربوټ د جرمني د آیزنبِرګ د ښار په یوه روغتون کي د ډاکټرانو سره په جراحي عملیاتو کي کومک کړی دی. په جرمني کي هم، چي صحي بخش یې د انساني قوې د کمبود سره مخامخ دی، کوښښ کیږي، چي ځیني کارونه روبوتونو ته وسپارل سي.
انځور: picture-alliance/dpa/J. Woitas د کرونا د بحران پر وخت لږ کسان کولای سي د زړو خلګو احوال واخلي. دغه زاړه کسان ، چي په کرونا د اخته کیدو خطر یې ډیر دی، دزړو په لیلیو او یا خپلو کورونو کي ډیر یوازي او منزوی سوي دي. په بلجیم کي دغه روبوټ د زړو خلګو سره د ارتباط پخاطر جوړ سوی دی.
انځور: Reuters/Y. Herman د هغه ځایه څخه چي چینايي محصلین نسي کولای د خپل فراغت په مراسمو او میله کي برخه واخلي، دغه روبوټونه چي »نیومي« یا »زه نوی« نوم لري، د هغوی څخه نمایندګي کوي.
انځور: Reuters/BBT UNIVERSITY په هندوستان کي دغه روبوټ د ضد عفوني موادو د یوې ادارې مراجعینو ته ښه راغلاست وايي، او هغوی ته د کرونا په ویروس د اخته کیدو صحي مشورې هم ورکوي.
انځور: Reuters/Sivaram V د چین په پایتخت پیکینګ کي دغه روبوټ د پوسته رسان وظیفه پرغاړه اخیستې ،پارسلونه او پاکټونه سره ځای پرځای کوي.
انځور: picture-alliance/dpa/R. Chao اندونیزیا پولیس هغو کسانو ته چي د کرونا د قیوداتو څخه سرغړونه کوي، د هغوی د کنټرول او خبرداري پخاطر ددغه «کواد کوپتر« څخه استفاده کوي. د جرمني په ځینو ښارونو، لکه دوسلدورف کي هم دغه ډول عملیات تر سره سوي دي، چي دخلګو د مخالفتونو سره مخامخ سوي دي. په چیلي کي هم کواد کوپتر د انسانانو د اجتماعي رفتار نظارت او کنټرول پرغاړه لري.
انځور: Reuters/R. Muharrman د تونس په پایتخت کي د پولیسو یو روبوټ د کرونا دویروس د قیوداتو څخه د سرغړوني کنټرول او نظارت کوي.
انځور: Getty Images/AFP/F. Belaid ددغه سپي ډوله روبوټ نوم»اسپات« دی او ددغه هیواد په یوه پارک کي خلګو ته خبرداری ورکوي، چي د کرونا پخاطر وضع سوې معینه فاصله مراعت کړي.
انځور: Reuters/E. Su د افغانستان په یوه رستورانت کي هم د ګارسون په عوض د روبوټ څخه کار اخیستل کیږي. البته دغه عکس د کرونا ویروس تر شیوع دمخه اخیستل سوی دی.
انځور: REUTERS په فرانسه کي هم ددغه روبوټ څخه د کرونا ویروس په سبب مړو سوو کسانو د تابوتونو د جوړولو، ضدعفوني کولو او رنګولو کي استفاده کیږي.
انځور: Reuters/G. Fuentes
