سيول دا د پيونګ یانګ تر ټولو وروستۍ د پوځي زور نمایش بللې دی، چې د جنوبي کوریا او امریکا د ګډو پوځي تمریناتو له ترسره کېدو یوازې څو ورځې وروسته ېې ښي.
د جنوبي کوريا پوځ وايي د «شمالي کوریا په غربي بندري ښار، نامپو کې د یو لنډ واټن ويشتونکي بالستیک توغندي توغول کشف کړي دي.» پوځ ويلي دي چې دغه توغندی په ځايي وخت د «مازديګر ۶ بجې او ۲۰ دقيقې چې د ګرينويچ په وخت ۹ او ۲۰ دقیقې کيږي، توغول شوی دی.»
ورته نور ولولئ:د شمالي کوریا رهبر د اټومي وسلو د چټکي پراختیا غوښتنه کړې
شمالي کوریا په وروستیو میاشتو کې د خپلو توغندیو آزموينې او توپخانه ېې ډزې ډېرې کړي دي. د دغه هیواد رهبر، کیم جونګ اونګ، تېرکال خپل هیواد یو «نه راګرځېدونکی» اټومي ځواک وښود او ژمنه ېې وکړه چې د تکتيکي اټومي وسلو په ګډون به د خپلو پوځي تسلیحاتو تولید په تصاعدي ډول لوړ کړي.
د جنوبي کوریا پوځ ويلي دي چې «د دې امکان شته چې شمالي کوريا له ېوې سېمې څو پر له پسې لنډ واټن ويشتونکي بالستیک توغندي توغولي وي» او دوی په دې هکله خپلې اروزنې کوي.
ورته نور ولولئ: شمالي کوريا بالستيک توغندی توغولی
شمالي کوریا له ډېر وخت راهیسې ټينګار کوي چې اټومې وسلې او توغندویز سیستمونه ېې د خپل دفاع له پاره دي او په عین حال کې ېې د امریکا او جنوبي کوریا ګډ پوځي تمرینات تر فشار لاندې راوستي او هغه ېې د یو یرغل له پاره تمریناتو په توګه توصیف کړي دي.
(AFP)mks/nz/
آرشیف څخه یو انځوریز البوم:
د شمالي کوريا پوځي تمرينونه او په دغه ټاپو وزمه کي کړکېچ
امريکا په جنوبي کوريا کي دفاعي سيستم نصبوي. په عين حال کي د کوريا په اوبو کي د امريکا د اټومي اوبتل د ځای پر ځای کولو خبره کيږه. شمالي کوريا بيا خپل پوځي قدرت نندارې ته وړاندي کړی.
انځور: Reuters/D. Sagoljامريکا په جنوبي کوريا کي د «تاد» په نوم توغنديو دفاعي سيستم نصبول پيل کړل. دغه اقدام نه يوازي د سولي د پلويانو له غبرگون سره مخامخ سوی، بلکي روسيې او چين هم غبرگون ښوولی دی.
په دې انځور کي د توغنديو دفاعي سيستم آزموينه ښوول کيږي. د دغي آزمويني ځای او وخت روښانه سوی نه دی.
شمالي کوريا په تيرو اوونيو کي د کيم ايل سونگ د زېږېدو د ورځي او پوځ د تاسيس په وياړ ستر پوځي پريډونه وښوول او پوځي تمرينونه پيل کړي دي. دغو هڅو ته د شمالي کوريا د پوځي قدرت ښوولو په سترگه کتل کيږي.
د شمالي کوريا د پوځ له جوړښته ۸۵کاله تيريږي. دوی دغه ورځ په پوځي پرېډونو ولمانځله. جنوبي کوريا او امريکا متحدو ايالاتو بيا گډ پوځي تمرينونه پيل کړي دي.
د پوځ د تاسيس په ورځ د کيم ايل سونگ او کيم يونگ ايل مجسمو ته پوځي پرېډ.
د شمالي کوريا ښځي په دغه شان ورځو کي ميدان ته راوځي او ژاړي. دا ځل دوی د شمالي کوريا د بنسټ ايښوونکي کيم ايل سونگ د زېږېدو د ورځي په وياړ راوتلي او ژاړي.
د شمالي کوريا د تاسيس ورځ.
د کيم ايل سونگ د زېږېدو د ورځي په وياړ پوځي پرېډ.
شمالي کوريا گواښ کړی دی چي د توغنديو آزموينو ته به دوام ورکړي. امريکا ويلي دي چي د صبر کاسه ئې نوره ډکه سوې ده او روسيې په کوريا ټاپو وزمه کي د کړکېچ له ډېرښت څخه خبرداری ورکړی دی.
د شمالي کوريا د توغنديو نوي آزامويني يو روښانه پيام لاره، هغه دا چي د دغه هیواد رهبران په لوی لاس غواړي چي کړکېچ ته لمن ووهي.
د کيم ايل سونگ د زېږېدو د ورځي په وياړ د ښځو پوځيانو پرېډ.
د شمالي کوريا د دولت او پوځ پيام يو دی. دوی دواړه د خپلو رهبرانو فرمانونو ته غاړه ږدي.
د کيم ايل سونگ د زېږېدو ورځ ئې د «لمر ورځ» نومولې ده. د هغه د زېږېدو په ورځ پوځ اسمان ته گوري.
د کيم ايل سونگ د زېږېدو په ورځ شمالي کوريا بيا د توغنديو آزموينه وکړه. دې ته امريکا غبرگون وښود او دغه ټاپو وزمه ته ئې الوتکي وړونکي بېړۍ ولېږلې. شمالي کوريا به د خپل پوځي قدرت د ښوولو له پاره پوځي تمرينونه پيل کړل.
معمولاً له شمالي کوريا څخه ډېر لږ انځورونه رسنيو ته رسيږي. خو کله چي د توغنديو ازموينه، پوځي تمرينونه يا د پوځ قدرت نندارې ته وړاندي کوي رسنيو ته ئې انځورونه په اختيار کي ورکوي څو خپل ځواک گاونډیانو ته وښيي.
