رويټرز د امنيتي سرچينو په حواله ليکي چې دغه پيښې د يونان له شمالي ساحل څخه شاوخوا ۱۸۰ کيلومتره لرې رامنځ ته شوې ده.
ويل شوي چې په دغې کشتۍ کې سپاره مهاجر په غيرقانوني توګه قبرس هيواد ته ليږدول کيدل.
د چارواکو له قوله، په کشتۍ کې د سپرو کسانو له ډلې څخه د درو هغو روغتيايي وضعيت وروسته په روغتون کې نازک ښودل شوی دی.
د مهاجرو په چارو کې د ملګرو ملتونو عالې کمشنرۍ (يو ان اچ سي آر) په حواله د سوريې کورنۍ جګړې له پیل راهيسې شاوخوا يو ميليون سوريايي مهاجر په لبنان کې ژوند کوي. خو د لبنان حکومت بيا دغه ارقام شاوخوا يونيم ميليون ښيي.
اروپا ته ډيری غيرقانوني مهاجرتونه د سمندر پر خطرناکو لارو ترسره کيږي. د رپوټونو په حواله ډیری دغه مهاجر د افريقايي هيوادونو څخه وي.
يو ان اچ سي آر په اګست مياشت کې ويلي وو چې د روان کال په لمړيو ۷ مياشتو کې څه باندې ۱۵۰۰ مهاجر د مديترانې سمندرګي په اوبو کې مړه شوي دي.
د مهاجرت پر موضوع له آرشيف څخه يو انځوريز البوم:
سږکال د مديترانې سمندرګې له لاري اروپا ته مهاجرتونه
سږکال د مديترانې سمندرګي له لاري اروپا ته نژدې يونيم لک مهاجر رسيدلي دي. نژدې درې زره نور په اوبو کې مړه شوي دي. دا چې دغه مهاجر تر ډیره د کومو هيوادونو دي، په اړه یې معلومات په دې انځوريز رپوټ کې:
انځور: picture alliance/abaca/AAد مهاجرت نړيوالې ادارې د اکتوبر مياشتي د۲۰ مې نيټې د تازه خپرو شويو ارقامو له مخې سږکال له سمندري لارو اروپا ته ټول ټال ۱۴۶۵۳۵ تنه مهاجر رسيدلي دي. دغه مهاجر يونان، ايتاليا او هسپانيا ته رسيدلي دي.
ايټاليا، يونان او هسپانيا
د نژدې يونيم لک مهاجرو له ډلې څخه چې سږکال اروپا ته مهاجر شوي دي، ۱۱۰۳۵۲ تنه يې ايتاليا، ۲۲۹۱۶ يې يونان او ۱۲۴۲۰ یې هسپانيا ته رسيدلي دي.
د اکتوبر پر۲۰مه خپاره شوي ارقام ښيي چې په ۲۰۱۷م کال کې شاوخوا ۲۷۸۴ تنه مهاجر په سمندر کې د ډوبيدو له وجې مړه او يا لا درکه شوي دي.
په ۲۰۱۷م کال کې لس هغه هيوادونه چې د سمندر له لاري يې اروپا ته تر ټولو زيات مهاجر لرل، نايجريا يې په سر او مراکش يې په آخر کې دی. د لس واړو هيوادونو پيژنده او د مهاجرو شمير يې په ترتيب کتلای شئ!
مراکش په ۲۰۱۷م کال کې د لسو هيوادونو په کتار کې اروپا ته تر ټولو لږ یعنې ۵۴۰۷ تنه مهاجر لرل، دغه شمير په روان کال کې اروپا ته رسيدلو ټولو مهاجرو ۴ اعشاريه ۵ سلنه برخه ده.
سينګال ۵۰۵۰ تنه مهاجر، د ټولو مهاجرو ۵،۶ سلنه برخه.
اريتريا سږکال اروپا ته ۵۶۰۱ تنه مهاجر لرل چې د سږکال ټولو مهاجر ۵ اعشاريه ۶ سلنه برخه ده. په دې سره اريتريا په لسو مخکښو مهاجر لرونکو هيوادونو کې اتم ځای لري.
له مالي هيواد څخه سږکال اروپا ته ۵۹۸۹ تنه مهاجر تللي دي. مالي د اروپا د سږکال مهاجرو ۵ سلنه برخه جوړوي.
له ګامبيا څخه سږکال اروپا ته ۶۲۹۴ تنه مهاجر رسيدلي دي. دا د ټولو رسيدلو مهاجرو ۶ اعشاريه ۲ سلنه برخه ده. په دې سره کامبيا د سږکال په لسو لومړې درجه مهاجر لرونکو هيوادونو کې شپږم ځای لري.
له بنګله ديش څخه سږکال اروپا ته ۸۷۴۷ تنه مهاجر رسيدلي دي. دا د نژدې يونيم لک رسیدلو مهاجرو ۷ اعشاريه ۳ مه برخه ده.
له عاج ساحل څخه سږکال د سمندر له لارې اروپا ته ۹۵۴۴ تنه مهاجر رسيدلي دي چې دا په دغه کال کي اروپا ته د ټولو رسيدلو مهاجرو ۷ اعشاريه ۹ سلنه برخه جوړوي. په دې سره د عاج ساحل په لسو مخکښو مهاجرلرونکو هيوادونو کې څلورم ځای لري.
له گانا څخه سږکال د سمندر له لارو اروپا ته ۱۰۲۹۱ تنه مهاجر رسيدلي دي، چې دا اروپا ته د سږنيو رسيدلو ټولو مهاجرو ۸ اعشاريه ۵ سلنه برخه جوړوي.
له سوريې څخه سږکال اروپا ته ۱۱۶۵۴ تنه مهاجر رسيدلي دي. دا سږکال اروپا ته د رسيدلو ټولو مهاجرو ۹ اعشاريه ۷ سلنه برخه ده.
۱ نايجريا / تر ټولو زيات مهاجر لرونکی هیواد
نايجريا هغه هيواد دی چې سږکال يې تر ټولو زيات اتباع اروپا ته مهاجر شوي دي. د دغو مهاجرو شمير ۱۶۶۲۴ تنه دی چې اروپا د سږکال ټولو رسيدلو مهاجرو ۱۳ اعشاريه ۸ سلنه برخه جوړوي.
انځورونه د دويچه ويله له آرشيف څخه او ارقام د ملګرو ملتونو د مهاجرت ادارې له ويب پاڼې څخه. چمتو کونکی: محمد کریم صالح
