موسيقي جوړونکي نامتو امریکايي سندرغاړې کېتي پېري د روان مېلادي کال په مارچ مياشته کي په يوه ويډيو کي خپل د حامله توب نس وښود. دا د نوموړي او د ممثل او د هغې د ژوند د شريک اورلاندو بلومس پېري لومړی ماشوم دی. دغه ماشوم چي انجلۍ ده ورته د ډېزي ډف بلوم نوم ورکول سوی، د اګست په ۲۷ يې نړۍ ته سترګي خلاصي کړې. په دې توګه نو پېري د حامله توب اعلان د کرونا پر وخت وکړ خو حامله ترمخه لا وه.

هندۍ فلمي ستوري انوشکا شرما او د کرکټ لوبغاړي ويرات کوهلي يو داسي خبر ورکړ چي له کبله یې په زياته په خواله رسنيو کي د زياتو مينه والو توجه ځان ته جلب کړه. دغې جوړې ويلي چي په ۲۰۲۱ کال به يې په کور کي ماشوم وزېږي.

فلسطين الاصله امريکايي نامتو ماډله ګيګي حديد او سندرغاړي جاين ملک درې مياشتي تر مخه خپلو مينه والو ته خبر ورکړی ؤ چي دوی يوه جوړه ده. زيات هغه مينه وال په دغه خبر نه وه خوشاله چي پټ يې په زړه کي هيله وه چي ښايي يو وخت د ګيګي حديد سره وصال سي. ګيګي اوس د خپل حامله توب خبر هم ورکړی دی.

د هند نامتو ايکټري کرينه کپور خان چي د سيف علي خان سره يې واده کړی دی، په اګست کي يې وويل چي د دويم ځل له پاره حامله داره ده. د دغې جوړې د لومړي ماشوم تيمور زېږېدنه هم په خواله رسنيو کي د زيات پوښښ ترلاسه کېدو لامل سوې وه.

سوفي ترنر د «ګېم آف ترونز» په نوم سريال له کبله زياته مشهوره سوه. هغې په دغه فلم کي د يوې شهزادګۍ رول لوبولی ؤ. د سوفي او د هغې د موسيقي جوړونکي سړي جو جوناس لومړي ماشوم د روان کال د جولای مياشتي په ۲۲مه نړۍ ته سترګي خلاصي کړي. سوفي له لاک ډاون مخکي لا حامله داره وه.

ناتائيد سوي راپورونه وايي چي د هاليووډ مشهورې ايکټري جيسيکا بېل د جولای مياشتي په نيمايي کي د خپل ژوند د شريک ايکټر او سندرغاړي جستين تيمبرلېک دويم ماشوم وزېږاوه. د هغوی لومړی ماشوم د پنځو کالو دی. دغې جوړې په ۲۰۱۲ کال واده سره کړی ؤ.