د پاکستان په شمال لوېديځ کې د امريکايي بې پیلوټه الوتکې په بريد کي ۹ انسانان وژل سوي دي. د پاکستاني چارواکو په وينا دغه بريد د شنبې په ورځ د شمالي وزيرستان په شاوان سیمه کي تر سره سوی دئ. پاکستاني چارواکو زياته کړې ده چي وژل سوي ټول کسان شکمن وسله وال ول.

د امریکا متحده ایالات وخت نا وخته په پاکستان کې د یاغیانو د په نښه کولو له پاره د بې پیلوټه الوتکو څخه کار اخلي. پاکستان څو څو وارې له امریکا څخه غوښتي دي چې دغه عملیات ودروي خو امریکا د یاغیانو د په نښه کولو له پاره د بې پیلوټه الوتکو کارول د خپلې پوځي ستراتیژۍ يوه مهمه برخه بولي.