د شمالي کوريا د رسمي خبري آژانس «KCNA» د معلوماتو له مخي پر دغه ځوان امریکايي وگړي باندي چي د «سيلاني په جامو» کي شمالي کوريا ته ننوتی وو په «خصمانه اقداماتو» تورن سوی دئ.

متي ميلر، په اپريل مياشت کي هغه مهال ونيول سو چي شمالي کوريا ته تر ورننوتلو وروسته ئې د سياسي پنا غوښتنه کړې وه.

د ميلر تر څنگ دوه تنه نور امريکايي وگړي هم د شمالي کوريا د مامورينو له خوا نيول سوي دي. دغو درو سرو کسانو درې اوونۍ دمخه له امريکا څخه د مرستي غوښتنه کړې وه.

د ميلر جزا تر ۴۵ کلن مبلغ کنت بيي، ډېره لږ ده. هغه يو کال دمخه د اردوگاه په پنځلس کاله بند محکوم سو. ۵۶ کلن جفري فوله، چي هم شمالي کوريا ته د سېلاني په توگه داخل سوی وو، د جاپاني رسنيو په حواله له هوټله د وتلو پرمهال ئې هلته خپل مقدس کتاب پرې ايښی وو.

د بشري حقونو په اړه خپل راپور

د شمالي کوريا کمونيستي رژيم د بشري حقونو په اړه د خپل سياست په چوکاټ کي د نړيوالو هغو تورونو ته جواب ويلي دئ چي د بشري حقونو په هکله ئې لري.

ويل سوي دي چي امريکا متحده ايالات او نور «متخاصم ځواکونه» په شمالي کوريا کي د بشري حقونو په اړه درواغ وايي او په کورنیو چارو کي ئې مداخله کوي.