د نوموړي وزارت یوه ویاند دولتي خبري آژانس KCNA ته ویلي دي:«دغه ډول یو گام کیدای سي په عمل کي د اټومي شخړې یو تر ټولو خراب کړکېچ رامنځته کړي.» نوموړي پر امریکا متحده ایالاتو، په ښکاره ډول د اټومي باج اخیستني تور ولگاوه.
د امریکا متحده ایالاتو د وسلو سیستم ښکاره ځای پرځای کول
د KCNA خبري آژانس په حواله نوموړي ویاند انتقاد کړی دی چي د امریکا متحده ایالاتو کشفي الوتکو په دې وروستیو کي د دغه هیواد په ختیځ کي د شمالي کوریا له هوايي حریم څخه سرغړونه کړې ده. د هغه په خبره: »هیڅ ډول تضمین وجود نه لري چي یوه داسي حیرانووکې پیښه رامنځته نه سي چي په هغې کی دي په ختیځ سمندر کي د متحده ایالاتو د هوايي ځواک یوه ستراتیژیکه کشفي الوتکه راوغورځول سي.»
ولسمشر جوبایدن له خپل کوریایی سیال یون سوک یل سرهانځور: Jim Watson/AFP/Getty Images
له شمالي کوریا سره مخ پر زیاتیدونکي کړکیچ ته په کتو سره، د امریکا متحده ایالاتو ولسمشر جو بایدن او د جنوبي کوریا ولسمشر یون سوک یول، په اپریل میاشت کي په واشنگټن کي د یوې لیدني کتني په ترڅ کي داسي یوه هوکړه وکړه چي له مخي یې له متحدو هیوادونو سره پوځي گډ کار پیاوړی کیږي. په هغې کي د بالستیک توغنديو د یوه اټومي اوبتل په شمول د امریکا متحده ایالاتو د وسلو د یوه ښکاره سیستم ځای پر ځای کول هم شامل دي.
دا ډول توغندي کولای سي د خپل جوړښت له امله په یوې او یا هم ډیرو اټومي سرگلولو سمبال سي. په جون میاشت کي لا د امریکا ځانگړو ځواکونو د گډو عملیاتو له پاره په کروز توغنیدو سمبال یو اټومي اوبتل په جنوبي کوریا کي د بوسان بندر ته واستاوه.
پیونگ یانگ د ملگرو ملتونو له سختو بندیزیونو سره مخامخ دی
شمالي کوریا د خپل اټومي وسلو د پروگرام له امله د نړیوالو له خوا له سختو بندیزونو سره مخامخ دی. دا کار د پیونگ یانگ مشرتابه د بالستیکي توغنیدو له آزموینو څخه چي په هر ډول اټومي سرگلولو مجهز وي، منع کوي.
په ۲۰۲۲م کال کي د توغندیو د ازموینو تر بې ساري لړۍ وروسته دغه منزوي هیواد سږکال هم یو وار بیا څو ځله د اټومي وړتیا لرونکي راکټونه وتوغول.
GP/NZ/DW.Online
پاکستان څه ډول توغندي لري؟
د پاکستان د اتومي انرژۍ کمېسيون، کهوټا تحقيقاتي ادارې، سپارکو او د دفاعي علومو او تکنالوژۍ سازمان په ګډه د توغنديو پر تخنيک څېړنې پېل کړې وې. په دې ګالرۍ کې د پاکستاني توغنديو په اړه جزيات ترلاسه کولی شئ:
انځور: ISPR
پاکستاني توغندي او واټن یې
د پاکستان د بالستيک ميزايل پروګرام له نزدې واټن څخه نيولې تر منځني واټن ويشتلو پوري وړتيا لرونکي ميزايل لري.
حتف يو میزايل
حتف ون يا حتف يو د لنډ واټن لومړی بالستېک میزايل وو چې پاکستان جوړ کړی وو او په لومړي سر کې یې له ۷۰ تر ۱۰۰ کلوميترو پورې واټن وهلای شوای. دا ميزايل د سپارکو شرکت د نورو په مرسته په ۱۹۸۹م کال کې جوړ کړی وو. دا په ۱۹۹۲م کال کې د پاکستان پوځ ته وسپارل شو.
انځور: ISPR
حتف اته، رعد کروز توغندی
حتف اته يا رعد دوه توربو جېټ پاور کروز ميزايل دی. پاکستان د ۲۰۰۷م کال په اګست کې د دې آزموينه پيل کړې وه. د رپوټونو په حواله تر يو شمير تجربو وروسته د ۲۰۱۶م کال په جنورۍ کې ترسره شوې تجربه یې تر اوسه تر ټولو بريالۍ وه. دا ميزايل تر ۳۵۰ کيلومترو پوري واټن وهي.
