د راپورونو له مخي شمالي کوریا د روانې اوونۍ په آخر کې د خپلې «بریا ورځې» ۷۰یمه کلیزه لمانځي چې په مراسمو کې به ېې د روسيې او چين هیوادونو لوړپوړي پوځي پلاوي هم د خاصو مېلمنو په توګه حضور ولري.
د شمالي کوریا دولتي رسنۍ KCNA ويلي دي چې روسي پلاوی به د دغه هیواد د دفاع وزیر سيرګي شيوګو په مشرۍ وي.
د چينی پلاوي مشري به د پوليتبورو د ګوندي حلقې غړی، لي هونګزهونګ، کوي او دغه پلاوی به د جولای له ۲۶مې په پیونګیانګ کې وي. دغه مطلب د چين د کمونیست ګوند د مرکزي کميټې د نړيوالې څانګې له خوا تائيد شوی دی.
ورته نور ولولئ: شمالي کوریا په شپه کي ستر پوځي پرېټ ترسره کړ
شمالي کوريا ته د روسيې او چين د پلاوو سفر ته له دغه منزوي شوي هیواد سره د یو پام وړ ديپلوماتيک تعامل په سترګه کتل کيږي.
د شمالي کوریا د یادښت د دغې ورځې په مراسمو کې پراخ پوځي پريټ او نور د پام وړ مراسم په نظر کې نيول شوي ديانځور: imago images/UPI Photo/KCNA شمالي کوریا غواړي د کوريا جګړې د اوربند د ۷۰يمې کلیزې مراسم په ډېره لوړه سطحه او د پام وړ ترسره کړي.
څرنګه چې د دغه هیواد دولتي رسنيو رپوټ ورکړی دی، پينګ یونګ غواړي د اوربند د لاسلیک کولو ورځ چې په دغه هېواد کې د «بریا ورځ» باندې یاديږي، په داسې یوه «عظيمه توګه ولمانځي چې په تاریخ کې ثبت شي.» د یادښت د دغې ورځې په مراسمو کې پراخ پوځي پريټ او نور د پام وړ مراسم په نظر کې نيول شوي دي.
ورته نور ولولئ: شمالي کوریا امریکا ته د اټومي شخړې له لوړ خطر څخه خبرداری ورکړی
ان کې نیوز چې مقر ېې په سیول کې دی، په خپل رپوټ کې وايي چې له سټلایټ څخه اخیستلي انځورونه ښيي چې شمالي کوریا د څو میاشتو راهیسې د دغه پریټ له پاره هم د پوځيانو او هم د ملکيانو لازمې روزنې ترسره کړي دي. تمه ده چې د پريټ د تېرېدو پر مهال د شمالي کوریا د رهبر کیم یونګ اون هغه توغندي چې د اټومي سرګلولو د لیږد وړتیا لري او نور پرمختللي پوځي تجهیزات وښودل شي. دغه پريټ به د کیم دوه سونګ له څلور لارې تيريږي.
په عین وخت کې د جنوبي کوریا پوځ د سه شنبې په ورځ وویل چې شمالي کوریا دوه بالستيک توغندي د ختيځې یا د جاپان بحیرې پر لور توغولي دي.
د شمالي کوریا د یادښت د دغې ورځې په مراسمو کې پراخ پوځي پريټ او نور د پام وړ مراسم په نظر کې نيول شوي ديانځور: imago images/UPI Photo/KCNA د جنوبي کوریا خبري آژانس، یونهاپ، په حواله په سيول کې د پوځ عمومي قوماندانۍ وويل: «زموږ پوځ دوه بالستیک توغندي کشف کړل چې شمالي کوریا پوینګیانګ ته له نژدې سيمې څخه ختيځي بحيري پر لور وتوغول.» پوځ زیاته کړې ده چې دغه توغندي په ځایي وخت شپې ۱۱:۵۵ او بل ېې د سه شنبې په نیمه شپه فایر شوي دي.
ورته نور ولولئ: جنوبي کوريا: شمالي کوريا بيا توغندي توغولي
د عمومي قوماندانۍ په خبره، دغو توغندیو شاوخو ۴۰۰ کیلومتره پرواز کړی او بیا په سمندر کې غورځيدلي دي. ملګرو ملتونو پر شمالي کوریا د توغندیو د آزموینو بنديز لګولی خو دغه هیواد سربېره پر دې خپل توغندي توغوي.
آ/م.ک.ص./ن.ز.
پر ورته موضوع یو انځوریز البوم له آرشیف څخه:
انځوریز رپوټ: د وسلو تر ټولو ستر تولیدونکي شرکتونه
هر کال په نړیواله کچه د وسلو په پلور کې زیاتوالی رامنځته کیږي. په نږدې ۲۰۰۰ میلیارده ډالرو سره، د وسلو د پلور ریکارډ په ۲۰۱۹م کال کې مات شو. په دې انځوریز رپوټ کې د نړۍ له تر ټولو سترو وسلو تولیدونکو شرکتونو سره آشنا شئ:
انځور: Lee Jin-man/AP Photo/picture-allianceدغه امریکایي کمپنۍ د نړۍ د وسلو تر ټولو ستر تولیدونکی شرکت دی. د دې کمپنۍ ۸۹ سلنه عاید د وسلو د پلور له طریقه ترلاسه کیږي. د لاکهید مارتین شرکت اکثره تولیدات د هوا- فضاء په برخه کې دي. دغې کمپنۍ په ۲۰۱۹م کال کې تر ۵۳ میلیارده ډالرو د ډیرو پیسو وسلې پلورلي دي. انځور د لاکهید مارتین کمپنۍ تولید د امریکایي پوځ د اف ۳۵ جټ الوتکه.
بوئینګ د نړۍ د وسلو تولیدونکو په کتار کې دویم ځای نیولی دی. په ۲۰۱۹ م کال کې د دغې کمپنۍ ټول عاید ۷۶ میلیارده او ۵۰۰ میلیونه و چې ۴۴ سلنه یي د جنګي وسایلو د پلور له طریقه ترلاسه کړي دي.
د نورثروپ ګرومن امریکايي کمپنۍ د جنګي تجهیزاتو د طرحې او تولید، جنګي الوتکو، کیښتیو، الوتکې لیږدونکي بیړیو، سپوږمکیو، رادار، د توغندیو دفاعي سیستم او نورو د تولید په برخه کې فعالیت کوي. په ۲۰۱۹ م کال کې دې کمپنۍ ۲۹ میلیارده ډالره یا ۸۶ سلنه د ټولو فروشاتو څخه د جنګي وسایلو د پلور له طریقه ترلاسه کړي دي.
د ریتیان Raytheon امریکایي کمپنۍ فروشات په ۲۰۱۹م کال کې ۸ سلنه زیات شوی و. د دې کمپنۍ ۸۵ سلنه عاید یعنې ۲۵ میلیارده ډالره یي د جنګي وسایلو له درکه ول. دغه کمپنۍ په نړۍ کې د رهبري کیدونکو توغندیو تر ټولو لوی تولیدونکی بلل کیږي.
دغه امریکایي شرکت چې هوایي یا فضایي صنایع تولیدوي د خپل عاید ۶۲ سلنه برخه چې څه باندې ۲۴ میلیارده او ۵۰۰ میلیونه ډالره کیږي د جنګي وسایلو د پلور له لارې ترلاسه کوي. جنرال داینامیکس د اف ۱۶ جنګي الوتکې (عکس کې) تولیدونکی شرکت دی.
آویک چینایي شرکت (Aviation industry Corporation) په چین کې د وسلو د تولید تر ټولو ستر شرکت دی. په ۲۰۱۹م کال کې د دې شرکت ۳۴ سلنه عاید یعنې ۲۲ میلیارده او ۵۰۰ میلیونه ډالره د جنګي وسایلو د پلور له طریقه ترلاسه شوي دي. آویک د الوتکو، بی پیلوټه الوتکو او هیلي کوپترونو تولیدونکی دی.
دغه بریتانوي شرکت په ۱۹۹۹م کال کې د «بریټش آیروسپيس» او «جي ای سي- ماکروني» شرکتونو له یوځای کیدو څخه رامنځته شو او له هغه وخت راهیسې د نړۍ د وسلو د تولید یو له تر ټولو لویو کمپنیو څخه شمیرل کیږي. د دې شرکت ۹۵ سلنه عاید یا ۲۲ میلیارده ډالره یي د جنګي وسایلو د پلور له طریقه وو. دغه کمپني د جنګي الوتکو لیږدونکو بیړیو، اوبتلونو په تولید او د اف ۳۵ او یورو فایټرر په جوړولو کې شراکت لري.
دغه چینایي کمپنۍ په الکترونیک او رادار صنایعو په برخه کې فعالیت کوي او ۴۶ سلنه یا د ۱۵ میلیارده ډالرو معادل فروشات یي د نظامي وسایلو د پلور له طریقه ترلاسه کړي دي.
د نورینکو «Norinco» چينایي کمپنۍ چې یو له تولیداتو څخه یي ټانک دی په نړۍ کې د وسلو یو له لویو تولیدونکو څخه دی. دغه شرکت په ۲۰۱۹م کال کې د ۱۴ میلیارده او ۵۰۰ میلیونه ډالرو وسلې پلورلي دي. دا مقدار د دې کمپنۍ ۲۲ سلنه فروشات تشکیلوي.
دغه امریکایي کمپنۍ په ۲۰۱۹م کال کې د «ګروه هریس» او «ال ۳ ټکنولوژي» له ادغام څخه رامنځته شو او د نظامي مخابراتو په برخه کې، د شپې دوربین، د الکترونیکي قوماندې مرکزونو او نورو د تولید په برخه کې فعالیت کوي.۱۴ میلیارده ډالره یا ۷۷ سلنه له فروشاتو څخه یي د وسلو پورې اړه پيدا کوي.
دغې امریکایي کمپنۍ په ۲۰۱۹م کال کې تر ۱۳ میلیارده ډالرو د ډیرو پيسو وسلې پلورلي دي. خو دا د دغې کمپنۍ د فروشاتو یوازې ۱۷سلنه برخه تشکیلوي. یونایټډ ټکنولوژي په ۲۰۲۰م کال کې له ریتیان سره یوځای شو او اوس په نړۍ کې د وسلو د سترو تولیدونکو په کتار کې شمیرل کیږي.
د لئوناردو ایټالوي کمپنۍ د عاید ۷۲ سلنه برخه د وسلو د تولید له درکه ترلاسه کیږي. دغه کمپنۍ په کلني حساب تر ۱۱ میلیارده ډالرو د ډیرو پیسو وسلې صادروي. دغه کمپنۍ د یورو فایټر جنګي الوتکو په تولید کې هم برخه لري.
مسافربري الوتکې د ایرباس کمپنۍ د شهرت اصلي دلیل دی. خو د دې شرکت ۱۴ سلنه عاید د نظامي وسایلو د تولید له درکه ترلاسه کیږي. ایرباس تر ۱۱ میلیارده ډالرو ډیر نظامي محصولات خرڅوي، خو مجموعي فرشات یي ۷۹ میلیارده ډالره و. آلمان او فرانسه ۱۱ سلنه او هسپانیا ۴ سلنه په دې شرکت کې ونډه لري.
د تالس فرانسوي کمپنۍ په اروپا کې د وسلو د تولید دریمه کمپنۍ ده. د دې کمپنۍ د اسهامو ۲۶ سلنه برخه د فرانسې د دولت په اختیار کې ده. دغه کمپنۍ په کلني حساب د ۹ میلیارده او ۵۰۰ میلیونه یورو په ارزښت وسلې خرڅوي چې دا د تالس کمپنۍ د مجموعي عاید ۴۶ سلنه برخه تشکیلوي.
د دغې روسي کمپنۍ ۹۸ سلنه محصولات وسلې تشکیلوي. «آلماز- آنتي» د فروشاتو له کمښت سره مخامخ شوی دی او د پوځي صنایعو په رده بندۍ کې درې درجې ښکته شوی دی. خو سره له دې هم دغې کمپنۍ په ۲۰۱۹م کال کې ۹ میلیارده یورو فروشات درلودل.
د متحده اماراتو د «EDGE» شرکت د عربي هیوادونو لومړنی شرکت دی چې د نړۍ د وسلو د ۲۵ سترو تولیدونکو شرکتونو فهرست ته داخل شوی دی. د آلمان دوه شرکتونه د نړۍ د ۱۰۰ شرکتونو په لیست کې موجود دي. د راین متال شرکت د لئوپارد ټانک (انځور کې) جوړونکی، د نږدې ۴ میلیارده ډالرو په فروشاتو سره یو له دغو شرکتونو څخه دی.
