د پاکستان د صدراعظمۍ چوکۍ له پاره د شریف پر وړاندې بل نوماند د عمران خان پلوی، عمر ایوب خان وو چې یوازې ۹۲ رايي ېې وګټلې.
شهباز شریف تر ټاکنو وروسته پارلمان ته وويل: «هېڅ چا اکثریت نه دی ګټلی. دا یو ويشلې حکومتي دوره ده. دا د دیموکراسۍ طریقه ده چې کله د اختیاراتو د ويشلو په صورت کې همفکره ګوندونه کولی شي یو ائتلافي حکومت جوړ کړي.»
د پاکستان په دغو انتخاباتو کې د شریف ګوند، پاکستان مسلم لیګ-نواز (PML-N) له خپل پخواني رقیب پاکستان پيلپز پارټي (PPP) او یو شمېر نورو کوچنیو ګوندونو سره ائتلاف وکړ او دې سره د خپل رقیب عمران خان د ګوند ازاد نوماندان چې تر ټولو دېرې څوکې ېې ګټلې وې، له مخې لرې کړل.
د شریف ګوند، پاکستان مسلم لیګ-نواز (PML-N) له خپل پخواني رقیب پاکستان پيلپز پارټي (PPP) او یو شمېر نورو کوچنیو ګوندونو سره ائتلاف کړیانځور: Ali Kaifee/DW
تر دې مخکې ځینو شنونکو دا د پاکستان د راتلونکې له پاره یو پياوړی ائتلاف نه دی ګڼلی. له بلې خوا له پاکستانه بهر د انتخاباتو د شفافیت په هکله هم نظرونه څرګند شوي دي. روانه اوونۍ د امریکا د کانګریس ۳۱ دموکراټو غړو په یو لیک کې له جمهور رئیس بایدن او خارجه وزیر انتوني بلنکن څخه وغوښتل چې تر هغه وخت پورې دې د پاکستان نوی حکومت په رسمیت نه پېژني چې د انتخاباتو په هکله شفافې څېړنې نه وي شوي.
په پاکستان کې صدراعظم تر انتخاباتو درې اوونۍ وروسته ټاکل کيږي، هغه انتخابات چې د پاکستان تحریک انصاف د ګوند مشر عمران خان چې اوس په بند کې دی او د هغه پلویان پکې د پراخو درغلیو ادعاوې کړي دي.
په پاکستان کې هیڅ لومړي وزیر خپله پنځه کلنه دوره نه ده بشپړه کړې. دوی د مختلفو دلایلو له امله اړ شوي دي چې له ټاکل شوي وخت څخه مخکې واک پريږدي. عمران خان د دغه هیواد ۲۲ لومړی وزیر وو چې خپله کاري دوره یې مکمله نه کړه.
انځور: STF/AFP/GettyImages
لیاقت علي خان: ۴ کاله او ۲ میاشتې
لیاقت علي خان د پاکستان لومړنی صدراعظم و. نوموړي د ۱۹۴۷م کال د اګست په ۱۵ نیټه خپله دنده پیل کړې وه. لیاقت علي خان د ۱۹۵۱م کال د اکتوبر په ۱۶ نیټه په راولپنډۍ کې د یوه کس له خوا په ډزو ووژل شو. نوموړی له وژل کیدو مخکې ۴ کاله او ۲ میاشتې د پاکستان لومړی وزیر پاتې شوی و.
انځور: Wikipedia/US Department of State
خواجه ناظم الدین: ۱ کال او ۶ میاشتې
د لیاقت علي خان تر وژل کیدو یوه ورځ وروسته د ۱۹۵۱م کال د اکتوبر په ۱۶ نیټه خواجه ناظم الدین واک ته ورسید. نوموړی د ۱۹۵۳م کال د اپریل په ۱۷ نیټه د ګورنر جنرل له خوا د لومړي وزیر په توګه له دندې ګوښه کړای شو. ده هم د ګورنر جنرل په توګه دنده ترسره کړې وه. (له ۱۹۷۴ څخه تر ۱۹۵۶ م کاله د پاکستان د اساسي قانون تر بشپړیدو مخکې د ګورنر جنرل مقام له صدراعظم څخه لوړ وه، ځکه د بریتانوي سلطنت استازی به وو)
انځور: Douglas Miller/Keystone/Hulton Archive/Getty Images
د ۱۹۵۵ م کال د اګست په ۱۲ نیټه چودهري محمد علي د پاکستان د لومړي وزیر په توګه وټاکل شو. د چودهري محمد علي نوم نن هم د پاکستان په اساسي قانون کې د هغه مهم رول له کبله یادیږي. هغه په ۱۹۵۶م کال د سپټبر په ۱۲ نیټه د خپل ګوند له غړو سره د شخړې له امله استعفا ورکړې وه.
انځور: akg images/picture alliance
حسین شهید سهروردي: ۱ کال او یوه میاشت
حسین شهید سهروردي د ۱۹۵۶م کال د سپټمبر په ۱۲ د پاکستان لومړی وزیر شو، خو له ولسمشر سکندر مرزا سره د اختلافاتو له امله یي د ۱۹۵۶م کال په ۱۶ نیټه استعفا وکړه.