د جرمني په پارلمان کي د اروپا د کمیټې دغه مسؤل الماني خبري آژانس،dpa ته پرون شنبه (د اکتوبر میاشتي ۲۲ مه) وویل، چي که »الماني- فرانسوي مناسبات خراب وي او کار ورنکړي، بیا به نو موږ په اروپا کي د یوه مشکل سره مخامخ یو.«
ماکرون د انرژۍ د بحران په ارتباط د اروپا د اتحادیې د سرمشریزي تر سلا مشورو دمخه تیره پنجشنبه د دې څخه خبرداری ورکړی ؤ، چي »جرمني نباید پدې مسأله کي اروپا یوازي پریږدي. دا کار نه د جرمني او نه هم اروپا دپاره ښه دی«.
شولڅ راتلونکي چهارشنبه ورځ په پاریس کي د فرانسې د جمهوررییس سره د خبرو پخاطر گوري. خو دواړو خواوو په عین ورځ اصلأ وختي پلان سوي د کابینې جلسې لغؤ کړې.