پوتين او شولتڅ د جمعې په ورځ (د دسمبر ۲مه) پر ټيلفون يو ساعت خبرې کړي دي. دا د سپتمبر له نیمايي راورسته د دواړو هیوادونو د رهبرانو تر منځ لومړنۍ ټيلفوني اړيکه ده.
کريلمين تر دغې تيلفوني اړېکې وروسته په یوه اعلامیه کې وويل، «یادونه وشوه چې د روسېې وسلوال ځواک د اوږدې مودې راهیسې له دقیقو توغندویزو بریدونو ډډه کړې وه.»
په اعلامیه کې زیاته شوې، «خو اوس دغه اقدامات د روسېې پر ملکي زیربناو د کيف د پاروونکو حملو په ځواب کې پر یو اجباري او د نه ډډې کولو وړ ځواب باندې بدل شوي دي.»
بایدن په شرایطو د پوتین سره خبرو ته حاضر دی
روسېې په ورستیو اوونیو کې د اوکراین د انرژۍ زيربناوې تر سختو حملو لاندې راوستلي دي چې په نتيجه کې ېې په میلیونونو اوکراینيان په داسې حال کې چې ژمی هم رانژدې شوی، له برېښنا پرته په سړه هوا او تیاره کې ژوند کوي.
د فرانسې خبري آژانس له مسکوه ليکي چې پوتین وويل د اوکراین د لويديځو متحدینو له خوا «مالي او سیاسي ملاتړ پر دغه حقیقت منجر شوی چې کیف د مذاکراتو هر ډول نظریه رد کړي.»
د کيف ښاروال خلکو ته: په کورونو کې مو اوبه او ډوډۍ زیرمه کړئ
برلین وايي چې د آلمان صدراعظم، د جمعې ورځې په خبرو کې پر پوتين فشار راوړ تر څو په اوکراین کې د جګړې د پای ته رسولو له پاره د ځواکونو د ایستلو په ګډون، یوې ديپلوماتيکي حل لارې په لټه کې شي.
د آلمان د صداعظم ویاند، سیتفن هیبستراید وویل: «صدراعظم د روسې له ولسمشر څخه وغوښتل چې د امکان تر حده هر څومره ژر چې وي، د روسي ځواکونو د ایستلو په ګډون، ېوې ديپلوماتيکي حل لارې ته حاضر شي.»
د آلمان دافع هوا سیستم لرونکي ګيپارډ ټانک، آلمان غواړي دغه ډول شپږ اضافي ټانکونه اوکراین ته ولیږيانځور: Thomas Imo/photothek/IMAGO سيرګي لاورف پر ناټو نېوکې وکړې
هغه زیاته کړه، شولتڅ د دغې يو ساعته ټيلفوني اړيکې په جریان کې «په اوکراین کې په ځانګړې توګه پر ملکي زیربناو د روسېې حملې وغندلې او د روسېې د یرغل په مقابل کې ېې د اوکراین د دفاعي وړتيا په موخه د آلمان پر ملاتړ ټينګار وکړ.«
دواړو رهبرانو همدارنګه نړيوال خوراکي خوندیتوب پر موضوع چې د اوکراین جګړې له کبله تر فشار لاندې ده، هم وغږيدل. شولڅ او پوتين په اوکراين کې د جګړې پر موضوع وخت ناوخت ټيلفوني اړيکې لرلي دي. د دوی وروستي ټيلفوني اړيکه د سپتمبر په نیمايي کې وه چې ۹۰ دقیقې ېې دوام وکړ. شولتڅ له هماغه وخت راهیسې له پوتين څخه غواړي تر څو د «یو اوربند له مخې یوې ممکنه ديپلوماتيکي حل لارې باندې جوړجاړي ته کيني.»
کیف: د اوکراینيانو د ستالین د وخت عمدي وژنه تکراریږي
په ورته وخت کې رويټرز د آلمان حکومت په حواله ليکي چې آلمان اوکراین ته د ۷ اضافي ګيپراډ ټانکونو استولو ته تیاری نیسي. دغه دافع هوا سیستم لرونکي ټانکونه به پر هغو ۳۰ نورو ټانکونو ورزیات شي چې تر دې مخکې د روسيي ځواکونو پر ضد استعمال شوي دي.
د یو بل خبر له مخې آلمان همدارنګه اوکراین ته په سلونو د برېښنا جنراتورنه استوي. د آلمان د تخنيکي مرستو فدرالي ادارې (THW) د جمعې په ورځ وويل چې تر اوسه پورې ېې نژدې ۱۵۰ دستګاوې لیږلي او ۳۲۰ نور جنراتورنه هم استولو ته اماده دي.
آژانسونه/م.ک.ص./ن.ز.
له آرشیف څخه یو انځوریز البوم:
د اوکراين په جګړه کې د ناهيليو او ویجاړۍ شيبې
د انځورونو ګالري: په داسې حال کې چې پر اوکراین د روسیې بریدونه دوام لري، د اوکراین اوسیدونکي د ورځني ژوند شيبې په اضطراب او ناهیلیو کې تيروي. انځور: Vadim Ghirda/AP Photo/picture alliance په کيف کې يوه سپين سرې ښځه د خپل کور له ماتې کړکۍ څخه بهر ته ګوري. د ملګرو ملتونو د اټکل له مخې که جګړه ۱۲ میاشتې دوام وکړي د دغه هېواد ۹۰ سلنه وګړي ښایي له فقر سره مخامخ شي. که داسې وشي، اوکراين له اقتصادي پلوه کابو دوه لسيزې شاته ځي.
انځور: Thomas Peter/REUTERS د لوږې له کبله له مرګ څخه تيښته د اوکراين دويم ستر ښار خارکيف، کې لوږي ځپلي خلک د سالتيوکا په سیمه کې پر يوه پلورنځي هجوم وروړی دی. د خارکيف، چرنيهيف، سومي او د اوکراين په شمال شرق کې اوختیرکا وضعيت متزلزل دی. د دغه ښار خلک په پرله پسې ډول د توغندیو او هوايي بریدونو لاندې ژوند کوي.
انځور: Andrea Carrubba/AA/picture alliance د ویجاړیو په ترڅ کې د آرامۍ يوه شيبه په کيف کې د اطفايې کارکونکې، يوې ښځې ته چې د روسي ځواکونو په بمبارۍ کې يې اپارتمان ويجاړ شوي تسلي ورکوي. دغه ښځه د نورو ډيرو کسانو په څير له یوه نامعلوم برخلیک سره مخامخ شوې، چې کورونه یې د روسيې د ادعا برخلاف چې ويلي وو پر غير نظامي خلکو بريدونه نه کوي، په پرله پسې ډول تر بریدونو لاندې راځي. هره ورځ يو شيمر ملکي وګړي وژل کيږي، ټپيان کيږي او کورونه يې پر کنډوالو اوړي.
انځور: Vadim Ghirda/AP Photo/picture alliance په خارکيف کې تر ځمکې لاندې زيږنتون کې يوه مور خپل ماشوم په غيږ کي نيسي. ښایي ډیر وخت میندواره میرمنې په دغه ډول سرپناوو کې ماشومان وزیږوي. ډیری روغتونونه د روسي بمباریو په ترڅ کې په نښه شوي دي. حتی په ماریوپول کې د ماشومانو یو روغتون بمبار شوی چې د نړۍ په کچه سخت غبرګونونه راپارولي.
انځور: Vitaliy Gnidyi/REUTERS په دهلیز کې د ټپیانو درملنه د اوکراین په ماریوپول ښار کې ټپیان د یوه روغتون په دهلیزونو کې بستر شوي دي. د دې بندري ښار وضعیت، چې روسیه یې د کنټرول ادعا کوي، ویجاړونکی دی. د اوکراین په شمال ختیځ کې د ایزیوم په محاصره شوي ښار کې هم وضعیت همداسې دی. د اوکراین حکومت په دې لټه کې دی چې د محاصره شویو ښارونو اوسیدونکو ته خواړه او درمل ورسوي.
انځور: Evgeniy Maloletka/AP/dpa/picture alliance د دونیڅک په سیمه کې د وولنوواخا ښار چې د روسي پلوه بېلتون غوښتونکو تر کنترول لاندې دی، اوسیدونکي یې له څه مودې راهیسې بشري مرستې ترلاسه کوي. د اوکراین په ختیځ کې دونیڅک او لوهانسک سیمې د سختو جګړو ډګر دی. د روسیې او د اوکراین د بېلتون غوښتونکو له خوا ورکول کیدونکي خبرونه کې ادعا کیږي چې روسي ځواکونو په سیمه کې نور ځایونه نیولې دي.
انځور: ALEXANDER ERMOCHENKO/REUTERS د اوکراین په لوېدیځ ښار لویف کې د یوې کورنۍ غړي په خاموشۍ سره د وژل شویو سرتېرو له پاره د ماتم مراسم تر سره کوي. په دغه ښار کې د روسیې په بریدونو کې ګڼ شمېر ملکي وګړي وژل شوي دي. د ملګرو ملتونو د بشري حقونو د عالي کمیسارۍ په وینا د فبرورۍ له ۲۴مه د روسیې د یرغل له پیل راهیسې د مستند شوو ملکي وګړو شمېر له ۷۰۰ څخه زیات دی. په دغه ډله کې ۴۲ ماشومان او تنکي ځوانان شامل دي.
انځور: Vincenzo Circosta/ ZUMAPRESS/picture alliance په کیف کې يو تن کارکونکې له یوه پلورنځي څخه کثافات لرې کوي چې، د روسیې د توپچي برید وروسته یوازې کنډوالې پاتې دي. د ودانيو ترڅنګ داسې بريښي چې له کییف څخه هیلې هم کوچیدلي دي. کله به بیا دا پلورنځی پرانستل شي؟ آیا کیف ته به بیا ورځنی ژورند راوګرځي؟ دا هغه پوښتنه ده چې ټول اوسیدونکي له ځانه کوي.
انځور: Mykhaylo Palinchak/ZUMAPRESS/picture alliance
