د طالبانو د ادارې سترې محکمې نن شنبه د (د اوکتوبر په دوولسمه) په یوې خبر پاڼه کې چې په کندهار ولایت کې یو کس ته  د دغه ولایت د جنايي محکمې د حکم له مخې په عام محضر کې سزا ورکړل شوه. په خبر پاڼه کې راغلي چې دغه کس د «غلا» په تور په عام محضر کې په دُرو ووهل شو.

محکمې دغه کس په دوه کاله بند او ۳۹ درو محکوم کړی و.طالبانو له بیا راتلو وروسته په تیرو دریو کلونو تورونو کسانو ته د خپلو محکمو د حکم پر بنسټ په عام محضر کې سزا ورکړې ده.

دغې ډلې تر اوسه په سلګونو نارینه او ښځې په بیلابیلو تورونو په عام محضر کې په دُرو وهلي دي او تر دې دمه یې پنځه کسان قصاص کړي.نړيوالې ټولنې او د حقوقي چارو کارپوهانو د مدافع وکيل او قانوني محاکمې ته له لاسرسي پرته د تورنو کسانو مجازات غندي، خو طالبانو دغو غبرګونونو ته هېڅ پام نه دى کړى، او تل د خپل مشر حکم او په همدې شان په عام محضر کې په دُرو د وهلو او قصاص پلی کوي.