د عراق د پلازمينې بغداد يوې جزايي محکمې يو شمير په خټه ترکۍ ښځې له داعش سره د تړاو په تور د مرگ په سزا محکومي کړي دي. د ای ايف پي د خبري آژانس د ۱۵ او رويترز ۱۶ تنو د محکوميدو خبره کوي. د عدلیې د يوه وياند په حواله يوې بلې ترکۍ ته د عمري بند سزا ورکړل شوې ده. زياته شوې چې ټولو محکومو شويو پر خپل جرم اعتراف کړی دی.
د پريکړي پر ضد دعوا
د عدليې په حواله دا ښځې چې عمرونه یې د ۲۰ او ۵۰ کلونو ترمنځ دي، په غير قانوني توگه عراق ته تللي وې، څو هلته له خپلو مړونو سره چې د داعش غړي ول، يوځای شي. ويل شوي دي چې يوې ښځې ويلي دي چې د جهادستانو په جنگي ليکو کې یې د عراق د عسکرو پر وړاندي جگړه کوله. د محکمې د معلوماتو له مخي دا ښځې کولای شي د محکمې د پريکړې پر ضد په يوه مياشت کې دعوا وکړي.
تيره اوونۍ د داعش د جنگيالو د کونډو يوې ډلې په محکمه کې ويلي ول چې دوی عراق ته د راتگ له پاره د خاوندانو له خوا مجبور کړل شوي وې. ځينو يې آن د گواښل کيدو څخه خبره کړې ده.
د داعش د ډيرو جنگيالو ميرمنې وايي چې دوی ته فريب ورکړل شوی ووانځور: Getty Images/AFP/B. Kilic آلمانۍ ښځي هم په جزا محکومې شوي
تيرکال په عراق کې کابو ۱۰۶ تنه، زياتره په ترهگرۍ کې د لاس درلودو له وجې، اعدام شول. د عراق د ترهگرۍ ضد قوانينو د ۴ مادې پر اساس هر هغه څوک د مرگ په سزا محکوميدای شي چې په ترهگريز عمل یې لاس پورې کړي وي، پلان کړی یې وي او يا یې ورسره مالي مرسته کړي وي. همدا راز ترهگرۍ ته هڅوونکي هم د اعدام د سزا له گواښ سره مخامخ دي.
په عراق کې نه يوازې عراقيان محاکمه کيږي، بلکې بهرني اتباع هم ځواب ويلو ته مجبور شوي دي. په جنوري میاشت کې د آلمان د منهايم يوه اوسېدونکې چې په خټه مراکشۍ ده، له داعش سره د اړيکو له کبله د مرگ په سزا محکومه شوه. په فيبرورۍ میاشت کې يوې ترکۍ ته هم د مرگ سزا ورکړل شوه.
د کار پوهانو د اټکلونو پر اساس په عراق کې اوسمهال د داعش کابو ۲۰ زره غړي بنديان دي چې په دوی کې تقريباً ۵۶۰ ښځې هم شاملې دي.
داعش ډلې په ۲۰۱۴م کال کې تر هغه وروسته چې کردي مليشې یې تر اربيل او عراقي ځواکونه تر بغداده پر شا کړل، د سوریې او عراق په ډيرو برخو کې «خلافت» اعلان کړ. خو د ۲۰۱۵م کال راهيسې دغه ډلې د سيمو په بايللو پيل وکړ او له ډيرو سيمو څخه وشړل شول.
د تير کال په دسمبر مياشت کې د عراق لومړي وزیر حيدر العبادي اعلان وکړ چې داعش ته یې په پوځي توگه ماتې ورکړه. خو په دغه هيواد کې د داعش ځينې هستې اوس هم فعالې دي.
as/JJ(afp,rtre)(B.S/N.Z)
زموږ له آرشیف څخه:
د هغو ایراني ښځو انځورونه چې له داعش سره په جګړه کې دي
د رویټرز خبري آژانس د هغو ایرانې کردانو انځورونه خپاره کړي دي چې د داعش په مقابل کې یې وسلې پورته کړې دي. په دغو انځورونو کې چې موصل ته نږدې د بعشیقه په سیمه کې اخیستل شوي ایرانۍ پیشمرګه کردانې لیدل کیږي.
انځور: Reuters/A. Jadallahد روټرز خبرې آژانس د هغو ایرانې کردانو انځورونه خپاره کړي دي چې د داعش پر وړاندې یې وسلې پورته کړي دي.
په دغو انځورونو کې چې موصل ته نږدې د بعشیقه په سیمه کې اخیستل شوي ایرانۍ پیشمرګه کردانې لیدل کیږي.
د دغو ښځو پر مټو نښلول شوې نښان ښئ چې دوی د (PAK) یا کردستان د آزادۍ ګوند د ایرانۍ څانګې غړي دي.
دغه کردانې له داعش ترهګرې ډلې سره د جګړې په لومړۍ لیکه کې قرار لري.
آلمان د هغو لویډیځو هیوادونو له جملې څخه دی چې د داعش په مقابل کې د کردانو ملاتړ کوي.
عراقي پوځ او کردي ځواکونو په دې وروستیو اونیو کې د داعش له منګولو څخه د موصل ښار د بیرته نیولو عملیات پیل کړي دي.
کردي نجونې د موصل ښار د بیرته نولو له پاره د داعش سره په جګړه کې دي.
موصل چې په عراق کې د داعش یا «اسلامي دولت» ډلې تر ټولو لویه ورستۍ قرارګاه شمیرل کیږي، د ۲۰۱۴ کال په جون میاشت کې د دغې ډلې لاسو ته ولویده.
د موصل د عملیاتو رهبري د عراقي پوځ په غاړه ده. دغه عملیات د امریکا په مشرۍ ائتلاف هوایې ځواکونو په ملاتړ د دولتي سرتیرو، کردي پيشمرګه، سني، شعیه او عیسوي داوطلبانو له خوا په لاره اچول شوي.
د موصل په شاوخوا سیمو کې د «اسلامي دولت» ډلې ډیر شمیر مرکزونه له منځه تللي او ډیر شمیر سیمې آزادې شوي دي.
د موصل د نیولو له پاره له داعش سره په مقابله کې کردۍ نجونې.
په ۲۰۰۳ کال کې پر عراق د امریکا متحده ایالاتو تر برید وروسته د موصل د بیرته نیولو عملیات په دغه هیواد کې تر ټولو لوې پوځې عملیات شمیرل کیږي.
د موصل د بیرته نیولو په عملیاتو کې تر ۴۰۰۰ ډیرو پيشمرګه ځواکونو او تر ۳۰ زرو ډیرو عراقي پوځیانو برخه اخیستې.
اټکل کیږي چې د موصل په جګړه کې له ۳ څخه تر ۵ زرو پورې داعشیان ګډون لري. دغې ډلې د ښار په اطرافي سیمو کې خندق ایستلې او په یو شمیر سیمو کې یې په ځانګړي توګه ختیځ کې ماینونه ښخ کړي دي.
په موصل کې د یو میلیون او ۲۰۰ زرو څخه تر یونیم میلیونه پورې وګړې ژوند کوي. د ملګرو ملتونو مرسته روسونکي سازمانونه اټکل کوي چې د موصل د آزادولو عملیات به سلګونه زره خلک مهاجر او بې کوره کړي.
د کډوالو له پاره د ملګرو ملتونو عالي کمیساري وایې چې د موصل د نیولو له پاره د داعش پر وړاندې جګړه ممکن د یوه میلیون انسانانو د بې کوره کیدو سبب شي.
د موصل د آزادولو عملیات امکان لري په اونیو اونیو دوام وکړي.
د داعش له منګولو څخه د موصل ښار آزادول کیدای د سیمې خلکو ته ډیر مالي او ځاني تاوانونه ورسوي.
