یادو وزیرانو په داسې وخت کې د اوربند غوښتنه کړې چې د دوی استازي د لومړي ځل له پاره د فلسطين په جګړه ځپلې سيمه کې د جګړې د پای او بشري مرستو ته د اجازه ورکولو له پاره پر امریکا او اسرائيل د چین له خوا د فشار واردولو په موخه بيجنګ ته تللي دي.
ټاکل شوې چې دغه استازي به د ملګرو ملتونو په امنيت شورا کې د پنځو دايمي غړو سره هم وګوري تر څو هغوی هم دې ته وهڅوي چې پر غرب فشار وارد کړي چې د اسرائيل د خپلې دفاع په نوم د فلسطينيانو پر ضد اقدامات رد او هغه توجيه نه کړي.
کوم استازي چې د دوشنبې په ورځد چین له خارجه وزير وانګ سره ګوري، د نورو ترڅنګ د سعودي عربستان، اردن، مصر، اندونیزيا او د فلسطين او د اسلامي همکاريو له سازمان څخه دي.
د حماس له خوا چلوونکی د غزې حکومت وايي چې د اسرائيلي ځواکونو په حملو کې تر اوسه د ۵۵۰۰ ماشومانو په ګډون لږ تر لږه ۱۳زره فلسطینیان وژل شوي ديانځور: Marwan Saleh/AP/picture alliance د دوی له ډلې د سعودي عربستان خارجه وزير، شهزاد فیصل بن فرحان السعود وويل: «موږ دلته راټول شوي يو چې يو واضح پيغام واستوو: هغه دا چې موږ باید فورا جګړه او وژنې ودروو، موږ باید په سملاسي توګه غزې ته بشري اکمالات ورکړو.»
د اسلامي همکاريو سازمان روانه مياشت په ریاض کې هم یوه فوق العاده غونډه درلوده چې په هغې کې ېې د جرمونو له نړيوالې محکمې څخه وغوښتل چې د فلسطينيانو په سیمه کې دې هغه د دغه سازمان په وينا «بشر ضد جنګي جرمونو او جنایاتو چې اسرائيل ېې ترسره کوي» په هکله تحقیقات وکړي.
د سعودي عربستان شهزاد، محمد بن سلمان، په غزه کې شخړو ته د پای ته رسولو په موخه پر متحده ايالاتو او اسرائيل فشار واردوي او د خپل دغه پيغام د لا تقويي له پاره ېې له عرب رهبرانو سره وکتل.
د حماس جنګيالو پر اسرائيل د اکتوبر ۷مې حملې پرمهال شاوخوا ۲۴۰ تنه یرغمل ونيول، دغه اقدام اسرائيل هڅولی تر څو د حماس ډلې د لمنځه وړلو په موخه پر غزې تړانګې پوځي یرغل وکړي.
رياض هڅه کوي چې پر امریکا متحده ایالاتو او اسرائيل د فشارونو په راوستلو او د اسلامي همکاریو سازمان سره په کتو د غزې شخړې ته د پای ټکی کيږديانځور: Saudi Press Agency/dpa/picture alliance د حماس له خوا چلوونکی د غزې حکومت وايي چې د اسرائيلي ځواکونو په حملو کې تر اوسه د ۵۵۰۰ ماشومانو په ګډون لږ تر لږه ۱۳زره فلسطینیان وژل شوي دي.
په بیجنګ کې د اسرائيل سفېرې، ايريت بن-آبا، د راټولو شوو استازو په هلکه غبرګون ښودلی دی. هغې د دوشنبې په ورځ بهرنيو خبریالانو ته په یوه لنډه وينا کې وويل چې هغه هېله منده ده چې «له دغې کتنې څخه د اوربند په هکله کومه اعلاميه خپره نشي، اوس ېې وخت نه دی.»
د چين وانګ د دې خبرې په کولو چې بيجنګ د «عرب او مسلمان هېوادونو یو ښه ملګري او ورور» پاتې شوی، زياته کړې چې دغه هېواد تل په قاطعیت سره د فلسطينانو د عادلانه حقونو غوښتنو د اعادې ملاتړ کړی دی.
وانګ د دوشنبې په ورځ وويل چې چین هڅه کوي چې «په غزه کې د امکان تر حده ژر جګړه پای ته ورسيږي...»
(Reuters) mks/aa/bs
پر ورته موضوع یو انځوریز البوم (آرشیف13.10.2023)
د مرګ او ژوند په منځ کي د غزې د فلسطینیانو انځوریز راپور
غزه د بشري ناورین په درشل کي ده. د اکتوبرمیاشتي پر اوومه نېټه د حماس د ترهګریزو بریدونو په ځواب کي د اسرائيل د ځوابي بریدونه دوام لري، په غزه کي د وژل سویو او ټپیانو شمېر مخ پر ډېرېدو دی. انځور: Fatima Shbair/AP/picture alliance د اسرائيل درانه ځوابي بریدونه پر اسرائيل د حماس د ناڅاپي تروریستي بریدونو په دوام، دغه هیواد هم پر غزه هوايي بریدونه وکړل چې د حماس ډلي په کنترول کي ده. اروپايي ټولنه، امریکا متحده ايالات او ځيني نور هیوادونه حماس تروريستي ډله ګڼي. د اکتوبر پر نهمه دوشنبه د اسرائيل لومړي وزیر بنیامین نتانیاهو وویل: «کوم څه، چي به موږ په راتلونکو ورځو کي له خپلو دوښمنانو سره کوو د دوی د راتلونکو نسلونو له پاره به لکه زنګ داسي وي.»
انځور: Belal Al SabbaghAFP/Getty Images د ملګرو ملتونو د بشري مرستو د همږغۍ دفتر(OCHA) په وینا نژدې ۸۰۰ تعمیرونه یومخ ویجاړي سوي دي او په سونو نور د اسرائيل په هوايي بریدونو کي تاواني سوي دي. راپورونه وايي، چي په سونو زره کسان اوبه نه لري.
انځور: Mohammed Talatene/dpa/picture alliance د پاته سویو کسانو په لټه کي د اسرائيل په هوايي بریدونو کي د غزې تراډي په شمال کي د جبالیه کډوالو پنډغالي له منځه تللي او ژغورونکي کوښښ کوي، چي پاته سوي ژوندي کسان وژغوري. هغه شمیرې چي د پنجشنبې په ورځ خپرې سوي دي، د دواړو لوریو قربانیان تر۲۵۰۰ زیات دي. لږ تر لږه ۱۲۰۰ اسرائيليان او ۱۳۰۰ فلسطینیان وژل سوي دي په زرهاوو کسان ټپیان دي.
انځور: Mahmud Hams/AFP/Getty Images مړي په یوه موټر کي وړل کیږي او یوه فلسطینۍ ښځه بوغاري وهي . په غزه کي د روغتیا مسؤلان وايي تر ۱۴۰ ډېر کوچنیان او ۱۰۰ ښځي وژل سوي دي.
انځور: Said Khatib/AFP/Getty Images فلسطینیان په یوه زاړه مني بس موټر کي د اسرائيل له انتقامي هوايي بریدونو څخه تښتي. د ملګرو ملتونو د یو راپور پربنسټ په غزه کي ۱۸۷ زره کسان بې ځایه سوي دي. ۱۳۷ زره کسانو د ملګرو ملتونو په ښوونځیو کي او ۴۰ زره په شخصي کورونو کي پنا اخیستې ده. امکان نه لري، چي د غزې تراډه دي یومخ پرېږدي. اسرائيل دغه سیمه محاصره کړې او د مصر لار يې هم تړلي دي.
انځور: Saleh Salem/REUTERS اسرایلي ځواکونه د غزي تراډي پوله خپله مهاروي د اسرائيل ځواکونه د غزې تراډي پر پوله ګزمه کوي. د حماس ډلي وسله والو د اکټوبر مياشتي پر اوومه پر پوله د اسرائيل درول سوی کټارې ماتي او دغه هیواد ته له ور اوښتلو سره یې عملیات شروع کړل، چي ډېری قربانیان يې ولسي وګړي ول. اسرائيل په ۱۹۹۴م کال کي د غزې پر پوله اغزن تار وغځاوه. په غزه کي د مصر سره پر پوله هم اغزن سیم درول سوی دی.
انځور: Oren Ziv/AP/picture alliance د غزې پر پوله اسرائيلي ځواکونه اسرائيل ۳۰۰ زره ریزرف ځواکونه چمتو کړي دي. د غزې اوسیدونکي ویره لري چي اسرائيل به مځکني عملیات شروع کړي. د غزې پولي ته د اسرائيل زغروال موټر او پوځي تجهیزات لېږل سوي او پولي ته څېرمه د اسرائيل ښارګوټي یومخ تش سوي دي.
انځور: Ilia Yefimovich/dpa/picture alliance په غزه کي انساني ناورین ته انتظار جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images یحیی سنوار، په غزه کي د حماس د سیاسي دفتر مشر یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
انځور: Mahmud Hams/AFP/Getty Images
