د جمهوري رياست په اعلاميه کي راغلي دي چي په دغه جلسه کي جمهور رئيس «له ستري محکمې څخه وغوښتل چي د وزيرانو د استيضاح او د ۱۳۹۴م کال د مالي محدويتونو ضوع بررسي او پايله ئې جمهوري رياست ته وړاندي کړي.»
اشرف غني ويلي دي چي ځينو وزيرانو خپله دندې د ۱۳۹۵م کال په نيمايي کي پيل کړي دي. هغه د ولسي جرگې د استازو هغي ادعا ته په اشارې سره چي ځيني وزيرانو انکشافي بوديجه نه ده مصرف کړې ويلي دي چي هغوی د غير اختياري بوديجې په برخه کي محدويتونه لرل.
د جمهوري رياست په اعلاميه کي راغلي دي «ولسمشر غني ټولو وزيرانو ته لارښوونه کړې ده چي د ستري محکمې تر پريکړي پوري دي خپلو دندو ته ادامه ورکړي».
د ولسمشر دوهم مرستيال سرورر دانش ويلي دي چي په غياب کي استيضاح په اساسي قانون کي نسته او دې ته په کتو سره چي «ولسي جرگې تر خپلي اصلي دورې» وروسته وزيران استيضاح کړي، دې ته اړتيا ده چي دغه قضيه ستري محکمې ته وړاندي سي.
نور مطالب:
انځورونه: د ملي یووالي حکومت له جوړیدو راهیسې امنیتي ننګونې
یو کال مخکې د سپتمبر پر ۲۹مه نیته ولسمشر غني، د لوړې مراسم ترسره کړل او خپل کار یې پیل کړ. د هغه د کار له پیل راهیسې په افغانستان کې سخت خونړي بریدونه شوي . په دې موده کې د افغانستان امنیتي ننګونې په انځورونو کې ووینئ.
انځور: picture-alliance/dpa
له افغانستان څخه د ناټو د جنګي ځواکونو وتل
د ۲۰۱۴ کال په پای کې ناټو په افغانستان کې خپل جنګي ماموریت پای ته ورساوه او له دې هیواد څخه یې خپل ډیر شمیر ځواکونه وایستل. دا موضوع د یاغیانو د روحیې د لوړیدو لامل شوه او پر افغان امنیتي ځواکونو باندې هم فشارونه ډیر شول. له دې کبله چې له ۲۰۱۴ کال راهیسې افغان ځواکونه په یوازیتوب عملیات ترسره کوي، د هغوي په منځه کې د تلفاتو کچه هم لوړه شوې ده.
انځور: picture-alliance/dpa/MOD/Sergeant Obi Igbo
د داعش یا اسلامي دولت ډلې ظهور
د ملي یووالي حکومت له جوړیدو سره په افغانستان کې د اسلامي دولت ډلې د فعالیتونو د ډیریدو خبرې هم رابرسیره شوې. افغان او بهرنیو چارواکو په لومړي سر کې په افغانستان کې د دغې ډلې فعالیتونو ردول خو د وخت په تیریدو سره د دغې ډلې فعالیتونه لا پسې بربنډ شول او دې ډلې وویل چې افغانستان ته هم د خپل خلافت د غځولو نیت لري.
انځور: picture-alliance/dpa/G. Habibi
پر ولسوالیو باندې بریدونه
د ملي یووالي له حکومت څخه لا ډیر وخت نه وو تیر شوی چې شاوخوا ۱۲۰۰ یاغیانو د کونړ ولایت پر دانګام ولسوالۍ باندې ډله ییز برید وکړ. په دې موده کې طالبان وتوانیدل چې یو شمیر ولسوالۍ تر خپل کنترول لاندې راولي، خو دغه ځایونه بیا بیرته د افغان ځواکونو له خوا ونیول شول. په دې موده کې طالبان آن وتوانیدل چې د ښارونو تر دروازو پورې هم ورسیږي. کندز ولایت د دې موضوع یوه واضح بیلگه ده.
انځور: picture-alliance/epa/J. Karger
د افغانستان په شمال کې ناامنۍ
په شمال کې ناامنۍ د بدخشان ولایت پر ولسوالیو باندې له بریدونو څخه پیل شوې. طالبانو هلته یو شمیر ولسوالۍ تر خپل کنترول لاندې راوستې چې بیا وروسته د افغان امنیتي ځواکونو له خوا ونیولې شوې. په دې ترتیب سره د ناامینو لمن د افغانستان شمال ته چې تر دې مخکې په نسبي توګه آرامه سیمه بلل کیده وغځیده. په دې برخه کې ناامنۍ هغو بهرنیو جنګیالیو پورې تړل کیږي چې د مرکزي اسیا له هیوادونو څخه افغانستان ته راځي.
انځور: Getty Images/AFP/S. Marai
پر پلازمینه باندې برید
تر هغه وروسته چې طالبان د ټاکنو په مخطلولو و نه توانیدل او سیاسي شخړې هم د امریکا متحده ایالاتو په منځګړیتوب حل شوې، پر پلازمینه کابل باندې د بریدونو لړۍ پیل شوه. پر دولتي او ملکي ادارو باندې باندې ډله ییز بریدونه، ځانمرګي بریدونه او د سړک د غاړې چاودنې ډیرې شوې. یوازې په یوې میاشت کې په کابل کې ۱۲ ځانمرګي بریدونه وشول.
انځور: Reuters/O. Sobhani
د حکومت د غړو ترور
یاغیانو خپل جنګي تخنیکونه بدل کړل او د ملي یووالي حکومت پر غړو یې بریدونه پیل کړل. د افغانستان په بیلابیلو برخو کې د حکومت یو شمیر غړي یا خو وتښتول شول او یا هم ترور شول. په دغو کسان کې د کابل د محکمې د دارالانشأ رییس هم شامل وو. یاغیانو همداراز د مرستندویه موسسو پر غړو باندې هم بریدونه وکړل.
انځور: REUTERS/O. Sobhani
د سولې خبرو اترو پیل
په همدې منځ کې د افغان حکومت اجرائیه وي رییس عبدالله عبدالله، د سولې خبرو اترو د پیلیدو خبر ورکړ. ولسمشر غني هیله لرله چې دا ځل به د سولې بهیر د پاکستان په منځګړیتوب یوې پایلې ته ورسیږي. تر څو غونډو وروسته، دغه بهیر هم د ملا محمدعمر تر وژل کیدو وروسته، پرته له کومې پایلې له بُن بست سره مخامخ شو. د پاکستان پر ضد ولسمشر غني سیاست او د هغه ناکامې په دې هیواد کې نوې اندیښنې رامنځ ته کړې.
انځور: picture-alliance/AP Photo/T. Mughal
له پاکستان سره د اړیکو ترینګلې کیدل
په پاکستان کې پر یوه ښوونځې باندې تر برید وروسته، اسلام آباد پر افغانستان باندې تور ولګاوه چې دغه برید یې په خاوره کې پلان شوی دی. د پاکستان د پوځ مشر راحیل شریف، تر دې برید وروسته افغانستان ته سفر وکړ او په جدي لهن یې له افغان حکومت څخه وغوښتل چې په خپله خاوره کې د تحریک طالبان پاکستان پر پټنځایونو باندې بریدونه وکړي.
په دې منځ کې د طالب او داعش جنګیالیو تر منځ سیالي هم ډیره شوه. دواړو ډلو د ننګرهار په ګډون د افغانستان په بیلابیلو برخو کې یو له بل سره نښتې هم وکړې. د داعش ډله طالبان د پاکستان د استخباراتي ادارې لاس پوسي بولي او طالبان بیا وایي چې داعش یوه متجاوزه ډله ده.
انځور: Getty Images/AFP/Str
د جګړې او مهاجرت ډیریدل
په افغانستان کې د جګړې له ډیریدو سره، له دې هیواد څخه د کډوالي کچه هم لوړه شوه. تر ۲۰۱۴ کال وروسته له افغانستان سره د نړیوالې ټولنې مرستې هم کمې شوې چې له کبله یې په دې هیواد کې د بیکاري کچه تر پخوا هم لوړه شوه. اروپا ته د ټولو رارسیدونکو کډوالو په ډله کې ۱۰ سلنه افغانان هم شامل دي.