۱۹ کلن راشد خان د هند د غوره ليګ په سيالۍ کې سنرايزرس حيدرآباد تر پايلوبې پورې ورساوه. په پايلوبه کې به يې لوبډله اوس له چېنای سوپر کينګس لوبډلې سره د ممبئي په يوه لوبغالي کې مخامخه شي. د هغه پياوړي چلن او ښې لوبې د کريکټ ډېر مينه وال خوښ او متاثره کړل چې له کبله يې په هند کې ډېرو خلکو د ټولنيزو رسنيو د لارې دا هيله او غوښتنه وکړه چې راشد خان ته دې د هند تابعيت ورکړل شي.
راشد خان د ښې توپ اچونې له کبله ډېر وستايل شوانځور: picture-alliance/dpa/AP Photo/J. Brady خو دغه وړانديز د افغان ولسمشر، اشرف غني، غبرګون هم راوپاراوه. نوموړي په تويتر کې د هند صدراعظم، نارندرا مودي، ته په اشارې سره او د هغه په ضميمه کولو سره وليکل:
«موږ افغانان په خپل اتل، راشد خان، باندې وياړو. زه له خپلو هندي ملګرو څخه منندوی هم يم چې زموږ لوبغاړو ته يې د دې زمينه ورکړې ده چې خپلې وړتياوې ښکاره کړي. راشد موږ ته د افغانستان غوره شيان په ياد راولي. هغه د کريکټ د نړۍ له پاره غنيمت دی. موږ هغه چا ته نه ورکوو.»
حيدرآباد تېر کال څه کم شپږ لکه ډالر ولګول څو راشد خان وپېري.
په افغانستان کې هم کريکټ ډېر محبوب دی، خو د دغه سپورټ له پاره په هېواد دننه له لسيزو اوږدو جګړو وروسته کافي آسانتياوې او امکانات نشته.
پر ورته موضوع زموږ له آرشيف څخه (28.04.2018):
د ۲۰۱۹م کال په نړیوال جام کې افغانستان له کوم هیواد سره او کله لوبې لري
د کریکټ نړیوالې شورا په ۲۰۱۹م کال کې د مې میاشتې له ۳۰ مې نه د جولای میاشتې تر ۱۴ پورې د نړیوال جام د سیالیو رسمي مهالویش اعلان کړ. په دې انځوریز البوم کې به وګورئ چې افغانستان له کوم هیواد سره او کله لوبیږي.
په لومړي پړاو کې نهه لوبې
افغانستان د کریکټ نړیوالې شورا د ۲۰۱۹م کال د نړیوال جام په لومړي پړاو کې چې د مې میاشتې له ۳۰ مې نه د جولای میاشتې تر ۱۴ پورې تر سره کیږي ټول ټال نهه لوبې ترسره وي.
۱. افغانستان د آسترلیا پر وړاندې
په دې سیالیو کې د افغانستان لمړنۍ لوبه د جون میاشتې په لومړۍ نیټه او د شنبې په ورځ د آسترالیا پر وړاندې ده. دغه مهمه لوبه به د انګلستان په بریستول کونټی کریکټ لوبغالي کې ترسره شي.
۲. افغانستان د سریلانکا پر وړاندې
دوهمه لوبه بیا د جون میاشتې په ۴ نیټه د سه شنبې په ورځ له سریلانکا سره پلان شوې. دغه لوبه به په کاردیف والز ستدیوم کې ترسره شي.
۳. افغانستان د نیوزیلاند پر وړاندې
د افغانستان دریمه لوبه د جون په ۸ نیټه د شنبې په ورځ له نیوزیلاند سره ده چې د تنتون په کونتي لوبغالي کې به ترسره شي.
۴. افغانستان د سویلي افریقا پر وړاندې
د افغانستان د کریکټ د ملي لوبډلې څلورمه لوبه د جون میاشتې په ۱۵ نیټه د شنبې په ورځ له سویلي افریقا سره پلان شوي. دغه لوبه به هم د کاردیف والز په ستدیوم کې ترسره شي.
۵. افغانستان د انګلستان پر وړاندې
په دې سیالیو کې د ا فغانستان پنځمه لوبه د جون میاشتې په ۱۸ نیټه د سه شنبې په ورځ د انګلستان پر وړاندې ده. دغه لوبه به د اولد ترافورد په لوبغالي کې ترسره شي.
۶. افغانستان د هندوستان پر وړاندې
د افغانستان شپږمه لوبه بیا د هندوستان پر وړاندې د جون میاشتې په ۲۲ نیټه او د شنبې په ورځ پلان شوې. دغه لوبه به د انګلستان په همپشیر باول لوبغالي کې ترسره شي.
۷. افغانستان د بنګله دیش پر وړاندې
د دې سیالیو په لړ کې د افغانستان اوومه لوبه د بنګله دیش پر وړاندې ده. دغه لوبه به د جون میاشتې په ۲۴ نیټه او د دوشنبې په ورځ ترسره شي. دغه لوبه به هم د همپشیر باول په لوبغالي کې ترسره شي.
۸. افغانستان د پاکستان پر وړاندې
د افغانستان اتمه لوبه بیا د پاکستان پر وړاندې ده. دغه لوبه د جون میاشتې په ۲۹ نیټه او د شنبې په ورځ پلان شوې. یاده لوبه به د هیډینګلي په لوبغالي کې ترسره شي.
۹. افغانستان د ویسټ انډیز پروړاندې
په لومړني پړاو کې د افغانستان وروستی لوبه د ویست انډیز پر وړاندې پلان شوې. دغه لوبه به د جولای میاشتې په ۴ نیټه او د پنجشنبې په ورځ ترسره شي. د افغانستان دغه وروستی لوبه به هم د هیډینګلي په لوبغالي کې ترسره شي.
